བླ་མ་ངག་དབང་ཆོས་འཕེལ།

མཐོ་དམན་ཀུན་ལ་བློ་ཡིས་འཛིན་ཚུལ་གཅིག།
གཞན་ཕན་སེམས་ཀྱིས་ཐུགས་རྒྱུད་རབ་ཏུ་ཕྱུག།
གཞན་དོན་ཁུར་ཆེན་ཅི་ཙམ་ལྕི་ན་ཡང་།།
ངལ་བའི་རྣམ་པ་ཟུར་ཙམ་མི་མངའ་བ།།

དངོས་པོ་ཀུན་ལ་བརྐམ་ཆགས་ཡོངས་བྲལ་ནས།།
དངོས་ཀུན་མ་ལུས་ཀུན་ལ་སྦྱིན་གཏོང་མཁས།།
ཉིན་མཚན་ཀུན་ཏུ་བསྟན་པའི་བྱ་བ་ལ།།
གཅིག་ཏུ་གཞོལ་བའི་ཤཱཀྱའི་སྲས་པོ་མཆོག།

སྙིང་རྗེས་ཁྲོས་པའི་རང་ཞལ་མཐོང་ཙམ་གྱིས།།
མཆོག་དམན་ཀུན་གྱི་རྟོག་ངན་ཀུན་ཞི་ནས།།
ཡོད་ཚད་ཆོས་ལ་སྦྱོར་བར་རབ་ཏུ་མཁས།།
ཐབས་མཁས་ཐུགས་རྗེ་ཞུ་བ་ཁྱེད་ཉིད་ལགས།།

གསེར་ཁྲི་མཐོན་པོ་ཁྱེད་ལ་མི་མངའ་ཞིང་།།
མཚན་སྙན་ཀུན་ལ་འབྲུག་ལྟར་མ་གྲགས་ཀྱང་།།
ལུང་ཁུག་ཞིག་ཏུ་ཏིང་འཛིན་ཁོ་ན་ལ།།
ཡེངས་མེད་སྒོམ་པ་ཁྱེད་ཉིད་གཙུག་གི་རྒྱན།།

ཚེ་འདིར་ཁྱོད་ཞལ་མཇལ་བའི་ལས་བཟང་འདི།།
འཇིག་རྟེན་མཁོ་དགུ་ཐོབ་པ་ལས་ཀྱང་ལྷག།
ད་དུང་སྒྱུ་མའི་ལུས་འདི་མ་འཇིག་བར།།
ཁྱེད་ཉིད་ཁོ་ན་ཡིད་ལ་སྒོམ་སྙིང་འདོད།།

སྲིད་པའི་གྲོང་དུ་ཇི་ཙམ་འཁོར་ན་ཡང་།།
རྟེན་ནི་ཇི་ལྟར་ལོན་པར་གྱུར་ན་འང་།།
ཁྱེད་ཀྱི་ལུས་དང་གྲིབ་མ་ཡོད་པའི་གནས།།
བདག་ཀྱང་དེ་ཡི་ཕྱོགས་སུ་སྐྱེ་བར་སྨོན།།

༼ ལོ་རྒྱུས་ཀྱི་ཆུ་རྒྱུན་རིང་མོ་བརྒྱུད་པའི་མི་རིགས་གང་ཞིག་ལ་མཚོན་ནའང་ཤེས་རིག་གི་འབྱུང་ཁུངས་ཞེས་པ་ནི་སྣ་མང་རྙོག་འཛིང་ཅན་ཞིག་ཏུ་མངའ་བ་ལས་ཁེར་ཚུགས་ཀྱི་ངོ་བོར་གྲུབ་ཅིང་གང་ལའང་འབྲེལ་འདྲིས་བྱུང་མེད་པའི་ཤེས་རིག་ཅིག་གཞར་ཡང་རྙེད་དུ་མེད། དེའི་ཕྱིར། མི་རིགས་ཤིག་གི་ཤེས་རིག་གི་འབྱུང་ཁུངས་འཚོལ་བ་ལ་བཞེད་ཚུལ་སྣ་མང་དང་ཁུངས་སྣེ་འདྲ་མིན་འབྱུང་སྲིད་པ་ནི་ཆོས་ཉིད་ཅིག་རེད། དེས་ན་བསམ་བློ་གུ་ཡངས་པོ་དང་བློ་ཁོག་རྒྱ་ཆེན་པོའི་ངང་ནས་གནད་དོན་འདི་དག་ལ་ཞིབ་འཇུག་དང་བགྲོ་གླེང་བྱ་རྒྱུ་ནི་ཤིན་ཏུ་གལ་ཆེ་བར་སྙམ་མོ། །༽

不管是哪个民族，在历史的长河中其文明的来源都是多元、开放而非唯一和封闭性的，因此在探源一个民族的文明起源问题时，一定要充分考虑到这种文明与其他周边各种文明之间的互动交流的历史，同时也要看到这个民族文明的多源多元特点。

