楊茜堯秘密誕第二胎 家姐楊卓娜送湯去醫院：呢兩日佢會出院

楊卓娜今日（20/12）現身電視城出席無綫新劇《有種好男人》開鏡拜神儀式。對於親妹楊茜堯（原名：楊怡）日前秘密入院生B，母子平安，與大女小珍珠湊成一個「好」字。楊卓娜表示：「我有去過醫院探過佢，佢面色仲好過我，好精神。而家佢仲未出得院，嚟近呢兩日佢會出得院。而頭兩日我都有送湯畀佢飲，係因為佢大女仲細，所以我媽咪要幫手照顧，所以冇時間送湯，就又我送去醫院。（B仔似邊個？）似佢Daddy嗰邊嘅，有啲似爺爺。（生嘅過程順利？）據聞佢係順利嘅。」

（似爷爷都好Handsome啊[偷笑]）

倪晨曦（Elva）昨日以代言人身份沐乳露活動，黃正宜擔任司儀。Elva自從去年誕下兒子Virgil後，今年全力工作，更笑言兒子很旺自己。她說：「囝囝現在識行又變高，身形似足老公。」談到可會追生B，她笑言有壓力，因為照顧一個小孩已辛苦，加上工作忙，所以要計劃下先。

疫情下，Elva未能帶兒子出外見識世界，她透露，身處加拿大的父母還未見到孫仔，希望明年父母能來港或帶兒子返加拿大，她說︰「現在大家靠視像見面，幸好兒子也認得公公婆婆。」被取笑明年可能生多個小孩讓父母見面？Elva笑說：「承你貴言！不過去年休息好多時間，今年湊B同工作較忙。」問老公可有詐型？她表示，獲得老公支持，更大讚老公湊仔好叻，除了煮飯外，無論餵奶、換片、沖涼都做得好，是一個100分奶爸。

[東方日報] 抱仔抱到肩周炎　蔡少芬「入廠」針灸維修

藝人蔡少芬（Ada）2019年再做媽媽，誕下細仔張樂兒（小魚蛋），雖然佢有豐富做媽媽嘅經驗，但再照顧一個新生嬰兒，對於現年48歲嘅佢絕對唔係容易事，呢日佢就喺社交網自爆因為湊B搞到五勞七傷，需要做針灸療傷，佢大晒頸、背插滿針嘅照片，並留言：「小魚蛋不輕，筋膜、肩周炎甚麼都齊了！哈哈哈哈，但我不孤單，媽媽們都心照，媽媽不容易，但快樂。」網民即大讚母愛真偉大。