རྣམ་དག་ཚུ༵ལ་ཁྲི༵མས་གཙང་མའི་ཡོན་ཏན་དང་།།
གཞན་ཕན་བྱང་ཆུབ་སེམས་ཀྱི་བློ༵་གྲོ༵ས་རྒྱས།།
འཆད་རྩོད་རྩོམ་ལ་ཐོག་མེད་གཉིས་པ་ཞེས།།
བསྟན་དང་བསྟན་པའི་བདག་པོ་མངའ་གསོལ་ལོ།།

རྒྱལ་བསྟན་སྤྱི་དང་ནང་རྒྱུད་ཡོ་ག་གསུམ།།
འཛིན་སྐྱོང་སྤེལ་ལ་གསང་བདག་གཉིས་པ་ཞེས།།
སྙན་པས་ས་སྟེང་ཁྱོན་ཀུན་ཡོངས་གང་བའི།།
རྒྱུད་སྡེ་རྒྱ་མཚོའི་བདག་པོར་མངའ་གསོལ་ལོ།།

དེ་ལྟར་བདག་གི་བསམ་པ་རྣམ་དག་གིས།།
མངའ་གསོལ་གཟེངས་བསྟོད་ཇི་བཞིན་སྨོན་པའི་མཐུས།།
མི་མངོན་དབྱིངས་ནས་སྲས་བཅས་རྒྱལ་ཀུན་གྱིས།།
མཐུན་གྱུར་བྱིན་རླབས་མཆོག་ཏུ་ད་སྩོལ་ཅིག།

༧ཆོས་རྗེ་འཇིགས་མེད་བླ་མས་གསུངས།

མ་སྨད་ཚུལ་ཁྲིམས་དག་པའི་དབྱིག་གི་ནོར། །
ཡོན་ཏན་རིན་ཆེན་བྱེ་བའི་གཏེར་འཛིན་པ། །
རྒྱ་ཆེན་བློ་གྲོས་མཚུངས་པ་མེད་པའི་སྡེ། །
ངེས་དོན་གཤེས་གཉེན་ཆེན་པོར་གསོལ་བ་འདེབས། །

བླ་མ་རིན་པོ་ཆེས་བྱིན་རླབས་ཀྱི་ཆུ་རྒྱུན་སེམས་ཁུངས་ནས་རྡོལ་དེ་གནས་ལུགས་ཀྱི་རང་བཞིན་ཅི་ལྟ་བ་ཉིད་རྟོགས་ནུས་པར་གྱུར་ཅིག

ཕ་མས་བསམ་ཚད་བུ་ངས་མ་འགྲུབ་ཀྱང་།།
ལས་དང་རྒྱུ་འབྲས་མི་བསྣོག་སེམས་ལ་བཟུང་།།
ཤེས་རིག་ཡོན་ཏན་མཁས་པ་མེད་ན་ཡང་།།
བླ་མ་ལྷ་སྲུང་གཉིས་དེ་ངས་མི་སྨད།།

__ རྗེ་རིན་པོ་ཆེས།