#圖文不符##迪迪的Diary# 32

我細個屋企住觀塘嘅，我又好鍾意躝街嘅。嗰時最鍾意去尖沙咀，如果阿哥家姐同男女朋友拍拖，又同阿媽阿爸申請搵我過橋，即係帶個細佬出街玩，其實暗簡係去拍拖嗰啲，我一定會提議話去尖沙咀。原因係我好鍾意坐1號A呢架巴士，由觀塘兜兜轉轉睇到好多風景，然後慢慢熬到尖沙咀。

鍾意去尖沙咀嘅原因係嗰度五光十色，有得行街有得睇戲，又有海邊，又冇旺角嗰啲咁複雜；另一個原因係，喺觀塘嗰個1號A巴士站附近，有一檔炸雞翼，超好味，我次次等巴士嘅時候，就要求阿哥家姐，攞返啲油水，梗係啦，我俾你過橋去秘密拍拖喎，仲唔有風洗盡利咩！我會叫佢哋買隻炸雞全翼俾我，然後我就會上車慢慢食！（當年坐巴士係仲可以食嘢嘅）

一隻雞全翼，我可以由觀塘慢慢㗳到尖沙咀碼頭。我嗰時會由雞翼尖嘅第一節開始食，食完雞翼尖就食雞中翼，然後最後食雞鎚，總之留到啖啖肉最後先至食就最滋味。

差唔多成個小學階段都係咁，有街去就去，去親就話去尖沙咀，然後就食雞翼。直至到差唔多六年級，都大個啦，自己都會同啲同學仔躝出街玩。有一次又係咁，攞住隻雞全翼上車，啲同學仔喺度玩，又推推撞撞，架巴士又「櫈」，啱啱食完隻雞翼尖，跟住剩返嗰兩節雞翼，跌落地下，冇得再食！我當時好傷心，狂鬧啲同學仔，望住地下喺啲垃圾塵埃區嘅兩節雞翼，我當時覺得佢對住我喊緊，其實可能係我自己個心喺度淌淚！

自此以後，我明白咗啲嘢，我逢親再食雞全翼嘅時候，我都調返轉嚟食，食咗雞鎚先，然後雞中翼，再食雞翼尖；因為我原來明白咗，細個嘅時候，你會留返啲好嘢，最尾先慢慢嘆；大個咗啲，有啲經歷嘅時候，尤其係世事多變，今日唔知聽日事，有好嘢，係應該嘆咗先！

但係呢個理論，係咪人人都咁諗嘅呢？未必。

成長咗之後，我記得有一次同媽咪去shopping，我買咗好多衫俾佢同自己。第二日我去返工，我着晒全套新衫，阿媽見到就同我講：咁快就著晒啲新嘢啦？我話：梗係啦，唔通等到去飲先着咩，今朝有酒今朝醉，珍惜今天，活在當下吖嘛，我突然間死鬼咗仲邊有得着啊！我阿媽唔理我，笑笑口咁走開咗。

然後佢嗰啲新衫呢，我叫極佢，佢都唔肯著，我仲鬧佢話你係咪想啲衫過晒時你先至拎返出嚟着呢？佢都唔理我。

直到過咗冇耐，有個親戚結婚，佢竟然自動自覺，識得攞嗰日我同佢買嗰啲新衫出嚟著，我心諗：都好，起碼佢肯著！然後佢同我講：今日去飲，拎啲新衫出嚟著，就抵返晒啦，因為多啲人睇到吖嘛！

佢又好似有佢嘅道理喎！非常合乎經濟效益——多啲人睇到，啲新衫更有價值！

咁即係點呢？我有我嘅雞全翼理論，我阿媽有佢嘅經濟效益理論！兩個理論都冇錯㗎，而當我以為呢兩個相反嘅理論，係會隨着年紀同埋人生經歷，會改變嘅時候，我見到我阿媽年長我咁多，人生經驗多我咁多，佢都係會選擇食雞全翼嘅時候，食雞翼尖先，咁即係話，可能當你年紀更大嘅時候，你對你嘅未來，應該更有信心，知道你有朝一日，一定會嘆到嗰舊啖啖肉嘅雞鎚！

冇呀，無端端有感而發咋，總之我依家，活到今天，我仍然係會嘆咗先，食咗舊啖啖肉先，或者過多幾年，我都會變成我阿媽！

你呢？係點食雞全翼㗎 ？

歌曲：#沈殿霞# 《燒雞翼》

其实我今日真系好唔开心
晨七咁早就收到一个非常非常唔好嘅消息

本身前一晚已经报备咗今日补休
但系其实我已经唔敢报备休息
因为有人已经系群发火质问我哋点解业绩咁差
后来我都系选择报咗
不过由于成个网点嘅任务未完成
结果今日又唔俾人补休
今朝7点几醒咗收到咁嘅信息我真系把几火
莫非我今日唔休 指标就可以突飞猛进咁完成？
又同我讲埋晒其他人休息点点点
“这种才是我想要的”
我已经唔知讲咩好
如果个个都好似佢咁休息 咁不如唔好休

到食饭嘅时候 我先觉得冇咁烦
本身我谂住今日冇饭搭 又或者白饭加几条白
因为我同饭堂阿姨讲咗今日停膳
今朝我又同佢讲可唔可以唔停我中午饭
跟住阿姨话冇问题啊照煮埋我份伙食
我同事又好好啊 佢话攞樽腐乳俾我送饭
食紧饭嘅时候 我觉得自己好幸福
除咗系因为有饭食
更加系因为原来我身边仲有善良嘅人帮我

写到呢度 我又谂起自己旧年搬入去宿舍
我好记得我对宿舍环境嘅第一感觉系好差
我好自然咁同屋企对比
于是我有一种非常非常强烈嘅感觉
我体会到幸福唔系必然嘅
当人拥有幸福 拥有美好 我哋要珍惜

落班之后我觉得要去放松下
我发觉食好嘢真系可以令人开心翻
唔系单纯食嘢 系食啲令自己真正开心嘅嘢
所以我又一个人去食嘢
我已经谂好了
如果以后有咩唔开心
我就会去翻间餐厅 食完就上桥 行路去食糖水
有时候我知道我哋唔应该依赖外界去获得开心
不过无可否认 有时外界环境确实令人开心翻

其实我今日落班就已经好攰了
但系我同自己讲
越觉得攰 越觉得唔开心
咁就更加要行出去 去做啲令自己开心嘅嘢
以前我听我大学同学讲“开心都是自己找的”
我唔明白咩意思 可能我唔知咩叫开心啩
但系今晚我明白了

今天因为请假的事，自己一直心神不宁的。总觉得是自己弄错了时间，没有注意到那天要开会就请假了。校长一开始的确是有些懊恼的，后面我再去和他说的时候，他很和蔼的回我：我来安排就好。但我还是心跳跳的。后面去找daisy聊这件事，起初只是想继续问她还需要再做什么。她和我说的第一句话是：你是不是怕啊。我说是的。她和我说了好多，拍着我的肩膀说了好多，我记不太清了，现在能记得的就是：你係唔係驚啊？傻猪來嘅，好多人都會請假嘅，唔要擔心。平時我請假都要同事幫助，每個人都會有少少事要處理，唔要擔心。平時有咩事你都要講，唔好自己消化。你唔講，别個人都唔知係咩事。
其实她还说了好多，我现在只记得当时的我很害怕，然后她还和我说后面会帮我再向校长确认具体怎么做。
我真的被温暖到了