其實在比記者目擊shopping的新聞入面， 我應該暫時最驚喜/喜歡係E套衫，次次考古中 睇到，都要點大多次圖 番J多次。
件碎花Jecket & 鞋好正又pair到, 而簡約襯運動褲，我都覺得好好睇。究竟係我審美比j家搞壞左?真係好襯得ok?定靚仔著咩都靚?(第3樣就一定係) 帶住口罩都咁靚，點算(先生你個口罩太大，可能要中size)

另外，斌斌真係一如人設精打細算，節儉，次次比記者望到都係買下H&M, Izzue, Zara , 一係就格價買下行李箱，去supermarket買野食。(真係持家有道，除左唔識煮野食)

ps:我都好想私下目擊到自己喜歡的⭐⭐ 但我基本上唔出街。。。 放棄吧
(不過感覺上，件外套唔多似佢本人會買的style)

(Kenny 新聞)

今日教育局因應疫情，將開課時間延長左，好多靚仔可能好開心。但今年老實講，真正番學已經唔多，我唔知道今年會唔會係香港首次會延後一個學年去解決問題，但我只想用我過來人身份去講下。

我自己細個時唔讀書，去到中五會考都重睇緊金庸，到會考時，當然仆直，得3分，中英數。後來走去repeat 一年，諗住發奮上中六，但呢一年爽羅，讀夜校，每日瞓到下午兩點，跟住同朋友食Tea 再上朋友屋企打機，然後就話去番學，一坐低半個鐘就走左去。跟住督波，打籃球，乜都有，最終大家都知乜事喇? 會考仍然係三分，其實無退步算勁架喇，然後再入工業學園去讀Diploma 等等駁住上。

其實呢件事，我做左4x年人，係我少有後悔既事其中一樣，因為我既人生少左一年去搵錢，我少左一年既當打同黃金歲月，而我係多左一年既退休生活。一加一減既程況下，我同社會既距離其實係遠左，只係當其時你唔覺，但到你4x歲時你就會覺得真係浪費左光陰。

年青人後生時往往覺得自己大把時間，大把世界，自己天下無敵，我曾幾何時都係一樣，但我可以好老實話你知，你試下到4x歲時，你可能會發現黃金歲月正一步步流走，希望年青人真係要珍惜光陰。

中國加油
武漢加油
年青人加油

31歲猴擒譚嘉儀辣㷫朱智賢 姣馬國明電謝東閔被封樂壇姣精

東方新地
on Jan 17, 2020 at 11:31

出道八年的巨聲小巨肺譚嘉儀，一直紅歌唔紅人，去年主唱劇集《白色強人》大熱插曲〈Can You Hear〉，在網上點擊率超過200萬，於是膽粗粗私下聯絡劇中男主角馬國明邀合唱，結果拍埋激咀MV，一直視馬明為男神，譚嘉儀被指別有用心，想食馬明肉。

撰文、圖片：東方新地

譚嘉儀成樂壇姣精拍MV無仔不歡又攬又錫

譚嘉儀自稱單身多年零緋聞，但每次拍MV都表現猴 擒，與合作的男主角例牌攬攬錫錫，姣完馬明，新獵物是巨聲幫的謝東閔(閔大人)，男方生得高大又靚仔有家底，譚嘉儀拍MV時放足生電，親密坐大髀，更揚言好想 與對方錫錫，可惜閔大人早已有個地下情女友朱智賢。據知睇到譚嘉儀主動出擊情挑自己男友，朱智賢亦打爛醋埕嬲嬲豬。為博愛姣到出面，譚嘉儀真係咁饑渴？

公器私用激咀馬明 網民狂插發晒姣

唔好睇譚嘉儀身高唔夠5呎，身材細細粒，其實佢都好有殺傷力，去年中與馬國明合唱劇集《白色強人》插曲〈 Can you hear〉的中文版，二人在拍MV時在床上攬攬及激咀場面，相當纏綿，當時正值發生黃心穎「安心事件」，事後馬明表示與譚嘉儀在MV中做盡一對情侶要做的事，仲話親熱時有初戀的感覺。譚嘉儀直言與男神咀嘴一刻無法思考，非常緊張，相當回味。

坐謝東閔大髀勁親密 地下情女友朱智賢嬲爆

姣完馬明的譚嘉儀，最近為新歌拍MV請來同是巨聲幫的謝東閔做男主角，據 知情者透露：「嘉儀次次都係自己揀MV男主角，次次都有好多親熱鏡頭，上次同馬明拍完，已經畀網友狂插佢想食馬明肉，又話佢太主動太姣，根本冇必要攬住碌床單同咀晒，今次同閔大人攬攬抱抱又貼晒面，爭在未咀咋！聽講閔大人驚女友朱智賢唔開心，所以唔想有太多親熱戲，不過嘉儀就繼續電力十足，鏡頭前後都黐到實，真係全情投入，當正閔大人係自己條仔，結果咪搞到朱智賢呷晒醋同班姊妹呻，話嘉儀拍個MV都姣成 咁，個男人少啲定力都唔掂，事後閔大人要出盡力氹女友，仲話導演要求冇得 say no。」擺明車馬姣人男友都算，譚嘉儀日前接受訪問竟公開表示想錫謝東 閔，她笑說：「唔會唔想錫，如果劇情需要都唔介意。」女仔都應該有番少少矜持啩！既然咁恨拍拖，正正經經搵個筍盤啦！