༢༠༢༠-༨-༢༦ ཉིན་ནད་ཀྱིས་མནར་ཏེ་ཉལ་ས་རུ་ལྷུང་ནས་འཆི་ལ་ཉེ་བའི་ཨ་མ་རྒས་མོ་ཞིག་གིས་ང་ལ་འདི་ལྟར་བཤད་བྱུང་། ཁོ་མོ་མགྱོགས་ཙམ་ཤི་ན་ཏག་ཏག་རེད་མ་གཏོགས་བུ་རྒྱུད་འདི་ཚོས་ཉིན་མཚན་བྲེལ་ནས་ཁོང་ལ་ལྟ་གཏོགས་བྱེད་དགོས་པར་ཁོས་སེམས་ཀྱིས་མི་བཟོད་ཀྱི་ཟེར། ཁོང་གིས་ཁོ་མི་ན་དུས་དཀོན་མཆོག་ལ་གསོལ་བ་འདེབས་བཞིན་ཡོད་ལ། ན་དུས་ན་ཚ་འདིས་ལས་ངན་གྱི་སྡིག་སྒྲིབ་ཐམས་ཅད་དག་པ་དང་འགྲོ་བ་སེམས་ཅན་ཐམས་ཅད་ཀྱི་སྡུག་བསྔལ་བདག་ལ་སྨིན་པར་ཤོག་ཅེས་སྨོན་ལམ་འདེབས་བཞིན་ཡོད་ཟེར། སྐད་ཆ་འདི་ལ་ངས་ཧ་ལས་སོང་། མི་སྐྱ་ཞིག་གིས་བུ་རྒྱུད་ལ་དུང་བའི་བྱམས་བརྩེ། དཀོན་མཆོག་ལ་དྭངས་པའི་དད་པ། སེམས་ཅན་ལ་དམིགས་པའི་སྙིང་རྗེ། བདག་གཞན་བརྗེས་པའི་སྙིང་སྟོབས་དང་ལྡན་པའི་ཉམས་ལེན་འདི་ལྟ་བུ་མགོ་རིལ་ང་དང་ང་ནང་བཞིན་ཚོས་ངོ་མ་དཀའ་མོ་རེད་བསམས་བྱུང་། ངས་ཁོང་ལ་ཤི་བ་ལས་ཉིན་རེ་ཡང་གསོན་ན་དཀོན་མཆོག་གསོལ་འདེབས་བྱེད་ཆོག་ལ། བདག་གཞན་བརྗེས་པའི་ཉམས་ལེན་འདི་ནི་སྐབས་སུ་བབས་པའི་ཚོགས་བསགས་སྒྲིབ་སྦྱོང་ལ་ཆེས་མཆོག་ཏུ་གྱུར་པའི་ཉམས་ལེན་ཞིག་ཡིན་པས་དེ་ལྟར་དུ་གང་ཐུབ་བྱེད་དགོས་རབས་སོགས་སྐད་ཆ་གང་འཚམ་ཞིག་བཤད་ནས་ཁོང་དང་ཁ་བྲལ་་་་་་་་

བྱིས་སྒྲུང་ཡག་མོ་ནི་བྱིས་པའི་བློ་སྒོ་འབྱེད་པའི་ལྡེ་མིག་ལྟ་བུ་ཡིན། དཔེ་ཀློག་ལ་སྤྲོ་བ་ཡོད་པའི་མི་ཞིག་འགྱུར་དགོས་ན་ཆུང་དུས་ནས་བྱིས་པ་ལ་སྒྲུང་བཤད་པ་དང་བྱིས་སྒྲུང་ཡག་མོ་འདོན་རོགས་བཟོ་རྒྱུ་གལ་ཆེན་སྙམ། མདོར་ན་བྱིས་པ་ལ་དཔེ་ཆ་ནང་ངོ་མཚར་བའི་འཇིག་རྟེན་ཞིག་ཡོད་པའི་སྣང་བ་སྟེར་དགོས།

དེ་རིང་གི་སློབ་ཕྱིའི་ལྟ་ཀློག་སློབ་ཚན། ——《སིལ་ཁུ་ཤེལ་ཀྲིན》
འདི་ལ་བུ་མོ་ཟླ་བ་སྒྲོལ་མ་ཧ་ཅང་དགའ་པོ་བྱུང་ནས་ཐེངས་གཉིས་བཀླགས་རྗེས་སྒྲུང་འདི་མོ་རང་གིས་ཀྱང་གཞན་ལ་ཤོད་ཐུབ་པ་ཞིག་བྱུང་། ད་དུང་རྟག་པར་སློབ་ཚན་ནང་ནས་འཕྲད་སླ་བའི་ནས་ལས་འབྱུང་ཁུངས་ཀྱི་ཕྲད་ཀྱི་འཇུག་ཚུལ་ཁག་ཅུང་ཞིབ་ཕྲ་ཞིག་བཤད་པས་མོ་རང་གིས་རིགས་མཐུན་དགར་བ་དང་མི་མཐུན་དགར་བ་སོགས་ལ་དཔེར་བརྗོད་སྐད་གྲགས་ཅན་ཁ་ཤས་བཞག་སོང་བ་དེར་ངས་རང་བྲེད་དངངས་ནུག་ཅེས་བསྟོད་བསྔགས་བྱས་པ་ཡིན། དེ་ནས་ཁོ་མོས་དེང་སང་བོད་ཡིག་སྦྱོང་རྒྱུར་དགའ་ཞེན་སླེབས་ཚུལ་དང་དེ་སྔོན་བོད་ཡིག་ཧ་ལམ་བློས་བཏང་ནས་ཏོག་ཙམ་མ་གཏོགས་རྒྱ་རིགས་འཛིན་གྲྭར་འགྲོ་གྲབས་བྱས་ཚུལ་སོགས་ང་ལ་བཤད། གཞན་ཡང་སློབ་ཚན་ནང་“གདའ“ཞེས་པ་ཁ་ཤས་ཡོད་པ་དེ་”འདུག”ལ་བཅོས་རྒྱུ་ང་རས་བརྗེད་འདུག་པས་སློབ་ཚན་གྲོལ་དུས་མོ་རང་གིས་ང་ལ་མི་གདའ་མི་གདའ་ཡིན་ན་གཅིག་ཟེར་གྱིན་འདུག་པས་ངའི་སེམས་ལ་བཤད་མི་ཤེས་པའི་ཚོར་སྣང་ཡ་མཚན་ཅན་འགའ་བྱུང་།