ལན་རེར་བྱ་བཞག་རེར་འཇུག་འདོད་ཀྱང་། བྱ་བ་གང་དེ་འགྲུབ་པར་རང་ལ་ཡིད་ཆེས་དང་གདེང་ཚོད་དེ་ཙམ་མེད་པའི་རྐྱེན་བྱས་ཏེ། ཚོད་ལྟའི་གོ་སྐབས་ཙམ་ཡང་མེད་པ་ཆགས་འགྲོ། རང་སེམས་ནས་ཀྱང་རང་ལ་གདེང་ཚོད་མེད་པས། བྱ་བ་དེར་འཇུག་ཀྱང་འགྲུབ་མི་སྲིད་སྙམ་གྱི་ཡོད། འདུ་ཤེས་དེ་ནི། ཡར་རྒྱས་ཀྱི་བཀག་རྡོ་ཆེས་ཆེ་ཤོས་ཤིག་ཡིན་ས་རེད། ང་ཚོ་ཕལ་ཆེ་བ་ཡང་འདུ་ཤེས་དེས་བཟོས་པའི་ནག་དོང་ནང་དུ་ལྷུང་སྟེ། ཕྱིར་ཐར་གྱི་མེད་ས་རེད། དོན་ངོ་མར་བྱ་བ་དེ་འགྲུབ་པའི་ཡིད་ཆེས་དང་གདེང་ཚོད་ཆེན་པོ་བྱུང་ན། ད་གཟོད་ལས་དེར་འཇུག་པའི་མགོ་རྩོམ་དགོས་པ་མ་ཡིན་པར། དང་ཐོག་རང་ལ་ཡིད་ཆེས་གང་ཡང་མེད་ནའང་། འགྲུབ་དཀའ་བའི་ལས་དེར་འབད་བརྩོན་གྱིས་འཇུག་པའི་གོ་རིམ་ཁྲོད་ནས་ད་གཟོད་ཡིད་ཆེས་དང་གདེང་ཚོད་རྙེད་དགོས་པ་ཞིག་ཡིན་ས་རེད། ང་ཚོས་རྒྱུ་འབྲས་གོ་ལྡོག་སྟེ། ཡིད་ཆེས་དང་འཇོན་ནུས་ནི་རྒྱུ་དང་། བྱ་བའི་ལེགས་འགྲུབ་ནི་འབྲས་བུར་ལྟ་བཞིན་ཡོད་མོད། དོན་དམ་དུ་ལག་ལེན་ནི། རྒྱུ་དང་། ཡིད་ཆེས་དང་འཇོན་ནུས་ནི། བྱ་བར་འབད་འབུང་གི་ལག་ལེན་དེའི་ཁྲོད་ནས་ཞོར་འབྲས་སུ་ཡོང་དགོས་པ་ཞིག་ཡིན་པ་འདྲ། དེ་ལས་ཚབས་ཆེ་བ་ཞིག་ལ། རང་ལ་བྱ་བ་དེ་ཉིད་འགྲུབ་པའི་གདེང་ཚོད་དང་ཡིད་ཆེས་མེད་པ་ནི། བྱ་བཞག་དེར་གཡོལ་ཐབས་ཀྱི་ཁ་གཡར་ས་གལ་ཆེན་ཞིག་ཏུ་ཆགས་ཡོད་པ་དེ་རེད། ཁ་གཡར་ཐབས་ནི། དཔེར་ན། ངས་ནི་བྱ་བ་དེ་འགྲུབ་མི་སྲིད་ལ་འགྲུབ་པའི་རེ་བ་གང་ཡང་མེད། རྒྱུ་མཚན་རང་ལ་བྱ་བ་དེ་འགྲུབ་ནུས་པའི་ཡིད་ཆེས་གང་ཡང་མི་འདུག་ཟེར་བ་ལྟ་བུ་རེད། སྐད་ཆ་འདིའི་རིགས་ནི། ང་ཚོ་མང་ཆེ་བས་ཤིན་ཏུ་རྒྱུ་མཚན་ཞིག་ཡོད་མདོག་གིས་བཤད་མྱོང་ཡོད། འོན་ཀྱང་འདུ་ཤེས་དེ་འདྲ་སྐྱེས་པའི་སྐད་ཅིག་དེ་ཉིད་ལ། རང་གིས་རང་ལ་བསླུ་བྲིད་བཏང་བ་དང་། རང་གིས་རང་ཉིད་ནག་དོང་དུ་གཡུགས་པའོ།། བསམ་བློའི་ནག་དོང་དེ་ལས་ཐར་འདོད་ན་ནི། ལག་ལེན་གྱི་འབྲས་བུར་ད་གཟོད་ཡིད་ཆེས་དང་འཇོན་ནུས་འབྱུང་དགོས་པ་ལས། ཡིད་ཆེས་མེད་པ་དེ་ཉིད། ལེགས་འགྲུབ་མི་འབྱུང་བའི་རྒྱུ་རུ་སྨྲ་བ་ནི། དཀའ་སྡུག་དང་དུ་ལེན་པར་སྐྲག་པའི་གཡོལ་ཐབས་འབའ་ཞིག་ཡིན་པའི་ངང་ཚུལ་དེ། གསལ་བོར་ངོ་འཕྲོད་དགོས་པ་དེའོ།།

