有啲人真係需要自我檢討
讀書唔多唔緊要
Fuck School!
三觀有冇唔係講
係要做呀！
有啲國民講說話永遠最天下武敵
叫佢地做事就必定辦事不力
眼見微博無數[允悲]
如果你因爲冠狀病毒呢個問題
而因為想離開中國暫時避開
呢啲國民一定係有錢任性
係我眼中
根本缺乏家庭教養 國民意識同責任
呢種思維簡直自私自利 Low到爆
我自己第一個態度就係我唔想害人所以冇返香港
我一直係洒店悶 時間真係好難渡過 但冇辦法
我自己都算係受害人 我都係考慮親人同其他人
所以一直留係國內 因為我唔想加重任何人同中國同香港市民嘅負擔 咁先至似個人 明白嘛？？？
出國？你地千萬唔好話自己有幾愛中國 你地唔配
呢個行為對國家係一種侮辱！！！
如果你而家身處境外
我諗你要自我慚愧
「大難臨頭各自飛」
你以後日子有運行我跟你挽鞋 Ha!

相戀21年 哭爆同高志森分手 焦媛：需要個明白理解我嘅人

43歲的焦媛將於情人節演出全新自編音樂劇《約定香奈兒》，紀念逝世20年的父親，她笑言到時跟前世情人共舞慶祝。不過，講到跟今世情人高志森關係，焦媛忍不住喊住承認兩人已於年多前正式分手，結束21年關係，但不涉及第三者，只是她有心結不能解開，對另一半的要求亦已改變，她現在需要個明白同理解她的人，但她強調兩人工作伙伴關係不變，更表示對方一直對她好好，是她一世的老師。採訪：杜淑霞
焦媛10年前曾創作《容易受傷的女人》紀念逝世父親，今年再親自編寫音樂劇《約定香奈兒》送給爸爸，她更形容這是個自虐自療過程，每日寫劇本回憶起爸爸就喊幾次。這日她在排練室先講到跟父親關係，「我3歲前都冇同父母生活，係婆婆湊我，我細個係缺乏父母嘅愛，直到一家四口嚟到香港，爸爸亦都被迫轉行由京劇演員變成工廠雜工，雖然佢冇埋怨過，但係佢一得閒就攞啲京劇錄影帶睇，我見到就放咗自己情感落去，認為佢一定係好唔開心啦！覺得要為爸爸出番啖氣，希望佢為我驕傲，所以我之後唔係唔鍾意舞台同藝術，但係有八成係孭咗爸爸壓力上身，但呢啲係我一廂情願嘅諗法，我冇同爸爸好好對話，冇溝通過去了解佢真正感受，但爸爸係我精神價值，所以話我戀父狂我認。」

正因為多年來帶着這份壓力工作，焦媛年幾前終於爆煲，要向心理醫生求助，「佢話我永遠唔滿足，永遠覺得自己做唔好，去到有小小扭曲，自困情緒，因為我做呢行嘅初心，八成係為咗爸爸，好唔好彩啱啱畢業有機會演戲嘅時候，佢就離開咗，我永遠冇得到佢一個回應，永遠搵唔到呢個答案，但我放唔低爸爸做唔番呢行係佢自己嘅命運，我要學識放低，不過唔係一朝一夕，我呢個性格都40年，點會咁快放得低，但起碼知個問題喺邊。同埋我亦都要重新審視同舞台藝術關係，以前努力係為爸爸，依家要諗自己想要啲咩，唔係再為其他人，用另一種心情去享受個舞台。」
揀對象唔一定要叻
這次情緒問題，令焦媛重新審視還有跟高志森長達21年的戀愛關係，「我承認我對佢係有戀父嘅關係影響，但我真正愛佢幾多係純粹愛情。不過我由細到大都睇唔起同班啲男仔，因為我覺得佢哋唔叻囉！一定要夠叻，可以Lead到我行嘅，我係咁樣去睇愛情，唔係觸電嗰種，因為爸爸嗰時對我嘅教育係咁㗎嘛！永遠都係嗰個高標準囉！但依家未必咁樣去睇愛情，唔一定係要叻，反而明白你了解你，同你一齊去行，而唔係Lead住你行，Lead住你永遠都係一樣好辛苦嘅嘢，永遠跟住後面，反而同步一齊成長仲好。」

