࿑རྣམ་རྟོག་ཅིག་འཇིག་རྟེན་བྱེད་པོ་བཞིན།
ཡོད་ཚད་ལ་བཀོད་འདོམས་བྱས་སོང་བ་འདྲ།
རྣམ་རྟོག་དེ་ང་ལ་སྡང་སེམས་སྐྱེས་སོང་བ་མིན་ནམ།
སད་པའི་ཚེ་ན་ང་ལ་དྲན་གདུང་དང་གཉིད་པའི་ཚེ་ན་རྨི་ལམ་ལས་ཀྱང་འཇིགས་སྣང་ཞིག་བྱིན་སོང་།
རྣམ་རྟོག་དེ་ནི་ཐ་ན་གཉིད་ཀྱང་མི་ཁུག་པའི་སེམས་རྒྱུད་ཀྱི་འདྲེ་གསོན་པོ་དེའོ།། ༢༠༢༢ སྤྱི་ཟླ་ ༡༢\ ༧\ ཆུ་ཚོད་༣:༥༩ རྨ་པྲཛྙཱ་ནས།

མཛངས་མའི་ཐུགས་དང་བསྟུན་ན།
ཚེ་འདིའི་ཆོས་སྐལ་ཆད་འགྲོ།
དབེན་པའི་རི་ཁྲོད་འགྲིམསན།།
བུ་མོའི་ཐུགས་དང་འགལ་འགྲོ།

曾虑多情损梵行
入山又恐别倾城
世间安得双全法
不负如来不负卿

宇宙运转的方式就是不断从一个瞬间迈向下一个瞬间，
没有某个瞬间是其它瞬间的原因，

宇宙只关注当下这个时刻和其状态，
既不瞄准将来的什么目的，也不依赖过去的历史，

所以谁能解答生命的意义，
我们本就活在一个没有原因和结果的世界里

ཟླ་གཉིས་གསུམ་ཙམ་གྱི་ཡ་སྔོན་དུ། ངེད་གཞིས་ཁུལ་དུ་གར་ཡོང་མི་ཤེས་པའི་ཁྱི་ལྡོམ་སྐོར་ཞིག་སླེབས་འདུག་པས། གཞིས་བདག་གིས་ངེས་པར་ཅིག་ལ་བདའ་དགོས་བསམ་ནས་ཚོད་ལྟ་ཡང་ཡང་བྱས་ཀྱང་། མཇུག་མཐར་ངལ་བ་འབྲས་མེད་དུ་ལོག་སོང་བས་ཁྱི་ལྡོམ་དེ་དག་སྔར་བཞིན་གང་སར་རྒྱུ་བཞིན་འདུག་ལ། གྲངས་ཀ་ཡང་སྔོན་གྱི་གཉིས་གསུམ་ཙམ་ལས་རྗེས་ནས་ལྔ་དྲུག་ཙམ་ལ་སླེབས་འདུག དང་ཐོག་གཞིས་ཁུལ་དུ་སྡོད་པའི་འབྲོག་པ་སྐོར་ཞིག་གིས་ཀྱང་ཁྱི་ཞིག་ཡིན་ན་ཉེན་ཁ་ཆེ་ཚུལ་གྱི་སྒྲུབ་བྱེད་མང་པོ་བཀོད་ནས་སང་ཉིན་གཞན་ཞིག་ལ་བདའ་དགོས་པ་དང་། ལྷག་པར་བྱིས་པ་དག་གི་བདེ་འཇགས་ལ་ཉེན་ཁ་ཧ་ཅང་ཆེ་བའི་ད་ལྟ་ཉིད་དུ་ཅིག་ལ་བདའ་དགོས་པའི་བསམ་ཚུལ་མང་པོ་བཏོན་བྱུང་ལ། གང་ལ་བདའ་དགོས་པའི་སྐོར་ལའང་གྲོས་ཁ་ཡང་ཡང་བསྡུར། འོན་ཀྱང་མཇུག་མཐར་བསམ་ཚུལ་དེ་དག་ཀྱང་ཆུ་ནང་ལ་གཡག་བཏང་བ་ལྟར་གར་སོང་ཆ་མེད་དུ་གྱུར་སོང་བས། ཁ་སང་དེ་རིང་ལ། ཁྱི་ལྡོམ་དེ་དག་གི་གྲངས་ཀ་ནི་སྔར་ལས་ཀྱང་མང་པོ་ཅིག་ལ་སླེབས་འདུག་ཀྱང་། དེ་དག་ལ་དོ་སྣང་བྱེད་མཁན་གྱི་མི་ནི་ད་ལྟ་ཉིན་མོའི་སྐར་མ་བཞིན་གཅིག་ཀྱང་མི་འདུག་པས་ཁྱི་ལྡོམ་དེ་དག་ཀྱང་གང་འདོད་དུ་རྒྱུགས་བཞིན་འདུག དོན་ལ་ཁྱི་ཟེར་དགོས་པའང་མིན་པ་འདྲ། དེ་དག་ལ་ཧྭ་པ་ཟེར་བའི་ཐ་སྙད་དེ་འབྱར་ན་སྔོན་ལས་ཀྱང་འཕྲོད་པོ་འདུག ཧྭ་པ་ཟེར་བའི་ཐ་སྙད་དེ་འབྱར་ན་དོན་ལའང་གནས་པ་འདྲ། འོན་ཀྱང་། ཧྭ་པ་དེ་དག་གི་ཟུག་སྐད་ནི་འབྲོག་ཁྱི་ཞིག་དང་ཁྱད་པར་ཆེན་པོ་མི་འདུག་པས། མཚན་མོ་སླེབས་ཐེངས་རེ་རེར་ངས་ནི་ཁོ་ཚོའི་ཟུག་སྐད་ཐོས་ཡོང་། ཁོ་ཚོའི་ཟུག་སྐད་ནི་ཏག་ཏག་མཚན་མོར་ཐོས་ཡོང་པའི་མཚན་མོ་ནི་ཁོ་ཚོ་ལ་དབང་བའི་དུས་ཚོད་ཡིན་པ་འདྲ། མཚན་མོར་ཐོས་ཡོང་བའི་ཟུག་སྐད་ལ་ང་རང་ཅུང་དགའ་པོ་འདུག སྙིང་ཉེ་བོ་ཞིག་ཀྱང་འདུག ངའི་བསམ་པའི་ནང་དུ་ཁྱིའི་ཟུག་སྐད་དེ་མཚན་མོར་ཐོས་ཡོང་པ་ནི་རེ་བ་གང་ཞིག་སླར་སོས་པ་ལྟར་ཡག་པོ་མཐོང་གི་འདུག་པས། ད་ནུབ་ཀྱང་ཁྱིའི་ཟུག་སྐད་ཁྲོད་ནས་གཉིད་དུ་ཡར། བསྲུང་བྱ་གང་ཞིག་བསྲུང་དགོས་པའི་རྣམ་འགྱུར་ཆེས་ལེགས་ཤས་ནི་འགན་འཁྲི་གང་ཞིག་འབོར་མ་མྱོང་བའི་མཚན་མོ་དེ་དག་གི་ཟུག་སྐད་རེ་རེ་ཡིན། [鲜花]