見到supervisor咁樣講好感動，呢一組真係好恐怖。首先係三個女仔一組，然後無啦啦有個女仔話走就走，得番兩個人，仲要個時得番幾日就交progress report然後瘋狂sd email問有冇人都係兩個人一組，問極都冇人肯幫，權力大真係大哂咩？最後好采Anthony 幫手揾到又係兩個人一組
以為好好彩，終於齊腳既時候，定題目嗰個人就玩失蹤，最緊要個part唔知點做好，2個讀aviation，1個讀supply chain ，就去做個logistics 既topic。好好彩supervisor幫下手，又俾我哋左諗右諗又搞得掂。
最後交final前一個星期，失蹤嗰個人又出返嚟，話要一齊做，唔好玩啦大佬，俾你一腳橋起起仲唔夠咩。
同時間又發現，個男仔原來兩次俾人遺棄，第一次就係個gm被quit u，第二次就係失蹤左嗰個男仔，仲要夠膽死講句I won’t leave you alone.....
呢件事應該係讀書生涯入面最難忘嘅一件事，真係可以講十年，咁好彩嘅事都比我遇到。

【On.cc】細佬娶翻版阿嬌　容祖兒送完樓再送酒席

容祖兒細佬娶翻版阿嬌。

天后容祖兒出席電台頻道標誌發布會，講到細佬即將娶翻版阿嬌，她即將榮升大姑奶，心情大靚的她說：「係呀，好開心。（幾時結婚？）6月。（你生日嗰日？）唔係，早過我生日。（你送咩畀細佬？）之前送咗樓畀佢。（咁之後仲送咩？）送酒席。」問到可是很開心等飲茶？她說：「我諗緊我使唔使着旗袍或裙褂，同埋都會搵大妗姐，令件事正式啲。（你做埋咪得？）我上次亂噏。」她又謂現時心情好Amazing：「唔相信細佬會成家立室。（細佬爬你頭結婚？）最好係咁啦，媽咪就會將Focus擺喺佢嗰度，唔使理我。（你會唔會催細佬生仔？）梗係，係咁催。」

問到對弟婦意見如何？她說：「最緊要細佬開心，我都覺得幾好，佢哋相處夾，我細佬都唔係易處理，佢有自己性格，我哋唔可以太多意見畀佢，又唔可以完全唔理佢，呢個女仔啱啱好，有乜嘢緊要得過佢鍾意？（有指佢似翻版阿嬌？）阿嬌都話幾似喎，都係靚女嚟嘅。」她又謂媽咪對弟弟結婚很開心：「可以沖喜吓，因為我媽咪同細佬今年都犯太歲，我都犯犯哋，所以沖喜就冇晒事啦。」問到婚禮當日她可用唱歌？她謂：「我諗唔使，都係好熟嘅親朋戚友嚟食一餐便飯。」問到媽咪心願是否想睇她兩姊弟結婚？ 她說：「當然想我哋有個好嘅歸宿同另一半。（你幾時達成媽咪嘅心願？）我梗係想聽日就係啦，哈哈，但想咋嘛。」

設計入行20年Logo

祖兒表示都為自己入行20年設計了Logo，上面有齊「JY」、「20」及自己喜愛的鬱金香元素，自己把意念告訴設計師，然後由對方設計。問到構思了多久？她說：「諗咗好耐，20周年想有個Logo畀自己，去搵一件物件代表自己都好難諗，係自己個樣、動物定咩，然後就揀咗鬱金香，同埋有我個名同20，亦係我鍾意嘅黃色。」問到到時可會把logo印在產品上在演唱會賣？她表示：「會啊，想出AirPods、潤唇膏、整頭髮嘅嘢。」

#容祖儿[超话]#

上星期學校party主題係環保，今年我冇造衫，只按大小的喜好造咗啲週邊嘢佢哋用得開心緊要啲

哥哥宜家最喜歡對戰，上年造的盾牌仲在生，再用（仲唔係環保！）；用婆婆帶回來的手信福崗塔蛋糕盒造劍，完事。

妹之的女仔性格早已現形，用化妝品紙盒造個小手袋，有剩嘅紙皮再造鏡、梳、唇膏，有一秒我覺得自己做緊紙紮
@chi_auyeung 獻醜了

#tammuig##肉肉
#妹之有個MuiMui手袋
#0305唔係我寫本身個盒有可能係貨號
#佢太鍾意不斷開閂同剿嘢第二日已爆咗
#tambaby##冧之之兄妹
#多謝你仲keep到個盾牌
#宜家佢唔肯掉呢啲嘢
#話因為係我造俾佢嘅
#氹死人咩ILoveYou
#雖然每次都考起零藝術阿媽