有个闺密叫祖蓝丨苑琼丹做亚视遭冷待化妆师发烂 自封东北恶狗：我会咬人

由王祖蓝主持的综艺节目《有个闺密叫祖蓝》，本周日（4日）播出第六集邀请苑琼丹做嘉宾，祖蓝抵死表示与苑仔结缘，全因帮衬过对方公司的“育发”及“防脱发”疗程。

与祖蓝一碰头就“把口冇停过”的苑仔，自封“东北恶狗”：“我会咬人，我份人落闸放狗，我最大问题系就算我想呃你，但我个样（呃唔到人）……好多人都好惊我，我又好衰嘅，比较八卦，收收埋埋人哋好多黑材料。”每集都会带嘉宾食好西的祖蓝，先后带苑仔到北京的四合院叹茶及品尝海鲜边炉，二人还接受制作组的“逆转Truth or Dare”及“演技＋观察力测试”等任务，结果苑仔全线技术性击倒祖蓝，展示过人侦探头脑，更连环爆料大谈圈中见闻。

苑仔分享事业、爱情及婚姻方面的波折及得着，还有人生观、爱情观及与《男亲女爱》同剧演员的深厚友情等。她指当初对演戏产生兴趣，全因读书时上过TVB新闻节目：“有次TVB去我学校拍计数机嘅故仔，摄影师拍拍吓走埋我度，咁我咪喺度扮计数啰，嗰晚返去睇新闻真系见到自己，我就觉得自己好似好识做戏咁。”

1982年因报读亚洲电视第一期艺员训练班入行，苑仔谓全靠在亚视打好基础，才得以在TVB“生存”：“我喺亚视时会得罪啲高层，譬如有人诬蔑我，我会同高层解释，就算佢话『唔听呀，你出去啦』，我都会话『唔得！我一定要讲。』人哋请你出去你都唔走、系都要讲，其实好冇礼貌。我记得做完头一个星期TVB，我揸架车去亚视度喊。”

苑仔续指在TVB工作初期“好多说话听”：“有一次我梳头，佢（工作人员）梳得有啲唔啱，我就话『咦？唔连戏㖞』，梳头嗰个嗰把梳就即刻啪喺张枱度话『咁你自己梳』，其实嗰吓要发脾气好容易，要起身拍枱讲粗口都得，但我当时谂咗谂决定吞咗佢。我拎起把梳，佢真系唔知我识梳，我咪自己吹自己梳，之后就起身走。”她透露当年在亚视化妆间亦曾多番受冷待，更试过坐足一小时冇人理，之后有化妆师点醒便走去学化妆转做“不求人”：“从此以后冇人可以掂我个妆，冇眉毛又好、彩虹眼影又好、画星星眼都好，全部我自己化。”

#有个闺密叫祖蓝#

成為獨立歌手的#謝安琪#（Kay）一口氣為新歌《未見過世面的招積》及《靜夜歌》推出MV，兩首歌曲風截然不同，由她包辦作曲及填詞。談及創作靈感，她說：「雖然兩首歌好似唔同，但其實都係訴說同一個人生觀，所以將佢哋放埋喺同一個MV去表達。」
MV花了4日時間拍攝，她穿梭郊野及城市取景，攀山涉水又自製雨景。身為唱片公司「淺白本部」社長的她，更出動公司總部及私藏的古董車，望歌迷感受到「謝安琪」心中的創作世界。她指MV是將過去、現在及未來的自己連結，自覺雖做過不少蠢事，又橫衝直撞，但亦多謝一切經歷成為她的回憶及養分，而未來則希望懂得獨處及欣賞世界。
Kay沉醉於音樂世界，其老公#張繼聰#則瘋狂沉迷健身，10月26日他上載晒六舊腹肌的自拍照，大晒用汗水換來的成績，並留言：「風和日麗，最啱晒嘢，我，係咪好煩。」又曲線為太太的新歌宣傳，寫道：「#未見過世面的招積#係歌#見過世面的招積#係身形」Kay亦隔空回應：「本來覺得有少少煩，後尾見到嗰啲Tags，又OK番晒！」

作為一隻有腳嘅雀仔，見到自己主人求婚成功，叫佢仲點會停喺主人呀～威爾斯有個飼主Joe，就係佢同女朋友成功求婚個晚，佢唔見咗佢隻烏鴉Fagin喎！

雖則話當晚曾經有啲車聲太嘈嚇一嚇親Fagin啫，但話晒都係叫做見證住自己主人被人搶走，做烏鴉嘅都係會眼sip sip㗎～Fagin之所以咁依賴Joe，事關佢條命係Joe救返嚟，而Joe喺救完Fagin之後、仲開創咗拯救鳥類嘅團體，但咁耐以嚟救咁多雀，Joe都只係收編咗Fagin。

平日Fagin都好癡Joe，Joe嘅家庭聚會都會有佢，而且Fagin都唔畀其他人行近Joe，就算係Joe嘅女朋友，Fagin都係照啄無誤，唔畀阿Joe被佢搶走。點知今次阿Joe主動走入人生下一階段，對Fagin呢隻烏鴉嚟講，真係接受唔到囉，所以佢離家出走，阿Joe搵咗佢4日，先喺附近嘅一個花園入面，搵返食緊無花果嘅Fagin咋～

Fagin呢啲舉動，擺到明宣示阿Joe屋企嘅揸人只有佢一個，所以當阿Joe話希望Fagin喺婚禮入面負責送戒指，女朋友都嚇咗嚇：上次就離家出走，今次帶埋隻戒指一走了之，個婚禮點搞？係囉，難做嘅咪唔好做囉，反枱走人吧啦！

原圖來源：Helping hand corvid rescue North wales
来源 香港100毛