追問這樣想係咪代表跟高志森已分手，焦媛忍不住喊着承認，「真係分咗手，我哋工作關係係好好嘅，佢係一世嘅老師，但感情就唞一唞。」她又話：「佢好好，係我自己唔同階段都有變化，以前細個20幾歲好叻嘅人已經滿足到我情感上嘅要求，過一段時間我又成立自己個團，佢變成工作上伙伴好夾，以為呢個都係愛情，到我40歲開始，需要一個明白理解我嘅人，女人都係咁，點解女人最終要結婚生仔，某個階段需要陪伴，精神上嘅陪伴，咁就開始有問題啦！（係咪想搵對象結婚生仔？）我要搵到自己先，再搵個啱自己嘅伴侶，不過我仲係相信愛情。」至於兩人有否復合可能，「呢個唔可以一廂情願，唔係又變咗好似我同爸爸嘅關係，好似一個人單戀咁，感情係要雙方，唔可以不停咁付出，人哋唔係咁諗呢！我成都話，你愛我，你要做畀我睇，所以溝通好緊要。」

曾傳婚訊
焦媛跟高志森年齡相差18歲，2000年剛在演藝畢業、24歲的她承認跟男方拍拖，更一度背上第三者之名，最終高志森公開98年已跟太太離婚，不過兩人關係初時仍未被看好，後來隨着工作上合作關係，感情亦愈來愈穩定，其間亦傳出過婚訊，轉眼已相戀21年。

不少人都覺得#李佳芯#（Ali）好運，在無綫短短幾年便榮膺視后，就連她本人亦認同。不過，一句幸運似乎就抹殺了她在背後付出的努力及辛酸。Ali只要認定目標就會義無反顧地去做，哪怕戶口結餘不足一百元、碌卡度日甚或無了期以積蓄補貼家用的日子，她都一一堅持下來。或者沒有所謂的幸運，有的只是背後不為人知的故事。視后李佳芯認為人生就像水墨畫，落筆前要思前想後，否則下筆後難以回頭。由模特兒、主持到演員這十數年間，Ali經歷過銀行戶口結餘不足一百元的窮日子，她語帶輕鬆地說：「呢行好多人都試過，當年我啱啱讀完書出嚟做嘢，真係要朋友過11蚊去我戶口，先夠100蚊可以撳到錢。頭幾年係好吃力，做呢行要置裝又要化妝，但人工又唔高，我唔會問人借錢，都係靠碌卡度日。」後來收入增加，總算有點積蓄，Ali卻毅然決定由有線主持轉型演員，她自認個性衝動，只要有念頭萌生，即使跪着也要走完自己選的路：「減咗好多人工過無綫，我又要養家，但當時嘅人工係連自己都養唔到，有段好長時間都係用積蓄補貼，我唔知道可以捱幾耐。」事實證明Ali選對了，她自嘲當模特兒時自己只有軀殼，因不擅表達，故主持工作亦非她所長，結果在演戲當中找到最舒服的位置。拍劇初期演盡壞女人角色，直至首次擔正劇集《#律政強人#》，終嘗當好人的滋味，不過亦是她最感無力的一次：「我每場戲都係畀人害，個反應都係一樣，我不斷問自己係咪要有啲變化？但又唔知點變，好似萬變不離其宗咁，演得好冇自信，無所適從。呢個會係我最想重新演繹嘅角色。」Ali從來不擔心角色乞人憎，就算再演小三或壞女人亦無任歡迎，因她認為不論現實或戲劇世界都沒有絕對的好人與壞人。演繹每個角色時，Ali都要拋開很多的自己，又加入很多的自己，她予人理智、波瀾不驚的印象，跟她在熱播劇集《#白色強人#》中程洛雯醫生的角色性格頗為相近，不過Ali覺得自己與角色又不盡相同：「程洛雯唔係對病人冇感情，但佢唔會表現出嚟，就好似我個樣好淡定，但其實裏面係小鹿亂撞，情緒波動得好犀利。」又以「自閉」形容自己：「我係有好多情緒，但我唔識得用言語表達出嚟，我係感受大於言語，會同你講我唔鍾意或者我唔想，但我講唔到更多。」至於程洛雯對愛情的直白就跟Ali的被動截然不同，劇中跟馬國明及唐詩詠發展三角關係，更從未發生過在她身上：「我試過暗戀同一見鍾情，但只限於小朋友階段，讀完書之後就未試過主動鍾意人，因為我係一個冇安全感嘅人，對自己有信心、要知道對方係好鍾意我，我先敢將個心放出去。」Ali與陳炳銓拍拖近五年，她指男友是個敏感而且缺乏安全感的巨蟹座男人，或許是「負負得正」，只有性格相似才能互相體諒：「我哋會有共識，雖然唔出聲，但知道個心喺度。佢私下冇乜表情又好少講嘢，但都係有好多情緒喺入面，呢方面同我最相似。」