༄༅།།དེ་རིང་སློབ་མ་ཞིག་གི་དོན་དུ། ཁོ་རང་གི་ཨ་ཕ་སློབ་གྲྭར་ཕེབས། སློབ་མ་དེའི་ཨ་ཕས་ང་ལ། ང་ཚོའི་ཕ་ཡུལ་༼ དཔལ་ཡུལ་རྫོང་༽ལ་སློབ་གྲྭ་ནས་མཐར་ཕྱིན་ཏེ། ཕྱིར་འོང་མི་སློབ་མ་མང་པོའི་ཁྲོད་ནས། ཞིང་ཆེན་བོད་ཡིག་སློབ་གྲྭའི་སློབ་མ་ཕལ་ཆེ་བ་ནི། བསམ་པ་བཟང་པོ་དང་། སྤྱོད་པ་ཡག་པོ། ཡ་རབས་གུས་ཞབས་ལྡན་པ་ཞིག་རེད། དེར་བརྟེན། ངའི་བུ་འདི་ཡང་སློབ་གྲྭ་དེར་ཞུགས་ཐུབ་ན་སྙམ་ནས། མིང་ཐོ་བཀོད་དེ་རྒྱུགས་སྤྲད་པས་འཕྲོད་སོང་། བུ་སློབ་གྲྭར་ཞུགས་ཟིན་རྗེས། བུའི་ཨ་མས་གྲོང་རོགས་ཁྱིམ་མཚེས་དང་ངོ་ཤེས་རྣམས་ལ། ངའི་བུས་ཞིང་ཆེན་བོད་ཡིག་སློབ་གྲྭར་སློབ་སྦྱོང་བྱེད་ཀྱིན་ཡོད་རེད་ཅེས་ངོ་སོ་ཆེན་པོ་བྱེད་ཀྱིན་ཡོད། ཅེས་དང་། ཡང་ཁོས། ང་ལ་ཕྲུ་གུ་གསུམ་ཡོད། ངའི་ཁྱིམ་གྱི་འཚོ་བ་དེ་ཙམ་ཡག་པོ་མེད་ཀྱང་། ང་དབྱར་ཁ་རེ་བཞིན་དབྱར་རྩྭ་དགུན་འབུ་བརྐོ་བར་འགྲོ་བཞིན་ཡོད་པས། ཡོང་སྒོ་དེས་ངའི་བུ་ཕྲུག་ཚོའི་སློབ་སྦྱོང་གི་འགྲོ་གྲོན་ལ་སེམས་ཁྲལ་མི་དགོས། ངས་བུ་ཕྲུག་གསུམ་པོ་དབྱར་རྩྭ་དགུན་འབུ་བརྐོ་སར་ཉི་ཕྱེད་ཙམ་ཡང་འཁྲིད་མ་བྲ། ཁོ་ཚོས་ངེད་ཕ་མ་ནང་བཞིན་སྡུག་དཀའ་ལས་ཆེན་པོ་མྱོང་མི་དགོས་པ་ཞིག་ཨེ་ཡོང་ལ་བསམས་པ་ཡིན། ཞེས་ཤོད་བཞིན་མིག་ནས་མཆི་མ་གཏོང་གིན་ངུས་བྱུང་། སྐབས་དེར་ངའི་སེམས་ཀྱི་ཚོར་བ་ཡང་ཁ་ལ་སྐྱུར་བ་ཞིག་བྱུང་། ངའི་ལས་གྲོགས་ཤིག་གིས་ངས་དེ་སྔོན་ལོ་ངོ་ཉི་ཤུ་ལྷག་རིང་། སློབ་མ་འགའི་ཨ་མ་ངུས་པ་མཐོང་མྱོང་བ་ལས། སྐྱེས་པ་ཕོ་ཞིག་ངུས་པ་མཐོང་མྱོང་མེད་ཟེར། ང་ཚོའི་བོད་ཀྱི་གཏམ་དཔེ་ལ་ཕ་སེམས་བུ་ཐོག་དང་བུ་སེམས་རྡོ་ཐོག་ཟེར་བ་ཞིག་ཡོད་པ་དེ། ཕ་བུ་འདི་ལྟ་བུའི་རིགས་ལའང་གོ་ཆོག་པ་ལོས་ཡིན་བསམས། ང་ཚོས་གནས་ཚུལ་འདི་དག་ལས། སློབ་གྲྭ་ཞིག་དང་དགེ་རྒན་ཞིག་གི་འགན་ནུས་དེ་ཅི་འདྲའི་ལྗིད་བ་ལ་ཨང་སེམས་བཞིན་ཡོད།

祝願第41任薩迦赤千法王長久住世、法體安康。弘法利生事業廣大圓滿！
[鲜花]
࿑ བྱང་ཕྱོགས་སྐྱོང་བའི་སྐྱོབ་པ་མཆོག་གྱུར་པ། །
守護北方最勝救怙主，
མཁས་གྲུབ་རྒྱ་མཚོས་ཡོངས་སུ་གང་བའི་གནས། །
博學成就大海周遍處，
གངས་རིའི་ཁྲོད་འདིར་བསྟན་པ་གསལ་མཛད་པ། །
在此雪山山脈闡教法，
ས་སྐྱ་པ་ཡི་བསྟན་པ་རྒྱས་གྱུར་ཅིག །
祈願薩迦教法廣弘揚。