【【有好成績】《法證IV》收視達33點 創8年來劇集首播紀錄】肺炎持續擴散，不少市民都減少外出，連帶節目收視亦節節上升。無綫新劇《#法證先鋒IV#》星期一首播，收視達33點，成績相當理想，更打破過往8年劇集首播之直播收視紀錄！《法證IV》由譚俊彥﹑黃浩然﹑陳煒﹑李施嬅、湯洛雯和鄭俊弘等合演，湯洛雯接受訪問時表示，開心有好成績：「希望令觀眾面對而家唔係咁開心有疫症情況下，睇下我哋啲劇，可以回復心情。」黃浩然接受傳媒訪問時就表示，上次與監製梅小青合作的《公主嫁到》結局篇，收視都有45點，希望今次亦有高收視：「呢套係小青姐退休作，攞到呢個好成績好值得紀念，亦希望喺呢個疫情下帶到一啲娛樂畀觀眾。」

《黃金有罪》大結局 張兆輝不悔改：我今次係輸在唔夠狠

無綫劇集《黃金有罪》昨晚（14日）播出大結局，最終婷婷（陳瀅飾）與錢進（蕭正楠飾）夾計演一場戲令Hugo（洪永城飾）轉做污點證人；在追捕榮木桐（張兆輝飾）時，錢進（蕭正楠傭）險被對方打死，幸得杰仔（何廣沛飾）及時趕到，救回錢進並拘捕了榮木桐。
最意想不到劇情是榮木桐在監獄被乃隆（彭懷安飾）襲擊刺傷倒地，當以為榮木桐就此終結，最後卻是他仍在生，但要坐輪椅，出獄後推著輪椅上山，被當年慘聽他說話買股輸掉的人險推他落斜路，榮木桐反斥對方：「贏錢嗰陣唔見你多謝我，冇人用支搶指住你去買，股場如賭場，願賭服輸！」已知榮木桐不認為自己有錯；上到山上，榮木桐又遇上錢進，對錢進斥他當年做的錯事，榮木桐更堅定說：「你話我知，喺股票世界，有邊一個唔係咁？我冇後悔過，畀我再嚟多一次，我只會更加聰明，我今次係輸在唔夠狠！」

唔怕死碌落山 譚俊彥瞞住家人拍劇玩命

39歲譚俊彥（Shaun）繼兩年幾前拍《特技人》親身上陣拍飛車、爆破、碌落山等驚險場面後，喺王心慰監製的TVB新劇《失憶24小時》中再度玩命！本報記者日前直擊Shaun喺大帽山山頂拍一個大結局重要場口，見他唔用替身，滾落20-30呎高的山坡5至6次，因為斜度十足，拍得觸目驚心，在場劇組都戰戰兢兢，唔敢鬆懈。譚俊彥否認賣命係為咗搏台慶獎，強調趁後生，做到就做，笑言搵食艱難。 採訪：方騫平、李權威

當日譚俊彥和郭晉安同場，劇情講兩人都一齊碌落山坡，但及時抓住棵樹，大難不死。雖然有晒替身stand by，但Shaun為求逼真堅持落手落腳做，反觀安仔腳部有傷患，不宜親身上陣，只係坐喺斜坡度補文戲。現場山坡陡峭，要拉住條安全繩上落，而且係泥地，沙石又多，碌落山容易刮傷，不過，Shaun墊好私伙pad兼度好位後，一鼓作氣話碌就碌，拍得相當精彩，但拍第一Take時曾失手，腳部撞向樹幹擦損及撞瘀晒，痛到全日都跛跛吓。他坦承真係有啲危險嘅，連特技人都叫他唔好自己拍，不過，相信有好嘅保護裝備會幫到手，同埋有經驗就ok嘅，「拍前我瞞住老婆同老竇（狄龍），爸爸一定唔贊成，係我『牛精』要堅持，呢啲唔係叫搏命，係叫專業，可能細個拍電影時都係咁做。好多人話拍TVB劇唔使咁認真，我覺得又唔係嘅，其實作為演員好難避免拍呢啲鏡頭，好似《包青天》、《特技人》都有危險動作，我覺得做到咪做囉，再老啲就做唔到㗎啦！不過，個特技人都話叫我畀口飯佢食，叫我唔好自己嚟，所以我都係揀咗其中一個比較重要啲鏡頭，要捉住棵樹，見到個樣嘅鏡頭嚟碌。拍完晒我先夠膽畀老婆知，仍然俾佢鬧咗好耐。」

視帝睇好馬國明
問到咁搏係咪想攞視帝時？他即耍手否認說：「我呢啲小朋友關我鬼事咩？心中視帝偏向係馬國明，輪都未輪到我啦。我入咗TVB 5年，其他人都咁多年，攞獎點都要講小小對公司付出同資歷嘅。我唔係諗攞獎，反而係同一個新監製合作，佢搵我做呢個角色，畀到我好多發揮，我會盡量去做好。」