Mongol-Choinom
ᠮᠣᠩᠭᠣᠯ ᠭᠡᠳᠡᠭ ᠵᠣᠷᠢᠭᠲᠠᠨ ᠡᠷᠡᠴᠦᠳ ᠨᠢ ᠵᠣᠳᠣᠭᠣᠨ ᠳᠡᠭᠡᠷ᠎ᠡ ᠥᠰᠴᠦ᠂ ᠵᠣᠭᠰᠣᠭ᠎ᠠ ᠪᠠᠷ ᠢᠶᠠᠨ ᠨᠥᠭᠴᠢᠳᠡᠭ ᠵᠣᠷᠢᠮᠠᠭ ᠰᠠᠶᠢᠬᠠᠨ ᠡᠬᠡ ᠣᠷᠣᠨ ᠮᠣᠩᠭᠣᠯ ᠭᠡᠳᠡᠭ ᠰᠠᠷᠤᠩᠭᠤᠸ᠎ᠠ ᠰᠠᠭᠠᠯᠢᠴᠢᠨ ᠥᠬᠢᠳ ᠨᠢ᠂ ᠰᠠᠯᠬᠢᠨ ᠳᠤ ᠪᠣᠷᠣᠯᠠᠭᠰᠠᠨ ᠰᠠᠶᠢᠬᠠᠨ ᠡᠬᠡ ᠣᠷᠣᠨ ᠮᠣᠩᠭᠣᠯ ᠭᠡᠳᠡᠭ ᠲᠩᠷᠢ ᠨᠢ ᠴᠡᠯᠮᠡᠭ᠂ ᠲᠡᠭᠰᠢ ᠲᠠᠯ᠎ᠠ ᠨᠢ ᠴᠡᠯᠡᠭᠡᠷ᠂ ᠲᠡᠨᠳᠡ ᠰᠠᠭᠤᠭᠴᠢᠳ ᠨᠢ ᠴᠡᠮᠴᠡᠭᠡᠷ ᠂ᠲᠢᠪ ᠳᠡᠯᠡᠬᠡᠢ ᠳᠦ ᠬᠣᠣᠰ ᠦᠭᠡᠢ ᠰᠠᠶᠢᠬᠠᠨ ᠡᠬᠡ ᠣᠷᠣᠨ ᠮᠣᠩᠭᠣᠯ ᠭᠡᠳᠡᠭ ᠠᠭᠤᠯᠠ ᠨᠢ ᠥᠨᠳᠥᠷ᠂ ᠤᠷᠭᠤᠴᠠ ᠨᠢ ᠥᠳᠬᠡᠨ᠂ ᠤᠷᠤᠰᠬᠠᠯ ᠨᠢ ᠲᠤᠩᠭᠠᠯᠠᠭ᠂ ᠠᠭᠤᠵᠢᠮ ᠰᠠᠶᠢᠬᠠᠨ ᠡᠬᠡ ᠣᠷᠣᠨ ᠮᠣᠩᠭᠣᠯ ᠤᠨ ᠳᠠᠭᠤᠤ ᠭᠡᠪᠡᠯ ᠮᠣᠲ᠋ᠣᠷ ᠤᠨ ᠳᠠᠭᠤᠤ ᠪᠢᠰᠢ ᠮᠣᠷᠢᠲᠠᠨ ᠵᠠᠯᠠᠭᠤᠰ ᠢ ᠤᠶᠠᠷᠠᠭᠠᠭᠰᠠᠨ ᠮᠣᠶᠢᠯ ᠬᠠᠷ᠎ᠠ ᠨᠢᠳᠦᠲᠡᠨᠡᠭ ᠦᠳ ᠦᠨ ᠳᠠᠭᠤ ᠶᠢ ᠮᠣᠩᠭᠣᠯ ᠭᠡᠳᠡᠭ ᠶᠤᠮ ᠮᠣᠩᠭᠣᠯ ᠤᠨ ᠳᠤᠷᠠᠰᠬᠠᠯ ᠭᠡᠪᠡᠯ ᠮᠥᠩᠭᠥᠨ ᠪᠣᠷᠢᠨᠵᠢ ᠲᠠᠢ ᠱᠣᠬᠣᠢ ᠶᠢᠨ ᠪᠠᠷᠢᠮᠠᠯ ᠪᠢᠰᠢ ᠮᠥᠷ ᠨᠢ ᠪᠠᠯᠠᠷᠠᠭ᠎ᠠ ᠦᠭᠡᠢ ᠴᠤᠪᠤᠭᠠᠨ ᠤ ᠵᠠᠮ ᠳᠡᠭᠡᠷ᠎ᠡ ᠮᠥᠩᠬᠡᠵᠢᠨ ᠦᠯᠡᠳᠡᠭᠰᠡᠨ ᠬᠦᠮᠦᠨ ᠴᠢᠯᠠᠭᠤ ᠶᠢ ᠬᠡᠯᠡᠳᠡᠭ ᠶᠤᠮ ᠡᠬᠡ ᠣᠷᠣᠨ ᠤ ᠮᠢᠨᠢ ᠠᠭᠤᠵᠢᠮ ᠳᠤ ᠨᠢᠳᠦ ᠪᠡᠨ ᠪᠡᠯᠴᠢᠭᠡᠬᠦ ᠭᠡᠵᠦ ᠢᠰᠡᠭᠡᠢ ᠭᠡᠷ ᠦᠨ ᠮᠢᠨᠢ ᠬᠣᠶᠢᠮᠣᠷ ᠲᠤ ᠢᠳᠡᠭᠡ ᠵᠣᠭᠣᠭᠯᠠᠬᠤ ᠭᠡᠵᠦ ᠡᠷᠲᠡᠨ ᠦ ᠧᠦ᠋ᠷᠣᠫᠠ ᠶᠢᠨ ᠡᠷᠡᠲᠡᠢ᠂ ᠵᠣᠷᠢᠭᠲᠠᠢ ᠵᠢᠭᠤᠯᠴᠢᠳ ᠡᠯᠡᠰᠦᠨ ᠴᠥᠯ ᠢᠶᠡᠷ ᠨᠢ ᠠᠩᠭᠠᠵᠤ ᠶᠠᠪᠤᠭᠰᠠᠨ ᠮᠥᠷ ᠪᠤᠢ ᠬᠦᠮᠦᠨ ᠭᠦᠢ ᠶᠤᠮ ᠰᠢᠭ ᠥᠩᠭᠡᠶᠢᠭᠰᠡᠨ ᠮᠠᠨᠵᠤ ᠳᠠᠶᠢᠴᠢᠨ ᠤᠯᠤᠰ ᠤᠨ ᠬᠦᠷᠢᠶ᠎ᠡ ᠨᠢ ᠪᠢᠲᠡᠭᠦᠦ ᠬᠠᠷ᠎ᠠ ᠬᠢᠯᠢᠩ ᠮᠠᠯᠠᠭᠠᠢ ᠬᠦᠯᠦᠭ ᠮᠣᠷᠢᠨ ᠤ ᠲᠣᠭᠣᠰᠣᠨ ᠳᠤᠮᠳᠠ ᠲᠣᠯᠣᠭᠠᠶᠢᠲᠠᠭ ᠢᠶᠠᠨ ᠬᠢᠯᠢ ᠶᠢᠨ ᠣᠪᠣᠭᠠᠨ ᠤ ᠪᠡᠯ ᠳᠦ ᠥᠩᠬᠦᠷᠢᠴᠢ ᠤᠨᠠᠭᠰᠠᠨ ᠮᠥᠷ ᠪᠤᠢ ᠡᠨᠡ ᠴᠢᠨᠢ ᠡᠵᠡᠨ ᠲᠡᠢ᠂ ᠡᠵᠡᠨ ᠨᠢ ᠡᠷ᠎ᠡ ᠲᠡᠢ ᠴᠢᠳᠠᠯ ᠲᠠᠢ ᠡᠷᠲᠡᠨ ᠡᠴᠡ ᠪᠡᠨ ᠡᠴᠢᠭᠡ ᠲᠡᠢ᠂ ᠡᠪᠦᠭᠡ ᠲᠡᠢ᠂ ᠬᠠᠳᠠᠨ ᠳᠡᠭᠡᠷ᠎ᠡ ᠪᠡᠨ ᠪᠢᠴᠢᠭ ᠲᠡᠢ ᠬᠠᠳᠠᠭᠠᠨ ᠳᠡᠭᠡᠷ᠎ᠡ ᠪᠡᠨ ᠢᠷᠦᠭᠡᠯ ᠲᠡᠢ᠂ ᠬᠠᠮᠢᠭ᠎ᠠ ᠴᠤ ᠮᠣᠩᠭᠣᠯ ᠯᠠ ᠭᠡᠳᠡᠭ ᠨᠡᠷ᠎ᠡ ᠲᠡᠢ ᠬᠠᠨᠠᠭᠠᠷ ᠡᠬᠡ ᠣᠷᠣᠨ ᠰᠢᠦ ᠪᠥᠮᠪᠥᠷᠴᠡᠭ ᠮᠢᠨᠢ ᠴᠢ᠂ ᠬᠣᠶᠠᠷ ᠬᠦᠩ ᠢᠶᠡᠷ ᠬᠥᠲᠦᠯᠦᠭᠦᠯᠦᠭᠰᠡᠨ ᠪᠥᠭᠡᠷ᠎ᠡ ᠠᠯᠠᠭ ᠦᠨᠢᠶ᠎ᠡ ᠰᠢᠭ ᠭᠠᠶᠢᠬᠠᠩᠬᠠᠨ ᠵᠣᠭᠰᠣᠬᠤ ᠳᠤ ᠪᠠᠨ ᠪᠥᠬᠥᠭ ᠲᠦᠷᠭᠡᠨ ᠭᠦᠶᠦᠳᠡᠯ ᠲᠡᠢ ᠵᠢᠵᠢᠭ ᠮᠣᠷᠢ ᠪᠠᠨ ᠰᠣᠶᠢᠵᠤ ᠪᠥᠬᠥᠰᠢ ᠦᠭᠡᠢ ᠭᠠᠯ ᠤᠨ ᠳᠡᠷᠭᠡᠳᠡ ᠬᠦᠷᠡᠯ ᠨᠢᠭᠤᠷ ᠨᠢ ᠭᠡᠶᠢᠵᠦ ᠪᠥᠭᠡ ᠮᠥᠷᠭᠥᠯ ᠦᠨ ᠠᠶᠠᠰ ᠬᠦᠴᠦᠲᠦ ᠢᠯᠳᠦ ᠪᠡᠨ ᠳᠠᠯᠠᠶᠢᠭᠰᠠᠨ ᠪᠥᠭᠲᠥᠷ ᠲᠣᠯᠣᠭᠠᠶᠢᠲᠤ ᠮᠣᠩᠭᠣᠯ ᠬᠦᠮᠦᠨ ᠦ ᠲᠤᠬᠠᠢ ᠰᠣᠨᠣᠰᠤᠭᠰᠠᠨ ᠤᠤ ᠠᠬᠤᠢ ᠪᠠᠶᠠᠨ ᠪᠠᠶᠢᠭᠠᠯ ᠳᠤ ᠪᠠᠨ ᠡᠵᠡᠨ ᠬᠦᠮᠦᠨ ᠰᠢᠭ ᠰᠡᠯᠡᠭᠦᠴᠡᠵᠦ ᠠᠭᠠᠷ ᠤᠰᠤᠨ ᠤ ᠲᠤᠩᠭᠠᠯᠠᠭ ᠲᠤ ᠪᠠᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠥᠰᠥᠴᠥᠭᠡᠵᠦ ᠠᠯᠲᠠᠨ ᠲᠠᠯ᠎ᠠ ᠶᠢ ᠠᠯᠳᠠᠯᠠᠭᠰᠠᠨ ᠤᠷᠲᠤ ᠶᠢᠨ ᠳᠠᠭᠤ ᠪᠠᠨ ᠵᠣᠬᠢᠶᠠᠵᠤ ᠠᠶᠤᠯᠲᠤ ᠪᠡᠷᠬᠡ ᠶᠢ ᠳᠠᠯᠳᠠᠯᠠᠭᠰᠠᠨ ᠤᠷᠢᠳᠤ ᠶᠢᠨ ᠲᠡᠦᠬᠡ ᠪᠡᠨ ᠪᠦᠲᠦᠭᠡᠵᠦ ᠠᠷᠠᠨᠵᠠᠯ ᠤᠯᠠᠭᠠᠨ ᠭᠠᠯ ᠤᠨ ᠱᠠᠰᠢᠷᠯᠠᠵᠤ ᠪᠠᠶᠢᠭ᠎ᠠ ᠳᠥᠯᠦ ᠰᠢᠭ ᠠᠰᠠᠨ ᠳᠦᠷᠡᠯᠵᠡᠭᠰᠡᠨ ᠰᠡᠳᠬᠢᠯ ᠲᠡᠢ ᠨᠡᠭᠦᠳᠡᠯᠴᠢ ᠣᠮᠣᠭ ᠢ ᠳᠠᠭᠤᠯᠠᠭᠰᠠᠨ ᠤᠤ ᠠᠷᠪᠠᠨ ᠪᠠᠷᠠᠭᠠᠨ ᠤ ᠭᠠᠵᠠᠷ ᠠᠴᠠ ᠤᠷᠤᠯᠳᠤᠬᠤ ᠮᠣᠷᠢᠳ ᠤᠨ ᠲᠤᠭᠤᠷᠠᠢ ᠠᠯᠳᠠᠯᠠᠨ ᠲᠠᠯᠪᠢᠬᠤ ᠰᠤᠮᠤᠨ ᠤ ᠣᠨᠣᠭ᠎ᠠ ᠳᠠᠭᠤᠳᠠᠬᠤ ᠴᠤᠤᠷᠠᠢ ᠠᠭᠠᠷᠤ ᠽᠠᠨᠳᠠᠨ ᠬᠠᠰᠢᠯᠭᠠᠨ ᠠᠴᠠ ᠨᠢᠰᠬᠦ ᠰᠤᠮᠤᠨ ᠤ ᠤᠤᠬᠠᠢ ᠠᠰᠠᠷ ᠤᠨ ᠡᠮᠦᠨ᠎ᠡ ᠳᠡᠪᠢᠬᠦ ᠬᠦᠴᠦᠲᠦ ᠪᠥᠬᠡ ᠶᠢᠨ ᠭᠤᠩᠰᠢᠨ ᠠᠯᠠᠭ ᠯᠢᠩᠪᠦ ᠲᠡᠢ ᠬᠣᠷᠰᠢᠬᠤ ᠬᠣᠨᠢᠴᠢᠨ ᠪᠦᠰᠡᠭᠦᠢ ᠶᠢᠨ ᠬᠣᠭᠣᠯᠠᠢ ᠠᠶᠢᠷᠠᠭ ᠤᠨ ᠰᠥᠩ ᠦᠨ ᠳᠡᠷᠭᠡᠳᠡᠬᠢ ᠬᠤᠸᠠ ᠳᠡᠮᠪᠡᠭᠡ ᠶᠢ ᠰᠣᠨᠣᠰᠤᠭᠰᠠᠨ ᠤᠤ ᠦᠭᠡᠢ ᠪᠢᠵᠡ ᠳ᠋ᠡ ᠪᠥᠮᠪᠥᠷᠴᠡᠭ ᠮᠢᠨᠢ᠂ ᠪᠥᠮᠪᠥᠷᠴᠡᠭ ᠮᠢᠨᠢ ᠦᠢ ᠴᠠᠭ ᠤᠨ ᠰᠢᠭᠤᠷᠭᠠᠨ ᠳᠤ ᠴᠡᠴᠡᠷᠡᠨ ᠳᠠᠭᠵᠢᠨ ᠡᠷᠭᠢᠵᠦ ᠦᠬᠡᠷ ᠪᠤᠤᠨ ᠤ ᠳᠠᠭᠤᠨ ᠳᠤ ᠴᠢᠬᠢᠨ ᠦ ᠨᠢ ᠬᠡᠩᠭᠡᠷᠭᠡ ᠬᠠᠭᠠᠷᠠᠵᠤ ᠦᠢᠮᠡᠭᠡᠨ ᠶᠡᠬᠡ ᠲᠡᠢ ᠧᠦ᠋ᠷᠣᠫᠠ ᠶᠢᠨ ᠦᠭᠡᠨ ᠳᠦ ᠬᠠᠶᠠ ᠬᠠᠭᠤᠷᠲᠠᠵᠤ ᠦᠰᠦᠷᠦᠨ ᠳᠡᠭ ᠲᠦ ᠬᠢ ᠫᠤᠤᠵᠢᠩ ᠤᠨ ᠦᠨᠡᠰᠦᠨ ᠳᠦ ᠬᠠᠶᠠ ᠪᠤᠯᠠᠭᠤᠯᠵᠤ ᠦᠢ