2022/11/28

སྔོན་དུ་འགྲོ་བའི་གཏམ།

དཀར་ཟས་ནི་འགྲོ་བ་མིའི་རིགས་ཀྱི་བཟའ་བཏུང་རིག་གནས་ཁྲོད་དུ་ངོ་མཚར་བའི་དགེ་མཚན་རྨད་དུ་བྱུང་བ་དང་ལྡན་པ་ཞིག་ཏུ་སྣང་སྟེ། ཉམ་ཆུང་གི་སེམས་ཅན་གྲངས་མེད་པ་ཞིག་སྡུག་བསྔལ་གྱི་རྣམ་གྲངས་མཐའ་ཡས་པ་ལས་ཐར་ནས་ཚེ་སྲོག་ལ་རང་དབང་གི་བདེ་བས་ཁྱབ་པར་བྱེད་པ་དང་། འཚེ་མེད་ཞི་བའི་ལམ་ལ་ཡོངས་སུ་བསྐྱོད་པའི་འཛམ་གླིང་གི་གང་ཟག་དུང་ཕྱུར་དུ་མ་དང་། ཁྱད་པར་དུ་དེང་རབས་ཀྱི་ན་གཞོན་ཐེར་འབུམ་མང་པོས་དགའ་བའི་ཡིད་ཀྱིས་བསྟེན་པར་བྱ་བ། སུ་དང་གང་གིས་བསྟེན་པ་དེའི་ལུས་དང་སེམས་ལ་ནད་མེད་ཅིང་བདེ་སྐྱིད་ཀྱི་ཚོར་བ་སྐྲུན་པ། གནམ་ས་རྒྱ་མཚོ་དང་བཅས་པའི་ཁོར་ཡུག་ལ་དྭངས་གཙང་གི་བདུད་རྩི་སྟེར་བར་བྱེད་པ་ཞིག་སྟེ། དེའི་ཕྱིར་སྐྱེ་བོ་ཡོངས་ཀྱི་ཁྱུ་མཆོག་སྟོན་པ་སངས་རྒྱས་ཤཱཀྱ་ཐུབ་པ་དང་། འཛམ་གླིང་ཤར་ནུབ་གཉིས་ཀའི་གནའ་དེང་གི་དམ་པའི་སྐྱེས་བུ་མང་པོས་བསྔགས་བརྗོད་ཀྱི་མེ་ཏོག་ཡང་ཡང་འཐོར་བར་མཛད་དོ། །

རང་རེ་བོད་གངས་ཅན་གྱི་ཡུལ་དུ་སྔོན་གྱི་དུས་སུ་དཀར་ཟས་རིང་ལུགས་པའི་སྐྱེས་བུ་དམ་པ་དང་། དཀར་ཟས་རིང་ལུགས་པའི་དགོན་པ་སོགས་མང་པོ་ཞིག་བྱུང་མོད། འོན་ཀྱང་དེས་སྐྱ་སེར་གཉིས་ཀའི་གྲངས་ཀ་ལས་ཉུང་ཙམ་མ་གཏོགས་ཟིན་ཐུབ་མེད། དེའི་རྒྱུ་རྐྱེན་གྱི་གཙོ་བོ་ནི། བོད་ཀྱི་ས་ཁུལ་མང་པོ་ཞིག་ན་སྔོ་ཚལ་དང་ཤིང་ཐོག་སོགས་འབོལ་པོ་མེད་པའི་ཁོར་ཡུག་གི་ཆ་རྐྱེན་གྱི་དབང་གིས་ཡིན་པར་འདུག །འོན་ཀྱང་ད་ལྟ་ཁོར་ཡུག་གི་ཆ་རྐྱེན་ལ་འགྱུར་བ་བྱུང་བའི་དབང་གིས་དཀར་ཟས་པའང་ཇེ་བས་ཇེ་མང་དུ་འགྲོ་བཞིན་ཡོད་དོ། །

དེ་ལ་བདེ་ཐང་དང་ལྡན་པའི་དཀར་ཟས་ཤིག་བསྟེན་དགོས་ན། དེའི་བསྟེན་ཚུལ་ལེགས་པོ་ཤེས་པ་གལ་ཆེ་བས། ད་ལམ་འདིར་ང་ཚོ་ཀུན་ཕན་སྒྲ་སྒྱུར་གླིང་གི་ལོ་ཙཱ་བས་དཀར་ཟས་བསྟེན་ཚུལ་གྱི་གཞུང་འདི་བོད་ཡིག་ཏུ་བསྒྱུར་ནས་ཀུན་གྱི་སྤྱན་ལམ་དུ་ཕུལ་བ་ཡིན་པས་དོ་སྣང་ཡོད་པར་ཞུའོ། །

དཀར་ཟས་རིང་ལུགས་པ་ཚུལ་ཁྲིམས་བློ་གྲོས་ཀྱིས་རབ་གནས་ཆུ་སྟག་ལོའི་བོད་ཟླ་༥པའི་ཚེས་༡༦ལའོ། ། https://t.cn/R2Wx1UH