小肥料理[偷笑]嫩滑炖蛋电饭煲蛋糕
终于吃到心心念念的螺蛳粉[舔屏]➕鸭脚卤蛋太美味了，tb的好欢螺什么时候可以发货啊[吃瓜]
君姐大良代购的黑糖珍珠泡芙，珍珠好吃如果皮更脆就好了[坏笑]
爷爷的日常，沙发瘫➕零食搜寻机
：“哇！有咩野食哦！”
：“鸡翼你吃吗？薯仔？”

：“甘饮可乐嘛？”
马上坐下来[憧憬]
：“鸡翼仲吃嘛？”
真香哈哈哈哈哈[偷笑]

想念可以去街的日子，不过系屋企也可以做很多事情，买了一大堆手工其实满足的是自己不是个女[哈哈]现在每日和细佬收工回家，B第一时间就系追住舅父，卑两粒野我！(糖)然后抄我个包睇有咩食，夜晚训教一味同我投诉话只成日偷句d野食，其实系我收埋，又成日着我的鞋，平时讲野成个大人甘真系好好笑，这样的时光真好

昨日去左澳門，當然可能會有人話有疫症就唔好週圍走，呢個我名白，但真係唔得，因為昨天係政府第一日辦工，而重要係我昨天唔做果樣野就要過期，所以無得揀，你估我真係想去4個鐘，番又幾個鐘咩?

講番少少資訊野，B5及B6車去港珠澳大橋，因應疫情車既班次已經去到45-60分鐘一班，所以大家要留意，我最終係坐的士去，其實唔算貴，無記錯東涌去70蚊左右。另外金巴亦慢行以減少人流，及一架只坐24人左右，亦都30-60分鐘一班，大家去澳門前亦需留意，所以加加埋埋，4個鐘，所以真係無乜急需就唔好過去，因為你會發現等多過做野。

今日澳門政府既服務全部要量體溫先可以放行，今日係好多人，但都無計，不過好好彩，我係食飯前就搞掂晒。跟住當然去食野，其實每次過澳門趕頭趕命，今次終於食餐好，去左陸軍俱樂部。其實呢間野係萄京對面，係一間好有歷史價值既建築物，裡面基本上以英文點餐，咁有一兩個中國人既，唔太驚，餐牌亦有中文。有buffet 可以食，但我自己一向一般，所以散叫，第一個係清蒸多舊魚.........清蒸比目魚配個湯飯，ok 既幾好食，跟住就到個亂棍打死猪八戒......猪有D老，反而果堆亂棍幾好食，跟住就黎個羊肉乜XX，呢個唔多好食，唔推介，最後就有個鴨飯，個人覺得鴨油好香唔錯，但係有人覺得唔多鐘意陣鴨油味。埋單8xx，結語食建築物多過食野，野食部份唔差。可能我未夠西.......

跟住經過十月初五街，見到成條街得一檔野開，係我既至愛奶茶，一見即買，茶好好飲，但有一樣野唔得，係價錢35蚊一枝，我O左嘴，不過算喇，但個份量又真係少左DD。好鐘意飲奶茶既可以一試，但我身體機能有個奇異之處係，一飲好飲既奶茶通常就會去拉屎，而今次亦都證明呢枝野係好飲既，我用九秒九既步速飛奔到廁所完成我每日人生必要既大事，一個字 "爽"

#中國加油
#武漢加油
#澳門遊
#奶茶
#陸軍俱樂部