ᠬᠥᠮᠦᠨ ᠦ ᠠᠮᠢᠳᠤᠷᠠᠯ ᠤᠨ ᠵᠠᠮ ᠳᠡᠭᠡᠷ᠎ᠡ ᠶᠠᠮᠠᠷ ᠨᠢᠭᠡ ᠶᠠᠭᠤᠮ᠎ᠠ ᠲᠠᠶ ᠤᠴᠠᠷᠠᠬᠤ ᠶᠢ ᠬᠡᠨ ᠴᠦ ᠲᠥᠰᠦᠭᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠬᠤᠪᠢ ᠵᠠᠶᠠᠭ᠎ᠠ ᠪᠠ ᠵᠣᠯ ᠵᠢᠷᠭᠠᠯ ᠢ ᠥᠪᠡᠷ ᠢᠶᠡᠨ ᠡᠵᠡᠮᠳᠡᠵᠦ ᠪᠠᠶᠢᠳᠠᠭ᠂ ᠲᠩᠷᠢ ᠠᠪᠤ ᠲᠡᠭᠦᠨ ᠢ ᠪᠤᠯᠢᠶᠠᠬᠤ ᠰᠢᠯᠲᠠᠭᠠᠨ ᠪᠠᠶᠢᠬᠤ ᠦᠭᠡᠢ᠃ https://t.cn/RC5pZkB

ᠴᠠᠬᠠᠷ-（察哈尔八鄂托克诗歌）
ᠢᠬᠡᠷ᠎ᠡ ᠵᠢᠷᠭᠤᠭᠠᠨ ᠲᠦᠮᠡᠨ
ᠦᠬᠡᠷ ᠦᠨ ᠪᠥᠭᠡᠷ᠎ᠡ ᠰᠢᠭ ᠮᠣᠩᠭᠣᠯ
ᠴᠠᠬᠠᠷ ᠤᠳᠤᠮ ᠤᠨ ᠭᠠᠪᠢᠶ᠎ᠠ ᠶᠢ
ᠣᠬᠣᠷ ᠪᠤᠤ ᠰᠡᠳᠬᠢᠲᠦᠭᠡᠢ
ᠴᠢᠬᠠᠷ ᠴᠢᠬᠠᠷ ᠶᠠᠪᠤᠳᠠᠯ ᠲᠠᠢ
ᠬᠠᠭᠠᠨ ᠤ ᠭᠡᠷ ᠲᠡᠷᠭᠡᠨ
ᠴᠠᠬᠠᠷ ᠮᠢᠨᠦ ᠤᠳᠤᠮ
ᠬᠥᠥᠭᠯᠡᠵᠦ ᠶᠠᠪᠤᠭᠰᠠᠨ ᠦᠯᠢᠭᠡᠷ ᠪᠤᠢ
ᠠᠬᠠᠷ ᠬᠤᠷᠠᠭᠠᠨ ᠢᠰᠡᠭᠡᠢ
ᠳᠠᠶᠢᠨ ᠬᠠᠭᠠᠨ ᠤ ᠦᠬᠡᠭ ᠲᠦ
ᠴᠠᠬᠠᠷ ᠲᠦᠮᠡᠨ ᠦ ᠨᠡᠮᠡᠷᠢ
ᠵᠢᠪᠠᠷ ᠬᠠᠭᠠᠭᠰᠠᠨ ᠳᠣᠮᠣᠭ ᠪᠤᠢ
ᠥᠭᠰᠥᠵᠦ ᠶᠠᠪᠤᠭᠰᠠᠨ ᠭᠦᠷᠦᠨ
ᠬᠠᠭᠰᠠᠵᠤ ᠤᠨᠤᠬᠤ ᠶᠢᠨ ᠳᠡᠩᠰᠡᠨ ᠳᠦ
ᠲᠥᠷᠥ ᠶᠢᠨ ᠪᠦᠰᠡᠯᠡᠭᠦᠷ ᠴᠢᠩᠭᠠᠯᠠᠬᠤ ᠪᠠᠷ
ᠲᠦᠷᠬᠢᠷᠴᠢ ᠪᠣᠰᠤᠭᠰᠠᠨ ᠴᠠᠬᠠᠷ
