༈ ཨ་རིའི་གཉའ་ཆག་པའི་མི་རབས་ཀྱི་ཚབ་མཚོན་རྩོམ་པ་པོ་ཇག་ཁེ་རོ་ཨག་མཆོག་གི་སྒྲུང་རིང་གྲགས་ཅན་༼ལམ་ལ་༽ཞེས་པ་ཨ་རིའི་ཨིན་ཌི་ཡ་ན་སློབ་གྲྭ་ཆེན་མོའི་དགེ་རྒན་བགྲེས་པ་དགེ་འདུན་རབ་གསལ་ལགས་ཀྱིས་བོད་འགྱུར་གནང་འདུག ལོ་ཙཱ་བ་ཁོང་ནི་བོད་དུ་ཐ་སྙད་རིག་གནས་ཇི་ལྟར་སླེབས་ཚུལ་སྐོར་གྱི་དཔྱད་གླེང་ཕྱོགས་བསྡུས་རིག་པའི་ཁྱེའུ་དང་བོད་ཀྱི་རྩོམ་རིག་གི་བྱུང་བ་བརྗོད་པ་ཤེལ་དཀར་ཕྲེང་བ་སོགས་ཀྱི་རྩོམ་པ་པོ་ཡིན། [咖啡] https://t.cn/z82B7Fq

#ཤེས་བྱ་གསོག་འཇོག# ༼མཐུན་པ་སྤུན་བཞི༽

གནའ་སྔ་མོ་སྔ་མོ་ཞིག་ལ། དཔའ་བློ་ཁོག་ཆེ་ཞིང་སྤྱང་གྲུང་ལྡན་པའི་བྱ་གོང་མ་སྲེག་ཅིག་ཡོད་ཅིང་། ཁོ་རང་ཡུལ་དང་ཁ་བྲལ་ནས་ལ་ལུང་མང་པོ་བརྒལ་བ་དང་། དཀའ་ངལ་ཁྲི་སྟོང་མང་པོ་ཁུར་དུ་བསད་དེ་རྒྱ་གར་འཕགས་པའི་ཡུལ་གྱི་བྱང་ཆུབ་ལྗོན་ཤིང་གི་དྲུང་དུ་ཤིང་ནྱ་གྲོ་དྷའི་ས་བོན་འཚོལ་བར་ཕྱིན། ས་བོན་དེ་རག་རྗེས་དགའ་བ་བསམ་གྱིས་མ་ཁྱབ་པ་བྱུང་སྟེ། འབྲས་བུ་འཁུར་ནས་རང་ཉིད་སྐྱེ་ས་དང་འཚར་སའི་ནགས་གླིང་པདྨའི་ཚལ་དུ་འདེབས་རྒྱུའི་འདུན་པ་བཅངས་ནས་ཡུལ་ལ་ལོག་ཡོང་བ་རེད། ནམ་མཁའ་སྔོ་ཞིང་དྭངས་བའི་ཞོགས་པ་ཞིག་ལ།ཁོ་ར་ཁོར་ཡུག་ཀུན་ཁུ་སུམ་མེར་གནས་པའི་སྐབས་སུ། བྱེའུ་སྲེག་པ་སྔ་མོ་ནས་ལངས་ཏེ་དགའ་བའི་གླུ་ལེན་བཞིན་ངོ་འཚར་འབུམ་གྱིས་ཕྱུག་པའི་ཤིང་ནྱ་གྲོ་དྷའི་ས་བོན་འདེབས་སར་འཕུར་ཡོང་། དེ་ཏག་ཏག་ཞོགས་སྔ་ལངས་དང་དགོང་ཕྱི་ཉལ་བྱ་རྒྱུར་གོམས་པའི་རི་བོང་གིས་མཐོང་སྟེ།

བྱིའུ་གོང་མ་སྲེག་ལགས། གོ་ཐོས་ལ་ཁྱེད་རང་གིས་ས་ཆ་ཐག་རིང་པོ་རིང་པོ་ཞིག་ནས་ངོ་མཚར་ཅན་གྱི་ས་བོན་ཞིག་བསྣམས་འདུག་ཟེར་གྱིན་འདུག་པས། དེ་གང་རེད་ལགས།

བློ་རིག་བཀྲ་བའི་རི་བོང་ལགས། ས་བོན་འདི་བཏབ་ནས་ཡུན་རིང་མ་སོང་བར། ངོ་མཚར་ཅན་གྱི་བྱ་བ་ཞིག་ཐོན་རྒྱུ་རེད་ཅེས་བཤད།

