有「咪神教主」稱號的前無綫監製張志明，因為其製作的旅遊節目《3日2夜》、《娛樂新聞台》和《食平D》系列等節目，而捧紅不少咪神，如今教主過檔，其愛將紛紛追隨左右，並為張志明正製作的本地版《3日2夜》火辣上場！

以拍旅遊節目響朵的張志明，有見疫情一直未能通關外遊，為解觀眾「睇咗當去咗」的旅遊心態，他正籌備本地STAYCATION版《3日2夜》，由「D級牛雜妹」李亦喬、「索爆人妻」林泳淘等上陣，以火辣泳裝於靚酒店歎SPA，陪觀眾「宅過夜」。
眼睛可以去旅行同時，張志明亦顧及到要留家開餐不知煮乜好的觀眾，於本月21日推出節目《疫境中的餐桌》，除有星級名廚張錦祥（Ricky）和林泳淘、林希靈等教大家如何留家抗疫期間，將儲糧中的冷凍食物和罐頭等炮製成美食外，張志明更憑他在無綫經典作《食平D》系列所帶來的對外關係，一聲號召便能成功與各區餐廳合作搞抗疫價「開電視套餐」，供市民以折扣價開餐。
不過《食平D》系列節目最近在無綫已變身為《煮‧野食》，然而節目遇上疫境需再由野外移師到主持人家中拍攝《全民居家煮嘢食》，由於兩個節目內容相似，對此張志明昨受訪稱：「有日同佢（主持人）助手傾開相關嘅事，點知冇耐無綫就推出類似節目，仲快過我哋出，真係多謝佢哋欣賞呢條橋，但我都希望無綫多番少少創意囉。」

家族榮耀．專訪｜39歲梁靖琪拍性感戲在意囝囝睇法：內心好多顧慮

現年39歲梁靖琪（Toby）在2019年與圈外男友施雋賢結婚，同年誕下大仔施睿文（Roman），去年更宣布懷上二胎，將會在今年4月迎接新生命，生活幸福美滿。不少女演員成為母親後，會令戲路受到很多限制，而榮升母親的梁靖琪產後復出依然選擇接拍床戲。無綫（TVB）熱播劇集《家族榮耀》，今日（11日）最新一集講述馬家四小姐馬昭慈（梁靖琪飾）受私生女身份影響，在家中沒有存在感，更成為親人陷害對象，使她與前男友的性愛影片流出。

榮升母親的梁靖琪產後復出後卻依然選擇接拍床戲。（陳順禎攝）

成為母親後，憂慮的事情會變多
Toby接受《香港01》訪問時，透露成為母親後拍攝床戲的心情：「作為母親的確有擔心床戲嘅部分，因為呢part可以推動劇情，所以自己有同先生傾過，而導演都話過冇太多尺度大嘅行為，淨係坐喺床到乜都見唔到，所以我都OK嘅。」被問到是否會再接拍性感戲份時，Toby表示要視乎情況而定，因為成為母親後，有很多事情需要擔心：「盡少緊係好啦，但係對於演員係唔可以介意太多。」

大仔Roman只有兩歲，但是隨着小朋友長大對不同事情都會有獨到的想法，Toby被問到接拍性感戲份時，會否在意兒子長大後對自己的看法時，她說：「如果我接咗呢啲劇，我會解釋畀佢聽，因為而家好多小朋友都分唔清現實同虛擬，做咗媽咪同太太之後內心好多顧慮，有啲嘢唔適當嘅時候，自己都唔會太想做」。

被問到是否會再接拍性感戲份時，Toby表示要視乎情況而定。（陳順禎攝）

在劇集中Toby飾演馬昭慈一角，為了得到父親的認同而修讀自己沒有興趣的商科，現實中Toby父親梁家樹是圈中有名的監製及導演，她與馬昭慈一樣受到了父親影響而入行，不同之處是Toby對演戲抱有熱情而渴望成為演員：「由細到大都睇爸爸佢哋拍戲，自己覺得好得意，我想入呢行係因為我想令到觀眾開心，所以好想做呢件事，於是我選擇入行，其實我爹哋媽咪唔係好鍾意我做呢行，但係佢哋都支持我追尋自己嘅夢想」。

Toby對演戲抱有熱情而渴望成為演員。（陳順禎攝）

唔恨做女主角
Toby於2004年出道，入行至今已有18年，她主要飾演二、三線角色，甚少在劇中擔任女主角，不少網民認為梁家樹執導的劇集棒紅了不少演員，Toby作為他的女兒，出道至今出演多部由爸爸拍攝的作品，卻未能躋身一線女星，實際上「不願上一線」的說法更適合Toby：「我已經覺得自己好好，我唔係要做女主角，其實二、三線角色好有發揮空間，我係因為熱情而去拍戲，只要演技每年有進步，我已經好滿足。同埋，你望到阿佘咁好，好有女演員風範，但係我就覺得咁樣好辛苦。」她以好友佘詩曼為例，雖然登上女一位置，但是經常見到她辛苦的模樣，令Toby深深感受到作為女主角的壓力是非常巨大，而Toby這種壓力會令她喘不過氣來，因此她認為二、三線角色是非常適合自己飾演：「我見到阿佘咁就覺得辛苦。」

