你只係侵股咋 以為自己真係大老闆咩 抵撚死身邊無老臣子啦 一條team不停重複無限入新人又做唔長 不停重複在這個循環
刀手負責見客係應該既 憑乜個sales跑到數 要個sales送支$5400卡地亞筆 自己有筆刀手費自己唔買 點解唔係你地獎勵sales？唔撚係個刀手威脅入金同第二浸點點點 個sales洗唔洗買比佢啊？
come on～裝睡的人不會醒，你中意包庇刀手 咁咪繼續囉 有料既就比個傻嗨跑曬數呀 再自組開公司 開team 唔好搵partner開呀！and then，刀手人緣好既話 就唔會落黎地牢坐，慘撚到你地無朋友 飲酒得班同事出黎！個刀手傻嗨真係傻嗨 成日自吹自擂以前一條team得4個人 點幫公司跑80萬 部分女同事又暗戀自己bla...bla....bla....都係個句 為左小小野搞走個跑到數既sales 抵撚死你班老屎忽無朋友
lv皮鞋仲要條女送 知唔知醜呀 死cheap精 有女仲要有sp 私生活同同事搞埋一齊 真係好撚嘔心 依加仲要搞埋同事 同個同事夾份租樓 一齊就一齊啦 扮咩啫 睇見呢d所作所為真係得啖笑 呢d私生活我唔理啦 最緊要唔好搞到我呀嘛
係啦 就算買左，sales拎返5千蚊係應該㗎 點解要課金比佢啊 邊位啊？好撚靚仔？拎返錢就諗計點搞走個sales，係咪弱撚智？調左位就搵刀手mon住，玻璃倒影見到架，唔好以為咁做就冇人知啦。好啦，搬終極big boss搵我問話 好唔好笑？成日咁中意透過人地把口黎問野 老吾老撚土呀 準備做人老公老豆啦 你咁既性格怕唔怕個女係學校比人bully啊？下？！報應未必係你身上發生 但係我相信一定會係你身邊拎走某樣野

前排少左紀錄，而家要重新開始返啦。
上次傾左兩輪，都冷靜左，寶寶聽完我講都即時提出改變，因為上排我仲未適應有時差，加上佢同表弟住，又少左時間陪我，我訓覺要lur住傾計佢就有其他野做，又嘈交
我話寶寶係ig寫左幾次日記之後就停左，佢話唔好用我嗰套一式一樣去量度佢，諗諗下都算啦..男仔呀嘛，呢d細膩野係女仔拿手d架啦，佢係其他方面付出左都一樣咋嘛！
其實每次嘈交傾，只要佢認真聽我講野，態度好，氹返我，肯俾出改進方法，我就好快冇事，典型嘅受軟唔受硬；如果佢get唔到我嘅嬲點/敏感點，又多多野駁我，我就扯多兩把火，有時真係激到心梗都黎埋！（白眼+重重吸一啖氣）要冷靜下先可以睇返WeChat睇返佢個死人頭講d乜再去覆！
好在最後佢都會軟返，咁我就算架啦，唔計得咁多架啦，佢應承我下次會點做我就信佢架啦，忍下忍下就快有得見面架啦，到時見到佢就知死！揸死佢打死佢！搞到我成日喊呀啦！
真是 愛也，恨也。哈哈哈

輔警考完到正規警察(輔警已經pass 左體能只欠品格審查同體檢)

又收到一個新通知，正式警員投考面試
日子時間我刪左喇，我仇口多，等陣未去到俾人打到猪頭咁就無謂喇。

我發現我自己原來真係好好勝，尤其係樓方面，想當初投歉物業時，就係家人既反對，我心諗你越覺得我唔掂，我越要去搞掂佢，終歸我自己證明到只要我投入心力，我可以將好多困難去排除。

因今次輔警同正規警察，老實講我無乜信心，但我真係好想去做得到，因為我就係果種越多人睇死我，我越要做到既人。果日有位朋友問我，其實你考正規黎做乜，因為你呢個年紀確實有少少唔需要。我自己跟住好老實咁同佢講，我好好勝，太多人覺得我唔得了，我就算入到正規，我其實一D著數都無。第一宿舍，我43 最少排10年8年，最少5x先有得住.......心諗都就退休喇，加人工升職呢D，咪玩喇，佢點加人工，我都確實感覺以我呢個年紀，係外面接幾單小型工程做下，一定多錢過人工。升職? 俾你5年升到一次，升完都等退休了。咁點解重考?

咪好勝羅，我鐘意去做人地睇唔起我既野，就好似以前入名店，唔敢亂掂，而家著住拖鞋入名店，呢到搞下果到摸下，我其實幾鐘意人睇唔起我既感覺，因為呢個先會鞭策到我去進步。人生真係無幾多個十年，我想係我重有氣有力，唔洗為兩餐擔憂既同時，選擇去做一D我想去一試既野，失敗成功都好，到我死果一刻我都會記得，我原來曾經咁想去做一個警察

記住，越俾人睇唔起，你越要向前行，終有一日，睇唔起你既人就會發現，佢地錯了。