ཡིན་ནའང་བྱིའུ་གོང་མ་སྲེག་གིས་ས་བོན་དེ་ཇི་ལྟར་འདེབས་དགོས་པ་མ་ཤེས་པར། རི་བོང་ལ་དྲིས་པས།རི་བོང་གིས་དེ་ད་ལས་སླ་པོ་རེད། ངས་ཁྱེད་རང་ལ་ཁུང་བུ་ཞིག་འདྲུ་རོགས་བྱེད་ཆོག དེའི་ནང་བླུགས་ན་ཆོག་ནི་རེད་ཅེས་བཤད་བཞིན་འབད་བརྩོན་ཆེན་པོས་ཁུང་བུ་དྲུས་པ་དང་། དེ་ནས་ཁོ་གཉིས་པོའི་ངོ་མཚར་ཅན་གྱི་འབྲས་བུ་དེ་ཁུང་བུའི་ནང་བླུགས་ཏེ་དེའི་ཐོག་ས་བཀབ་པ་རེད། དེ་ནས་བཟུང་། ཁོ་གཉིས་ཀྱིས་ཉིན་ལྟར་འགྱུག་ལྡོག་ཡོད་མིན་ལ་བལྟ་རུ་ཕྱིན། ཉིན་ཞིག མྱུ་གུ་འགའ་ཞིག་འབས་པ་དང་ཁོ་གཉིས་དགའ་ཐག་ཆོད་ནས་མྱུ་གུ་འབས་བྱུང་། མྱུ་གུ་འབས་བྱུང་ཞེས་འུར་བརྒྱབ། སྐབས་དེར་ཏག་ཏག་སྦྲེལ་ཕྲུག་གཅིག་ལམ་དེ་བརྒྱུད་ནས་འགྲོ་བ་དང་སྐབས་འཁེལ་ཏེ། གནས་ཚུལ་ཤེས་རྗེས་ཁོ་གཉིས་དང་མཉམ་དུ་མྱུ་གུར་ར་བ་བསྐོར་ནས་ལྟ་རྟོག་བྱས།

དེ་ནས་ཉིན་ཤས་སོང་རྗེས་མྱུ་གུ་ལས་ཡལ་ག་གསར་བ་འགའ་སྐྱེས་པ་དང་། མྱུ་གུ་དེ་ཡང་ཆེན་པོ་ཆགས།མྱུ་གུ་རིམ་བཞིན་སྐྱེ་འཚར་བྱུང་བ་དང་། སྲོག་ཆགས་ཆུང་ཆུང་ཚོས་ཆུ་འདྲེན་རྒྱུར་དཀའ་ངལ་འཕྲད་པ་དེ་གླང་ཆེན་གྱིས་མཐོང་ནས།ཁྱེད་ཚོས་སེམས་ཁྲལ་བྱེད་མི་དགོས།ངས་ངའི་སྣ་ཁུར་རིང་པོ་འདིས་ཆུ་གཏོར་ན་འགྲིག་གི་རེད།

ཆུ་འདྲེན་རྒྱུའི་ལས་འགན་དེ་གླང་ཆེན་གྱིས་བླངས་པར་མ་ཟད་དགའ་པོ་བྱུང་། དེ་ལྟར་བགྲང་བྱ་མང་པོ་ཞིག་གི་ནང་། ཁོ་ཚོ་བཞི་པོས་ཉིན་ལྟར་མྱུ་གུ་ལ་གཅེས་སྐྱོང་ཡག་པོ་བྱས་ཐོག ཕན་ཚུན་རྒན་བཀུར་གཞོན་གཅེས་དང་། གཅིག་ཕན་གཅིག་རོགས་ཀྱིས་ཕུ་ནུ་ལྟར་གནས་ཞིང་། ཕན་ཚུན་འབྲལ་ཐབས་མེད་པའི་བརྩེ་སེམས་ཟབ་མོ་བཅངས་པར་སྲོག་ཆགས་གཞན་ཚོས་ཁོ་ཚོར་མཐུན་པ་སྤུན་བཞི་ཞེས་འབོད།

ཡུན་གྱིས་མྱུ་གུ་དེ་ཤིང་སྡོང་ཆེན་པོར་ཆགས་ཏེ། འབྲས་བུ་གཡུར་དུ་ཟ་བ་བྱུང་མོད། ཁོ་ཚོ་སུས་ཀྱང་མི་རྙོབ་པས། ད་ཇི་ལྟར་བྱས་ན་ལེགས་ཞེས་གྲོས་མོལ་མི་བྱེད་ཀ་མེད་བྱུང་སྐབས། སྤྱང་གྲུང་ལྡན་པའི་རི་བོང་གིས།

ང་ལ་འཐབ་ཇུས་ཞིག་ཡོད། གླང་ཆེན་གྱིས་སྤྲེལ་ཕྲུག་འཁུར། སྤྲེལ་ཕྲུག་གིས་ང་འཁུར། ངས་བྱིའུ་གོང་མ་སྲེག་འཁུར། དེ་ལྟར་བྱས་ནང་ཚོའི་ཤིང་སྡོང་གི་འབྲས་བུ་འཐོག་ཐུབ།

ཁོ་ཚོས་དེ་ལྟར་བྱས་ཏེ་འབྲས་བུ་འཐོག་མགོ་བརྩམས། ཤིང་ནྱ་གྲོ་དྷའི་ལྗོན་ཤིང་གི་འབྲས་བུ་ནི་སྤྱད་པས་མི་ཟད་པ་ནམ་མཁའི་མཛོད་ཀྱི་བང་མཛོད་ལྟར་ཡིན་པས། ཁོ་ཚོས་ཤིང་འབྲས་དེ་རྣམས་ནགས་ཚལ་དེར་ཡོད་པའི་སྲོག་ཆགས་གཞན་ཀུན་དང་མཉམ་སྤྱོད་བྱས་ནས། བདེ་སྐྱིད་ཀྱི་དཔལ་ལ་རོལ་བ་རེད།

ང་ཚོ་འཇིག་རྟེན་འདི་ནས་གཏན་དུ་ཁ་བྲལ་ཉིན།
ང་ཚོ་ལ་ཡོད་ཚད་ཁྱེར་དབང་མེད་མོད།
འོན་ཀྱང་ང་ཚོ་ལ་ཁྱེར་དབང་ཡོད་པ་གཅིག་ཡོད།
དེ་ནི་དམ་པའི་༼ཆོས༽་རེད།
我们永远离开这个世间的时候
一切都我们不可以带
但是可以带一个
（法）