「不願彈上一線」的說法更適合Toby。（陳順禎攝）

Toby作為導演梁家樹之女，經常會收到網民的批評，認為她有爸爸這個靠山才能參演劇集，這些言論曾經成為她的包袱，認為自己影響到爸爸，為此Toby感到內疚還萌生了轉行的想法，她當時不斷思考：「成日俾人鬧，自己都諗係唔係真係咁冇價值？其實一個人出世都係為咗尋找自我價值」。因此Toby嘗試過不同行業，如侍應、游水教練、英文老師等等，接觸不同新事物後，令Toby改變了很多固有的想法，更放下觀眾付諸給她的包袱。現在Toby不會理會這些言論，認為只要自己在演技上有進步，觀眾就會對她刮目相看，她更高興地分享：「以前大家都會叫我做梁家樹個女，而家佢哋會叫我梁靖琪，觀眾真係有睇到自己嘅努力，非常感恩」。

點擊下圖觀看更多Toby靚相：

#梁靖琪[超话]#

頭條獨家丨黃宗澤蠔吧餐廳損失過百萬 疫情下生意難做家燕姐狂呻

第5波疫情未見頂，大部份藝人冇工開，就算經營副業嘅藝人生意都失守，雪上加霜，叫苦連天。經營蠔吧餐廳已經3年嘅黃宗澤(Bosco) 索性由上月21日開始停業到3月7日，損失過百萬；至於家燕媽媽藝術中心為咗學員安全都停咗實體課，不過家燕姐係良心僱主，仍全數支薪畀員工，暫時損失6位數字，家燕姐嘆咗一口氣說：「慶幸校址係自己物業唔使傷到入肉。」採訪：方騫平 攝影：葉君海

有啲損失 疫情下黃宗澤都有損失。

培育人才 家燕媽媽藝術中心培育唔少人才。

黃宗澤經營的蠔吧餐廳之前因為有員工家屬中招，諗住關門7日大消毒求安心，但眼見疫情愈加嚴重，就算只做外賣，員工返工都有危險，臨時決定再關門多一星期，他用輕鬆語調無奈笑住說：「裁員就冇，希望業主可減租頂住先，家都冇辦法，佢哋扣吓假先，唔係點呀！不過，我啲員工真係好好呀，佢哋主動提出話『7日你(老闆)嘅，7日No Pay Leave。』等個疫情緩和再睇吓有乜可以諗，暫時冇嘢諗到。」

做生招牌黃宗澤落咗好多心機經營蠔吧餐廳，不時做生招牌。

停業兩周黃宗澤位於尖沙咀嘅蠔吧餐廳暫時停業兩周。

主攻生蠔黃宗澤的餐廳主打生蠔，有唔少圈中人幫襯。

問到疫情下損失多少？Bosco坦言：「過百萬(7位數字)實有啦，做生意梗係有賺有蝕，不過家疫情嚴重實難捱。」至於會否放棄他醉心嘅飲食生意？他有所保留：「過咗疫情再諗。」

停工抗疫目前正跟周秀娜拍緊寰亞劇《叠影狙擊》的黃宗澤，因為疫情要停工幾日。

全數支薪成為良心僱主

至於家燕姐省招牌嘅藝術中心暫停幾個星期實體課，只供網上授課：「因為好多小朋友嚟上堂時跳吓玩吓，未必會戴好口罩，容易互相感染，停止上實體課以策安全，而且都擔心啲同事返工啦，家最好留喺屋企，出入都要小心。」問到損失多少時？她即唞大氣唉了幾聲，然後說：「全部照出糧呀…唉…都冇辦法啦，損失6位數字又未到7位數嘅，好彩係自己物業冇咁傷囉…唉…不過行行都係咁冇辦法喇！個個都唔想嘅，我都係以安全健康為首，希望疫情盡快過去。」

合唱打氣家燕姐跟學員「港孩合唱團」合唱《信望愛2022》願香港人平穩渡過疫情。

望防疫基金照顧停業者

張美妮的老公黃國強（KK）是髮型屋老闆，擁有4間店鋪，至4月20日前處於停業階段的KK希望抗疫基金及業主減租可以幫補少少，但保守估計每月都要損失幾十萬：「家員工要停薪留職，呼籲政府喺『防疫抗疫基金條例』唔好揸得咁緊，尤其照顧埋一啲因為停業冇糧出嘅自僱員工，等佢哋有多啲保障，我有伙記停業搞到冇飯開，有啲中層員工要問我借糧嚟養妻活兒，佢哋真係好慘。」另外，Ben Sir(歐陽偉豪) 變成疫市奇葩，前年開辦「維園學堂」，去年開始搞網上課程進攻「Ben Sir網上讀書會」，招收小學至初中生。Ben Sir說：「呢兩個月收生激增3倍以上，感受到家長恐慌及發矛，所以家開辦埋《全民造師即慶故事創作演講師》，好似第3針疫苗咁當知識補充劑。」

唔煩老公張美妮唔擔心老公嘅髮型屋生意，作為女人都係專心湊女。

停三個月張美妮老公KK嘅髮型屋停業3個月，為安全故不主張員工於停業時上門幫人剪髮。

維園學堂Ben Sir搞網上課程成為疫市奇葩，他指專業人士最穩陣，就算商鋪執笠，會計師嘅工作都能堅守到最後。

盡量散貨張偉文經理人方俊經營3間花店，疫情下花墟生意一落千丈，只能盡量散貨套現養住一班舊同事。

轉減肥Plan啱啱經營美容院嘅亞視經理人林寶玉話焗住畀租，只好跟醫務所合作轉減肥Plan自救。

減租頂住「賈名媛」邱芷微與男友投資嘅藝術學院雖然唔係表列處所，但冇人敢上堂，好彩業主都肯減兩成租金，為期半年。

改三餸飯喺觀塘工業區開外賣燉湯嘅E-kids成員林詠倫(Alan)亦已停工並指有意改做三餸飯自救。

#黄宗泽[超话]#