བརྩེ་བ་ནི།
བྱང་ཆུབ་སེམས་ཀྱི་རྨང་གཞི་ཡིན།
ཐེག་པ་ཆེན་པོའི་ཆོས་ལ་སློབ་པར་འདོད་ན།
ཐོག་མར་ངེས་པར་དུ་ཚེ་སྲོག་ཀུན་ལ་བརྩེ་བ་བྱེད་ཤེས་དགོས།
བརྩེ་བ་ཡོད་ན།

ཡོད་ཚད་ཡོད་པ་ཡིན།

བླ་མ་ཚུལ་ཁྲིམས་བློ་གྲོས་ཀྱིས།

爱，
是菩提心的基础。
想学大乘佛法，必须先学会爱所有生命。
拥有爱，就拥有一切。

—— 慈诚罗珠堪布

ཨེ་མ་ཨ་ཧོ།
འཇིག་རྟེན་འཁོར་བ་ག་ཞ་སློང་བའི་གནས།།
སྤྲོ་བའི་སེམས་དང་སྐྱིད་པའི་གླུ་དང་གར།།
དགའ་བའི་གཏམ་དང་འཛུམ་པའི་ཉམས་སྣང་སོགས།།
ངོ་བོ་སྡུག་བསྔལ་ཡིན་པ་སུ་ཡིས་རྟོགས།།
ཀྱེ་མ་ཀྱེ་ཧོ།
འཁོར་བའི་ངོ་བོ་སྡུག་བསྔལ་ཡིན་ན་ཡང་།།
སེམས་ཅན་ཀུན་གྱིས་མ་མཐོང་གདུང་བའི་གནས།།
འགྲོ་བ་འདྲེན་མཛད་ཕྱག་སྟོང་སྤྱན་སྟོང་པ།།
སེམས་ཅན་དུཿཁཾའི་རྒྱ་ལས་འདྲེན་དུ་གསོལ།།
ཨ་ལ་ལ་ཧོ།
ཨ་ལ་ལ་ཧོ།
ཨ་ལ་ལ་ཧོ།

ད་སྐབས་རིག་གནས་སྣ་ཚོགས་ཀྱི་དུད་སྤྲིན་བར་མེད་དུ་དཀྲིགས་དྲགས་པས། དད་སེམས་དང་ཞེན་ཆགས་ཀྱིས་རུམ་པའི་གཙུག་ལག་མང་པོ་ཞིག་ཀྱང་གང་དུ་ཡལ་འགྲོ་བ། གང་ནས་ཡལ་འགྲོ་བ། ཇི་ལྟར་ཡལ་འགྲོ་བ་སོགས་ཆ་མེད་པར་རྡོ་ཐོག་བ་མོ་ལྟར་འགྱུར་བཞིན་འདུག་པས། རང་རེ་ལ་མཚོན་ན་པོད་ཕྲན་ཆེ་མ་ཆུང་སྣ་ཚོགས་སྒོ་ཕྱེ་སྟེ་ཡི་གེ་འདི་ཉིད་ཀྱི་གཟུགས་རིས་རེ་འགྲེམས་པའང་རང་ཉིད་མི་མངོན་པའི་དབྱིངས་སུ་ཡལ་བཞིན་པ་ཤེས་ཕྱིར་དུ་ཡིན་ན་འགྲིག་འདུག་སྙམ་ཞིང་། ཡང་ན། རང་གི་དབྱིབས་དང་ཁ་དོག །གཟུགས་དང་སྐྱེ་མཆེད་དག་ལ་གཅེས་སྤྲས་བྱ་ཆེད་དུ་ཡིན་ཟེར་ན་མི་ཆོག་རྒྱུ་ཅི་ཡང་མི་འདུག་སྙམ། དེ་བས། གྲངས་ཉུང་ཞིང་འཁོས་ཀ་ཞན་པའི་དབྱངས་གསལ་བཀོལ་མཁན་དག་རློམ་སེམས་ཀྱིས་འགྱིངས་ཏེ་མ་བཞུགས་པར། ཕན་ཚུན་སེམས་རྩ་འཁོལ་པོས་བོད་ཡིག་གི་ཞབས་མཆན་བཀོད། བོད་ཡིག་སྤེལ་བ་དག་ལ་མོས་རྡེབ་དང་བརྒྱུད་སྐུར་བྱས། རང་གིས་ཀྱང་ཤེས་ཚོད་ཀྱིས་བོད་ཡིག་རེ་སྤེལ་ཏེ། པོད་ཕྲན་འདི་ནས་ང་ཚོའི་ལང་ཚོ་དང་རྨི་ལམ། དགའ་སྡུག་དང་སྐད་ངག་མངོན་པར་བྱས་ན་གང་འདྲ་འདུག །ཤ་ཉེ་ཚོ། རུས་ཉེ་ཚོ།