见者去除诸障碍， 信者降下福慧！
遍知笃布巴大师圣像！大家许多转发功德无量ཇོ་ནང་༧ཀུན་མཁྱེན་ང་འདྲ་མ་འདི།

མཐོང་བས་མུ་ལ་འགལ་རྐྱེན་མཐའ་དག་སེལ། དད་པའི་མི་ལ་བསོད་ནམས་ཡེ་ཤེས་འབྱུང་། https://t.cn/A6xeDJez

༼༨༽
ཁྱེད་རང་ནི་
སེམས་ཀྱི་གསང་བ་ཐ་དག
སྙིང་གཏམ་ཡོད་ཚད་
མ་ལུས་པར་ཞུ་ས་ཡིན་ལ།

འུ་གཉིས་ཁ་གྱེས་ནས་བཟུང་
ངའི་ནང་སེམས་སྡུག་བསྔལ་
སྐྱོ་གདུང་གི་ན་བུན་
ཀུན་པོ་ཤོག་ངོས་ཞིག་ལ་བྲིས་ཏེ་
རང་ཉིད་ཀྱི་སེམས་པ་གསོ་ཐབས་བྱས་བ་ཡིན།

སྤྲང་འཁྱམས་ཚུལ་བྲིས་ལས་བཤུས།

རྒྱང་རིང་ལྷ་རྫིང་སྔོན་མོའི་ཉེ་འདབས་ཤིག་ཏུ།།
ལྟོ་ཁྲག་འཕོས་བའི་ཡུལ་ལུང་རྗེས་ཤུལ་དྲན་ན།།
གསར་སྐྱེས་མེ་ཏོག་རྐང་གཉིས་གཞོན་ནུ་དེ་ཡིས།།
རྩེད་རྭའི་ནང་གི་སྤྲོ་ཉམས་མཚར་སྡུག་དྲན་སོང་།།

སྔོན་བསགས་ལས་ཀྱི་རྣམ་སྨིན་དགེ་བའི་འབྲས་བུ།།
གོམ་ཁ་སྤོ་བའི་ཤེས་བྱ་རེག་ཙམ་ཤེས་རྗེས།།
མདོ་སྨད་ཆོས་ཁུངས་ཀུན་མཁྱེན་གདན་ས་ཉིད་དུ།།
ཐོག་མར་མཇལ་བའི་སྐལ་བ་བཟང་བོ་འཆར་སོང་།།

ཆུང་ངུའི་དུས་ནས་ལུས་སྦྱིན་ཕ་མས་དྲུང་དུ།།
ཕྱུགས་རིགས་གསོ་སྤེལ་ཞིང་པའི་ཤེས་བྱ་ཕྲན་བུ།།
དང་དུ་བླངས་པའི་བྱིས་དུས་སྦྱངས་འབྲས་དྲན་ན།།
ངུ་མ་དགོད་ཀྱི་འཚོ་བའི་མཛེས་སྡུག་བཀྲ་བ།།

དེང་དུས་སྐྱེས་པོ་ཀུན་དང་མཚུངས་པའི་ཁག་གཅིག།
ཞོ་འཐུང་རྣམས་ཀྱིས་སྦྱང་བར་བྱ་བའི་སློབ་ཁྲིད།།
འགྲོ་ཁུལ་བྱས་ཀྱང་ཡིད་དུ་ཅི་ཡང་མེད་པ།།
རྣ་བའི་ཐོས་ཀྱང་སེམས་སྒོ་འབྱེད་མེད་ཁྱད་ཆོས།།

ལྡོག་ཏུ་མེད་པའི་ལས་དབང་རྒྱལ་མོའི་བཀའ་དེ།།
ནམ་མཁའི་ཐོག་མདའ་བཞིན་ཏུ་དབང་མེད་འཆར་དུས།།
ཕ་མ་ཕུ་ནུ་ཉེ་འབྲེལ་ཡོངས་སུ་རྫོགས་པ།།
སྐྱུར་ཅིང་ས་མཐར་འགྲིམ་པ་སྔོན་བསགས་འབྲས་རེད།།

ཆོས་སྒོ་ཞུགས་ཏེ་མཚན་ལྡན་བླ་མའི་དྲུང་དུ།།
རབ་ཏུ་བྱུང་ཞིང་དམ་ཆོས་མང་དུ་ཐོས་པ།།
སྤྲང་མཁྱམས་བདག་གི་ཉུལ་བའི་ཚུལ་དེ་དང་པོ།།
བཀྲ་ཤིས་མེ་ཏོག་དཀར་པོ་འདི་ནས་ཐོར་སོང་།།

གནས་ཀྱི་བླ་མ་ཡང་དག་དགེ་བའི་བཤེས་གཉེན།།
མཇལ་ཅིང་མ་རིག་དྲི་ངན་བྱུགས་པའི་ང་ལ།།
བརྩེ་བ་སྙིང་རྗེའི་ཆེན་པོས་རྗེས་སུ་བཟུང་ཏེ།།
འཁྲུལ་བྲལ་ཡང་དག་ལམ་ལ་འགོད་པ་འདི་དགེའོ།།