ᠳᠠᠭᠤᠲᠠᠢ ᠰᠤᠤ ᠲᠠᠢ ᠭᠦᠷᠦᠨ ᠦ
ᠯᠤᠤ ᠲᠠᠢ ᠢᠯᠳᠦ ᠪᠡᠷ ᠴᠠᠪᠴᠢᠬᠤ ᠳᠤ
ᠰᠥᠰᠥ ᠲᠡᠢ ᠲᠥᠷᠥ ᠪᠡᠨ ᠬᠠᠭᠠᠴᠠᠶᠢᠯᠠᠵᠤ
ᠴᠢᠰᠤ ᠲᠠᠢ ᠤᠨᠠᠭᠰᠠᠨ ᠴᠠᠬᠠᠷ
ᠮᠠᠨᠵᠤ ᠬᠠᠭᠠᠳ ᠤᠨ ᠨᠢᠭᠤᠷᠠᠨ ᠳᠤ
ᠴᠥᠯᠡᠭᠳᠡᠵᠦ ᠲᠥᠭᠡᠷᠢᠭᠰᠡᠨ ᠴᠠᠬᠠᠷ
ᠭᠦᠨᠵᠡ ᠳᠡᠯᠡᠬᠡᠢ ᠶᠢᠨ ᠪᠥᠭᠡᠷᠡᠨ ᠳᠦ
ᠲᠡᠯᠡᠭᠳᠡᠵᠦ ᠴᠥᠭᠡᠷᠡᠭᠰᠡᠨ ᠴᠠᠬᠠᠷ
ᠳᠡᠭᠵᠢᠵᠦ ᠪᠣᠰᠳᠠᠭ ᠦᠭᠡᠢ ᠮᠣᠩᠭᠣᠯ ᠠᠴᠠ ᠪᠠᠨ
ᠵᠣᠪᠠᠯᠠᠩ ᠢ ᠨᠢ ᠥᠪᠯᠡᠭᠰᠡᠨ ᠴᠠᠬᠠᠷ
ᠨᠡᠩᠵᠢᠵᠦ ᠪᠣᠯᠳᠠᠭ ᠦᠭᠡᠢ ᠰᠡᠳᠬᠢᠯ ᠳᠦ ᠪᠡᠨ
ᠲᠠᠮᠠᠭ᠎ᠠ ᠶᠢ ᠨᠢ ᠬᠠᠳᠠᠭᠠᠯᠠᠭᠰᠠᠨ ᠴᠠᠬᠠᠷ
ᠢᠬᠡᠷ᠎ᠡ ᠵᠢᠷᠭᠤᠭᠠᠨ ᠲᠦᠮᠡᠨ
ᠦᠬᠡᠷ ᠦᠨ ᠪᠥᠭᠡᠷ᠎ᠡ ᠰᠢᠭ ᠮᠣᠩᠭᠣᠯ
ᠴᠠᠬᠠᠷ ᠮᠢᠨᠦ ᠦᠭᠡ ᠶᠢ
ᠣᠬᠣᠷ ᠪᠤᠤ ᠰᠡᠳᠬᠢᠲᠦᠭᠡᠢ
ᠨᠢᠭᠡᠳᠦᠨ ᠪᠣᠰᠬᠤ ᠮᠣᠩᠭᠣᠯ
ᠬᠠᠰᠤᠪᠠᠤ ᠲᠠᠮᠠᠭ᠎ᠠ ᠪᠠᠨ ᠦᠭᠡᠶᠢᠯᠡᠪᠡᠯ
ᠯᠢᠭᠳᠡᠨ ᠬᠤᠲᠤᠭᠲᠤ ᠶᠢᠨ ᠤᠳᠤᠮ ᠠᠴᠠ
ᠠᠰᠠᠭᠤᠲᠤᠭᠠᠢ᠂ ᠠᠪᠲᠤᠭᠠᠢ
ᠲᠤᠯᠭᠠᠭᠤᠷᠢ ᠴᠢᠩᠭᠢᠰ ᠦᠨ ᠲᠠᠮᠠᠭ᠎ᠠ
ᠢᠲᠡᠭᠡᠵᠦ ᠪᠣᠯᠤᠨ᠎ᠠ ᠴᠠᠬᠠᠷ ᠲᠤ ᠪᠤᠢ᠃
ᠲᠤᠯᠭᠠᠷ ᠡᠬᠡ ᠡᠴᠡ ᠬᠥᠪᠡᠭᠦᠨ ᠨᠢ
ᠠᠳᠬᠤᠵᠤ ᠲᠥᠷᠥᠨ᠎ᠡ ᠠᠶᠤᠲᠤᠭᠠᠢ᠃