#香香甜甜的周末#

这个星期好精彩
跟娟娟好久没约噶少女心事团
在从6.讲到11.
一看时间吓一跳
今次约会噶金句系
“钱在哪儿，心在哪儿”
工作，生活同理

啊泽老板又食日日都挂住噶鸡煲
（应该系有毒
好彩今个星期有新野
虽然仲系烤肉

高温预警
每日都想问问个太阳“系米想晒s我
然后开启用唔同噶饮料续命模式

毕业月
有做不完的事
最后两周
坚强！

我！的！天！！！！！！看了声生不息第一第二期 真的太太太好看了叭！！！
小学听twins ，初中听卫兰
一直都是杨千嬅 容祖儿 陈奕迅 古巨基 twins 方力申 卫兰 陈慧娴 周慧敏 李克勤这些好多好多按歌手来换着听，声生不息真的一直在用我死去的记忆不断攻击我[泪]怎么会有一个每首歌都听过的因综啊！连《学生哥》这种童谣都唱过改编版：学生哥，阴功咯，日日挂住拍拖～
真的是我心中的音综天花板了[打call]完全超过声入人心！！都！赶紧！去看！！！声生不息！！！

日日妈妈好｜Hera分享与母相处之道 “Bonnie”林凯恩幸有强大妈妈

母亲节特备节目《日日妈妈好》邀请咗一班艺员同事分享同妈咪嘅相处点滴，当中以陈晓华同妈咪嘅关系比较特别，佢哋都系“爱在心里口难开”类型。不过Hera话受到其他嘉宾分享所感染，Hera一开口就泪流满面，佢话：“我同妈咪好少讲嘢，但我哋好关心对方，好似韩剧咁，有时嗌交会嗌得好劲，但又要喊晒揽住和好。我哋唔系揽头揽颈嗰啲、又或者会倾好多偈嗰啲，我哋系唔出声但会好关心对方嘅关系。加上我入咗行，妈咪都会好担心同我讲得多会变咗压力，所以变得更加少同我讲嘢。”

Hera话同妈咪一切尽在不言中：“有时我拍剧忙，可能会任何时候都瞓到觉，但妈咪从来唔会打开我房门，佢会摄张纸入我房，因为唔想嘈到我。我每次起身，见到妈咪话准备咗啲蛋畀我，我就会好窝心，佢知我要减肥。”Hera 又谓最钟意同妈咪一起瞓晏觉：“我妈咪有啲肉地好好揽，所以我好钟意揽住佢，我哋Keep 住都系静啲。”

除咗分享同妈咪相处，节目亦有妈咪级艺人现身，育有三女嘅杨卓娜 ，其中两名系现任丈夫杨志翘与前妻所生，不过卓娜一直视如己出，仲话同女儿们系好朋友关系：“我同小朋友除咗系好朋友，我会畀佢哋知我系佢哋妈妈，希望佢哋明白喺家庭入面妈妈嘅角色。我唔需要佢哋以后有咩回报，但想佢哋识得感恩，因为佢哋以后会有小朋友，佢哋要识得将呢份爱同孝义承传落去。”

卓娜又笑指身为人母后，变得更重视母亲节，有时仲会忽然挂念母亲，卓娜话：“阿妹成日同妈咪一齐住，但系我就好耐冇同妈妈住，呢啲时候就会好挂住妈妈，半夜三更会因为咁喊。”杨卓娜老公亦有现身节目，又多谢太太一直以来嘅付出：“多谢佢咁锡我两个大女，同畀番一个咁完整嘅家庭我。佢好温柔，我经常直接攻击我两个大女，但佢就兜兜转转，但佢真系有佢嘅方法去对付佢哋，我好接受佢呢一套。”

2015年参选港姐获得“友谊小姐”奖入行嘅 林凯恩，喺《爱‧回家之开心速递》饰演傻气乖乖女Bonnie ，剧中对父母非常孝顺嘅佢，现实中一样同妈咪情同姐妹。

原来Iris当年参选系帮妈咪圆梦：“细细个已经觉得妈咪好靓，觉得佢后生好有气质。到大个就算我化咗妆，企喺妈咪隔篱，啲人都系话妈妈有气质过我。妈妈同我讲佢有谂过选香港小姐。妈咪以前读中学时，又玩体操，又玩美术，我觉得佢（选港姐）其实应该胜任过我好多，佢更适合入呢行。”

Iris仲话最难忘嘅，系同林妈妈一齐穿上毕业袍。其实林妈妈一直想圆梦读大学，为咗可以同Iris一齐同年毕业，林妈妈仲非常努力追赶进度，林妈妈话：“能够同个女一齐戴四方帽影相，唔系好多人有呢个机会。”而林妈妈同Iris最终唔止一齐着起毕业袍，仲手牵手一齐影毕业相添。

Iris就笑言同妈咪一齐毕业感觉非常有趣喇：“我哋读书嘅时候身份系调转架，我要写论文啦，妈咪都要考试架嘛，但佢读读吓书会瞌眼瞓，咁我会看住佢，同埋叫佢『起身喇，冇时间喇，要交功课喇！』又会问住佢成绩出咗未，感觉唔似两母女、似同学。”

另一次令Iris难忘嘅经历，系同妈咪去日本旅行期间，因自己安排行程太紧密，令妈咪要食便利店食物医肚而非常内疚，但系林妈妈嘅一句回应，就令Iris暖在心头：“我同妈咪讲对唔住，因为我编排得唔好。妈咪就话唔紧要㖞，我觉得好好食，好开心呀。妈咪系我最好嘅旅行伴侣。”

#日日妈妈好#