༈ དུས་རབས་ཉི་ཤུ་པར་བྱོན་པའི་ཉག་རོང་གི་གཏེར་ཆེན་གཉིས་ཀྱི་དངོས་པར། གཏེར་ཆེན་རང་རིག་རྡོ་རྗེའམ་ཨོ་རྒྱན་སྐུ་གསུམ་གླིང་པ་ནི་ཉག་རོང་ཐང་སྐྱར་འཁྲུངས། ལོ་ཆེན་བཻ་རོ་དང་སྨིན་གླིང་གཏེར་ཆེན་གྱི་རྣམ་སྤྲུལ། ཉག་བླ་པདྨ་བདུད་འདུལ་གྱི་ཐུགས་སྲས་རྡོ་རྗེ་བཅུ་གསུམ་ལས་གཙོ་བོ་ཡིན། གཏེར་ཆེན་ལས་རབ་གླིང་པ་ཕྲིན་ལས་མཐའ་ཡས་རྩལ་ནི་གུ་རུའི་ཐུགས་སྲས་ལས་ཅན་སྙིང་གི་བུ་དགུའི་ཡ་གྱལ་སྣ་ནམ་རྡོ་རྗེ་བདུད་འཇོམས་ཀྱི་རོལ་གར་༧ རྒྱལ་དབང་བཅུ་གསུམ་པ་ཆེན་པོའི་དབུ་ཡི་བླ་མར་བཀུར་བ་ཞིག་ཡིན་ནོ། །[合十][合十][合十][玫瑰][玫瑰][玫瑰]

༈ ཡང་དར་བསྟན་པ་དབུ་བརྙེས་སྐབས་ཏེ། སྤྱི་ལོ་ ༡༩༧༩ ལོའི་གཡུ་ཐོག་ཚེས་བཅུ་བསྐྱར་འཛུགས་ཐོག་མའི་ཉིན་གྱི་སེར་ཕྲེང་ཐོག་མར་གནང་སྐབས་སུ། དགོན་འདིའི་དགེ་སྐོས་རྒན་པ་བླ་མ་ཀརྨ་ཀུན་ཁྱབ་ཀྱིས་སེར་ཕྲེང་གི་སྣ་འཁྲིད་མཁན་དང་། རྡོ་ཤུགས་འབྱུང་དགོན་པའི་མུ་ར་ཀུན་བརྟན་ཟེར་བས་རྟིང་ནོན་བྱས་ཏེ་སེར་ཕྲེང་བྱོན་པ་ན། དེར་ཡོད་པའི་མི་རྒན་བསམ་ཤེས་ཀུན་གྱིས་མ་བགྲོས་མགྲིན་གཅིག་ཏུ། རྡོ་གཡུ་ཐོག་དགོན་པ་སྔར་ལས་ཀྱང་ཤིན་ཏུ་དར་བར་འགྱུར་ས་རེད། དེ་རིང་ཐོག་མའི་སེར་ཕྲེང་གི་མགོ་ཀུན་ཁྱབ་དང་མཇུག་ཀུན་བརྟན་རེད་ཟེར་ནས་ཐམས་ཅད་ཀྱིས་ཧ་ཅང་དགའ་བོ་བྱས་པར་གྲགས། འདི་ནི་བྱུང་བ་ངོ་མཚར་བ་ཞིག་ཡིན་པ་འདྲ། ཧ་ཧ་་་་་

གཡུ་སྙུག་གིས་སྤེལ།

བྱ་བ་འདྲ་མིན་སྣ་ཚོགས་ལ་འཇུག་པར་ཚོད་ལྟ་བྱས་ཡོང་ན། རིགས་ཁ་ཤས་ནི། སྒྲུབ་སླ་བའམ་རང་ལ་དེ་སྒྲུབ་པའི་འཇོན་ནུས་ཡོད་འདུག་སྙམ་པའི་སྣང་བ་སྐྱེ་མོད། གཟབ་ནན་མིན་པ་དང་སློབ་གཉེར་གྱི་ནུས་སྟོབས་ཞན་དྲགས་པས་ཡིན་པ་འདྲ་སྟེ། སྒྲུབ་པའི་འཇོན་ནུས་ལྡན་བཞིན་དུ་དཀའ་ལས་ཉུང་ཙམ་ལ་གདོང་གཏད་མ་ནུས་པར་ཡོད་ཚད་འཐུས་ཤོར་དང་སྣང་མེད་དུ་བཏང་འགྲོ། དེ་ནི་རིན་པོ་སྣ་བདུན་གྱིས་གང་བའི་གཏེར་ཁ་ཆེན་པོ་ཞིག་སྔོན་འདོན་བྱེད་མ་ནུས་པར་ཕྱིར་བྱུང་བཞིའི་འཇིགས་པར་རིམ་གྱིས་འཐིམ་བཞིན་པའི་ངང་ཚུལ་དང་འདྲ་བས། གསེར་རྐོ་བའི་བདག་དབང་རང་ལ་ཡོད་ཀྱང་། གསེར་བརྐོ་མ་ནུས་པ་ནི། ནང་སེམས་སུ་ཤེས་རིག་གི་ནོར་གྱིས་ཡོངས་སུ་དབུལ་བའི་དབུལ་བོ་བདག་ལྟ་བུ་ཞིག་ལ་མཚོན་ན། ཤིན་ཏུ་ཡིད་ཕངས་པའི་གནས་ཤིག་རེད། མི་བུ་འཇོན་ནུས་ཅན་དག་ནི། རང་ཉིད་ཀྱི་མི་མངོན་པའི་ནུས་པ་ཡོད་ཚད་སྔོན་འདོན་བྱས་ཏེ། གསར་གཏོད་དང་འཚོལ་སྙེག་གི་ཁྲོད་ནས། ནོར་འཁྲུལ་དང་ཕམ་ཁ་གྲོགས་སུ་བསྒྱུར་བཞིན་གཟི་བརྗིད་དང་རྒྱལ་ཁའི་ངང་ན་གསོན་བཞིན་ཡོད་ནའང་། བདག་ལྟ་བུས་ནི། རད་ཉིད་ཀྱི་བག་ལ་ཉལ་བའི་འཇོན་ནུས་ཡོད་ཚད་རྩལ་འདོན་བྱས་ཏེ། ཚེ་སྲོག་ལ་གསོན་ཤུགས་སྣོན་ཐུབ་པ་ཕར་ཟད། ཐ་ན་ལན་ལེན་དང་འཚོལ་སྙེག་གི་ཁྲོད་ནས་ཕམ་ཁ་ཉོ་བའི་གོ་སྐབས་ཙམ་ཡང་རག་ཐུབ་ཀྱི་མེད། དེ་ནི་ཕམ་ཁ་ལས་ཀྱང་ཆེས་ཆེ་བའི་ཕམ་ཁ་སྟེ། དཀའ་སྡུག་ཕམ་ཉེས་ཀྱི་དགྲ་བོར་ཕར་རྒོལ་བྱེད་པའི་གཡུལ་སར་ཞུགས་པ་ན། བརྩོན་འགྲུས་ཀྱི་དཔའ་སྟབས་བསྐྱེད་དེ། ཤེས་རབ་ཀྱི་རལ་གྲི་གནམ་ལ་འཕྱར་ཐུབ་པ་ལྟ་ཞོག ཡར་ཚུགས་ཐུབ་ཀྱིས་འགྲེང་བའི་ནུས་སྟོབས་ཙམ་ཡང་མེད་པར་ཕམ་ཁ་ཉོས་པ་དེའོ།།