མཚན་གྱི་བྱ་ར།

མི་སྡུག་ཀེང་རུས་བསྒོམས་པས་མིན།།
འདོད་ཡོན་སྐྱོན་མཚང་ཐོས་པས་མིན།།
མཉེན་པོ་མཐུ་བས་མ་ཞིག་པའི།།
མངོན་གྱུར་ཆགས་པར་ཁ་ལོ་མེད།།

ཁ་ཡི་བྱམས་པ་རྡོག་རིལ་བཏང་།།
བཟོད་པའི་རྒྱུན་ཐག་དུམ་བུར་བཅད།།
ང་དང་ངའི་སྙམ་ང་རྒྱལ་གྱིས།།
དབང་བསྒྱུར་ཁོང་ཁྲོ་ངོས་མ་ཟིན།།

ལོ་དང་ཟླ་བས་མ་ཐུབ་ཅིང་།།
སད་དང་སེར་བས་མ་རྒོལ་བའི།།
ཁེངས་གཞི་མ་གྲུབ་ཁེངས་པ་ཞིག།
མི་མངོན་འཇབ་པའི་ཚུལ་གྱིས་ལྟ།།

མིག་དང་རྣ་བ་ཡིད་དག་གི།།
བུ་ག་ཡོད་པས་མ་ཕན་ཅིང་།།
བླང་དང་དོར་བྱའི་དེ་ཉིད་ལ།།
རྨོངས་པ་མ་རིག་གང་གིས་སེལ།།

༢༠༢༢.༡༢.༡ ཨ་ཡིག་དཀར་བོས།

༼ཨོ་རྒྱན་རིན་པོ་ཆེའི་དུས་ཆེན།༽
莲师荟供日[鲜花]

愿世界和平、
安乐吉祥

སློབ་དཔོན་ཉིད་ཀྱི་ཞལ་ནས།
莲花生大师亲谕：

ཡར་ངོ་ཚེས་བཅུ་དུས་སུ་དངོས་སུ་བྱོན།།
འགྲོ་དོན་སྟོབས་ཆེན་མཛད་པའི་ཐུགས་རྗེ་ཅན།།
ཞེས་དང་།

每个月初十，
我都会来到人间。

ཁྱེད་ལ་དད་པའི་སེམས་ཡོད་ན།།
པད་འབྱུང་གཡས་གཡོན་དག་ན་ཡོད།།

给我你的心，
我将永远在你左右。

ཉེ་ལམ་རྒྱ་བརྒྱུད་ནང་བསྟན་ནས་བོད་ལ་དར་བའི་ལམ་སྲོལ་གསར་པ་ཉེར་གཅིག

གཅིག དགོན་པ་རེ་ལ་སྒོ་ཆེན་རེ་ཡོད་པ།

གཉིས། ངག་བཅད་ཟེར་བའི་བྱང་བུ་རེ་སྐེ་ལ་འདོགས་པ།

གསུམ། ཆོས་པ་ཡིན་མིན་གྱི་ཚད་གཞི་ཤ་ཟ་མིན་གྱིས་འཇོག་པ།

བཞི། རང་སྡེའི་ཚོགས་ཀྱི་མིང་བཀོད་པའི་ཁུག་མ་རྒྱབ་ཏུ་ཁུར་བ།

ལྔ། ཉེ་སྲས་བརྒྱད་ལས་ས་ཡི་སྙིང་པོ་ལ་རབ་ཏུ་དད་པ།

དྲུག མཆོག་ཐུན་གྱི་དངོས་གྲུབ་སྒོར་མོས་ཞུ་བ།

བདུན། ཆོས་གསུང་པའི་བརྡ་ཐོ་སྤྱི་ཚོགས་སུ་དགྲམ་པ།

བརྒྱད། ལྷ་སྐུ་རེ་རེའི་མདུན་དུ་སྒོར་མོ་འབུལ་སའི་ཡོན་སྒམ་ཡོད་པ།

དགུ། ལྷ་གཉེར་བས་དུས་ཐོག་མ་གཏོགས་ལྷ་ཁང་སྒོ་མི་ཕྱེ་བ།

བཅུ། སྦྱིན་བདག་ཆེན་པོ་ཚོས་རྟེན་གསུང་བྱིན་ཆེན་ཚོ་ལ་མཇལ་ཁ་རེག་པ།

བཅུ་གཅིག ནང་དུ་དོར་མ་གྱོན་ནས་ཕྱི་ལ་ཆོས་གོས་གསོལ་བ།

བཅུ་གཉིས། སངས་རྒྱས་བྱང་སེམས་ལས་ནོར་ལྷ་མཆོག་ཏུ་འཛིན་པ།

བཅུ་གསུམ། ཉིན་བདུན་རེ་ནས་ངལ་གསོ་ཉིན་རེ་ཡོད་པ།

བཅུ་བཞི། དགོན་པའི་ནང་ཆོས་དབྱངས་ཀྱི་སྒྲ་སྐད་ཆེན་པོ་རྒྱང་བསྒྲགས་བྱེད་པ།

བཅོ་ལྔ། བླ་མས་བཀའ་ཆོས་གསུང་རྗེས་སློབ་མས་ཐལ་སྒྲ་རྡེབ་པ།

བཅུ་དྲུག དགོན་པས་རིམ་གྲོ་བྱེད་ཡིན་ཟེར་བའི་གསར་བརྡ་ཡོད་པ།

བཅུ་བདུན། ལྷ་ཁང་ནང་བྱིན་རྟེན་ཚོང་ཁང་ཡོད་པ།

བཅོ་བརྒྱད། ལྷ་ཁང་གི་མདུན་དུ་སྤོས་ཕོར་འཇོག་པ།

བཅུ་དགུ། བླ་མ་ཚོས་སློབ་མ་ཕར་འཚོལ་བ།

ཉི་ཤུ། དགོན་པའི་ནང་རྒྱུན་ལས་ཟེར་བའི་ཚོགས་པ་ཡོད་པ།

ཉེར་གཅིག མཆོད་སྟེགས་ནང་གློག་གི་སྒྲོན་མེ་ལས་མར་གྱི་མཆོད་མེ་མེད་པ།