མི་ཚེ་ནི་མཛེས་སྡུག་ལྡན་པ་ཞིག་རེད། ཉི་མ་གཅིག། དུས་ཚོད་གཅིག། སྐར་མ་གཅིག། ཁྱེད་ཀྱི་མི་ཚེ་ཧྲིལ་བོའི་ནང་བསྐྱར་དུ་འབྱུང་བ་གཏན་ནས་མེད། དེ་བས། མི་ཚང་མ་ལ་མཛའ་བརྩེའི་ངང་སྐད་ཆ་ཤོད། འཁོན་འགྲས་དང་ཁོང་ཁྲོ་མ་བྱེད།” མཆན། “སྤོ་ཐུང་ཐུང་གིས་མི་རྫོད། ལ་ཐུང་ཐུང་གིས་རྟ་རྫོད།” ཟེར་བ་བཞིན་ཁོང་ཁྲོའི་མཇུག་འབྲས་རྡུང་རས་དང་། རྡུང་རས་ཀྱི་མཇུག་འབྲས་རང་གཞན་གཉིས་ཀྱི་བདེ་སྐྱིད་བརླགས་པ་དེའོ།།

༄༅།། ༧རྗེ་འཇམ་དབྱངས་རྒྱ་མཚོས་མཛད་པའི་བསླབ་བྱ་དྲང་སྲོང་རྒན་པོའི་

བདེན་ཚིག་ཅེས་བྱ་བ་བཞུགས་སོ།།

ལམ་བཟང་སྟོན་པའི་བཤེས་གཉེན་དེད་དཔོན་དང་།།
དལ་འབྱོར་རྟེན་གྱི་གྲུ་གཟིངས་ལ་བརྟེན་ནས།།
ཟབ་རྒྱས་ཆོས་ཚུལ་རྒྱ་མཚོ་ལྟ་བུ་ལ།།
ཐོས་བསམ་སྒོམ་གསུམ་བྱེད་རྣམས་འདུན་མ་བཟང་།།

ཡིད་ཀྱི་མུན་པ་སེལ་བའི་ཐབས་ཀྱི་མཆོག།
དྲི་མེད་ཤེས་རབ་སྒྲོན་མེ་སྦར་འདོད་ན།།
རིག་པའི་སྒོ་འབྱེད་བསྡུས་གྲྭའི་རིགས་ལམ་ལ།།
སྔོན་བྱོན་མཁས་པའི་རྣམ་ཐར་བཞིན་དུ་སྦྱོངས།།

སྨྲ་ངན་ཚར་གཅོད་ཕྱོགས་གླང་གྲགས་པའི་གཞུང་།།
སྡེ་བདུན་མདོ་དང་བཅས་པའི་དགོངས་པའི་དོན།།
རིགས་སྨྲ་མཁས་པའི་མདུན་སར་བརྒལ་ལན་གྱིས།།
གཏན་ལ་འབེབས་པ་གནད་ཀྱི་དོན་པོར་ཟུངས།།

དུས་གསུམ་རྒྱལ་བའི་བགྲོད་པ་གཅིག་པའི་ལམ།།
ཡུམ་གྱི་སྦས་དོན་མངོན་རྟོགས་རིམ་པ་ལ།།
ངོ་བོ་དྲང་ངེས་སྔ་ཕྱིའི་རིམ་པ་ཀུན།།
ཕན་ཚུན་འགལ་མེད་གྲོགས་སུ་ཆར་ལ་སློབས།།

གྲུབ་མཐའི་ཡང་རྩེ་དབུ་མ་ཐལ་འགྱུར་བའི།།
ལུགས་བཞིན་ཀླུ་སྒྲུབ་དགོངས་དོན་ལྟ་བའི་མིག།
སངས་རྒྱས་བསྐྱངས་དང་དཔལ་ལྡན་ཟླ་བའི་གཞུང་།།
ཇི་བཞིན་ཤེས་པར་འདོད་རྣམས་དབུ་མར་སློབས།།

ཁྱད་ཆོས་བཞི་ལྡན་མངོན་པའི་སྡེ་སྣོད་ཀྱི།།
བརྗོད་བྱ་རང་སྤྱིའི་མཚན་ཉིད་རྟོགས་འདོད་དག།
མངོན་པའི་སྡེ་སྣོད་གསོ་ཕྱིར་བསམ་བཞིན་དུ།།
བྱོན་པ་སྐུ་མཆེད་གཉིས་ཀྱི་གཞུང་ལ་སློབས།།

དམ་ཆོས་འདུལ་བ་རྒྱ་མཚོ་ལྟ་བུ་ལས།།
བྱུང་བའི་བླང་དོར་ཚུལ་བཞིན་བྱེད་འདོད་ན།།
རྩ་བཤད་སྡེ་བཞིའི་གཞུང་དོན་མ་ལུས་པ།།
བསྡུས་པ་ཡོན་ཏན་འོད་ཀྱི་གཞུང་ལ་སློབས།།

སྒྲ་རིག་བཟོ་གསོ་སྙན་ངག་སྡེབ་སྦྱོར་དང་།།
མངོན་བརྗོད་ཟློས་གར་སྐར་ནག་རྩིས་ཀྱི་གཞུང་།།
སྐད་ཡིག་ཀུན་དང་སྣ་ཚོགས་རིག་པའི་གནས།།
བསླབས་ནས་རྒྱལ་སྲས་རྣམ་ཐར་བདག་གིར་ཟུངས།།

བཀའ་གདམས་གོང་མའི་རྣམ་ཐར་ཇི་བཞིན་དུ།།
ཆེ་བ་བཞི་ལྡན་བྱང་ཆུབ་ལམ་རིམ་དང་།།
རྒྱུད་ཆེན་རིམ་བྱོན་དམ་པའི་རྣམ་ཐར་བཞིན།།
གསང་ཆེན་རྒྱུད་སྡེ་བཞི་ལ་མཐར་ཕྱིན་བྱོས།།

ཐོས་ལོ་ཤེས་ལོའི་གྲགས་སྐམ་དོན་གཉེར་ངང་།།
འདིར་སྣང་ཞེན་པའི་ཐང་ལ་རྒྱུག་དྲགས་པས།།
མི་ཚེ་སྟོངས་པར་ཟད་པ་ཙམ་མིན་པར།།
དལ་འབྱོར་དོན་ཡོད་བྱེད་པ་མཁས་པའི་གཤིས།།

བསམ་པ་བཟང་བོས་རང་གི་མཆིལ་ལྷམ་ཟུང་།།
ཐུབ་སྐུའི་དབུ་ལ་བཞག་དང་བསལ་བྱས་པ།།
གཉིས་ཀའང་རྒྱལ་སྲིད་ཐོབ་པའི་རྒྱུར་གསུངས་ན།།
བསམ་པ་བཟང་བོས་སྨྲས་ལའང་ཉེས་པ་ཅི།།

如果
你总是被痛苦包裹，
且，想要摆脱这些束缚，
首先
你要认识到什么是痛苦，
认识了痛苦之后，
找出痛苦的根源，
了解痛苦的本质
思索摆脱它们的方法，
然后
化解它们，
就能使内心柔软
痛苦得到释放
最终
沉浸在一种丰盈的巨大幸福中。

_____丹增成利南无迦[蜘蛛侠]

གལ་ཏེ་ཁྱོད་རང་ནམ་རྒྱུན་སྡུག་བསྔལ་སྣ་ཚོགས་ཀྱིས་གདུང་ཞིང་། ཁྱོད་རང་སྡུག་བསྔལ་དེ་དག་ལས་གྲོལ་བར་འདོད་ན། ཐོག་མར་ཁྱོད་ཀྱིས་སྡུག་བསྔལ་དེ་དག་ག་འདྲ་ཞིག་ཡིན་པ་ངོས་ཟིན་རྒྱུ་གལ་ཆེ་ལ། སྡུག་བསྔལ་དེ་དག་ངོས་ཟིན་རྗེས་སྡུག་བསྔལ་དེ་དག་གི་འབྱུང་རྩའམ་རྒྱུ་རྐྱེན་འཚོལ་བ་གལ་ཆེ། སྡུག་བསྔལ་དེ་དག་གི་འབྱུང་ཁུངས་སམ་རྒྱུ་རྐྱེན་ངོས་ལེགས་པར་ཟིན་ན་དེ་དག་ཅི་ལྟར་སྤངས་བའི་ཐབས་ཤེས་ལ་བསམ་གཞིག་ངང་གིས་གཏོང་བ་དང་།

སྡུག་བསྔལ་དེ་དག་སྤོང་བའི་གཉེན་པོ་ལ་ངང་གིས་བརྩོན་ངེས་པ་རེད་ལ། དེ་ནས་ཁྱོད་རང་སྡུག་སྔལ་ལས་ཟློག་པའི་བདེ་བ་ཆེན་པོ་ལ་གནས་པའིམགོ་བརྩམས་པ་རེད།