ཕྱོགས་རེ་མ་ཡིན་བསྟན་པ་མཐའ་དག་ཚང་། །
ཚང་ལ་མ་ནོར་ས་སྐྱ་པ་ཞེས་གྲགས། །
གྲགས་པའི་བ་དན་ཕྱོགས་བཅུར་བསྒྲེང་བ་ཡི། །
རིགས་གསུམ་རྒྱལ་བའི་བསྟན་པ་རྒྱར་གྱུར་ཅིག།
—— མཁྱེན་བརྩེ་ཆོས་ཀྱི་བློ་གྲོས་ཀྱིས། https://t.cn/RLGzcAO

࿐འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རབས་བརྒྱ་དང་གཉིས་པ་སྐྱབས་རྗེ་རི་རྫོང་རིན་པོ་ཆེ་༧རྗེ་བཙུན་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་བུ་དཔལ་བཟང་པོ་དགུང་གྲངས་གོ་བདུན་ཐོག་དགོངས་པ་ཆོས་དབྱིངས་སུ་ཐིམ་པའི་ཚུལ་མཛད་སོང་། 第102任甘丹赤巴日宗仁波切於2022/12/08 21:20示寂 https://t.cn/R2Wx1qD

ཁ་བ་ཁྱོད་འབབ་མ་སྔ།    

2022-12-09

རྩོམ་པ་བོ། རྐང་ཚ་བྱམས་པ། 

ཁ་བ་ཁྱོད་འབབ་མ་སྔ།

ཙག་རླུང་བུས་མེ་ཏོག་གི་འདབ་མ་གཏོར་ན།

སྟོན་ཐ་མས་གསེར་མདོག་གི་སྙེ་ཞིང་བཅོམ་ན། 

ཆུ་གཙང་བོའི་རླབས་རྒྱུན་འཁྱག་གིས་བསྡམས་ན།

ཉ་གསེར་མིག་སེམས་རྩ་སྡུག་གིས་མནར་ན།

གངས་ར་བས་བསྐོར་ཡང་ཞེ་སེམས་སྨྲེང་ཡོང་།

དཀར་ཁ་བས་བརྒྱན་རུང་དངན་པ་འཆོར་ཡོང་། 

ཁ་བ་ཁྱོད་འབབ་མ་སྔ།

རི་རྔམ་ཟིལ་ཅན་གྱི་སྨུག་པ་དྭངས་འགྲོ།

མཚོ་ཁ་ཞེང་ཅན་གྱི་བྱ་ཁྱུ་འཕུར་འགྲོ།

རྫི་གླུ་རི་ལ་འཁོར་བའི་བྲག་ཅ་ཡལ་འགྲོ།

ཆུ་ཕྲན་བརྒྱ་རྩ་འབབ་པའི་ཤག་སྒྲ་ཆད་འགྲོ།

ཁ་བ་ཁྱོད་འབབ་མ་སྔ།

ཟླ་དགུ་བ་ཚེས་ན་རྩི་ཤིང་བསྐམ་འགྲོ།

ཟླ་བཅུ་བར་བསླེབ་ན་ཁ་ངོ་བཤུད་འགྲོ།

དགུན་ཉི་ལྡོག་ཐོན་ན་ས་ཡང་བཀད་འགྲོ།

དཔྱིད་འགོ་མ་ཟེར་ན་གང་གི་གང་རེད།

ཁ་བ་ཁྱོད་འབབ་མ་སྔ།

                  ༢༠༢༢/༠༨/༢༨ཉིན།