གཉིད་མི་ཡོང་བའི་མཚན་མོའི་དུས་ཚོད་དེ་དག་ནི་སུ་ཞིག་གི་ཆེད་དུ་ཐུག་ཁྲལ་བྱས་པ་དང་འདྲ། དགུན་དུས་སོས་དལ་བག་ཕེབས་ཀྱི་ཟླ་བ་དང་གནམ་ངོར་བཀྲམ་པའི་སྐར་ཁྱུ་དག་མཐའ་དག། ཡིད་ཀྱི་ཉེ་ནས་ཞིག་ནས་གཏན་དུ་གྲང་འཁྱག་གིས་བསྡམས་འདུག ཁེར་རྐྱང་ནི་ཡིད་དུ་འོང་བའི་རང་དབང་གི་འཚོ་བ་ཞིག་ཡིན་ན། མཚན་མོ་ནི་ཅི་འདྲའི་སྙིང་དུ་སྡུག་ཅིང་སྟོང་འདང་སྣ་ཚོགས་ཀྱི་སྔས་ནས་རྨི་ལམ་བོར་འགྲོ་བ་ཞིག་ཡིན་ནམ། མཚན་སྨད་དུ་སླེབས་མ་ཐག་ལ། མཆོད་སྒམ་སྟེང་གི་མར་མེ་ཡང་གཟིམས་ཚར་འདུག ངས་རང་ཉིད་ལ་ཚ་འདྲི་ཞིག་བྱེད་དུས། དོན་དམ་དུ་འདང་སྐོར་ལོག་མང་པོ་ཞིག་རྒྱག་ཞོར་རང་སེམས་རང་གིས་གསོད་ཀྱིན་འདུག[月亮]

འཇིག་རྟེན་འཇིག་རྟེན་དུ་ཤེས་པ་ནས་བཟུང
ཁྱེད་རང་དགོད་སླ་ལ་ངུ་ཡང་སྐྱེན

ཐ་སྙད་ཀྱི་རྫ་བུམ་ཆེ་ཆུང་དུ་མ
སིལ་བུར་བཅག་སྟེ
ནམ་མཁའ་དང་ནམ་མཁའ་ཡུག་གཅིག་བསྲེས
རེ་དོགས་ཀྱི་སྐུད་པ་རྐྱ་ཞིག་ཀྱང
རྣམ་བཞག་གི་ཁབ་མིག་ཇི་ལྟར་སྐྱེད

གཅིག་ནི་ཡོད་པའམ་ཡིན་པ་དང
ཅིག་ཤོས་ནི་མེད་པ་དང་མིན་པའི་མིག་ཟུང་དེ
ཇི་ལྟར་བགྲད་ཀྱང

ལྡེབས་དྲུག་པ།
༼༥རྟགས་མཐུན་ཕྱོགས་ལ་ཡོད་པའི་ཚད། འགོད་སྒྲུབ་ཚུལ་དང་མཐུན་པར་རྟགས་དེ་དང་དངོས་ཀྱི་སྒྲུབ་བྱའི་ཆོས་དེའི་གཞི་མཐུན་ཡོད་པ་ལ་བྱེད། སྒྲ་ཡིན་ཏེ། སྒྲ་ཡིན་པའི་ཕྱིར་ཞེས་དང་། རྟག་པ་ཡིན་ཏེ། རྟག་པར་རྟོགས་པའི་ཚད་མ་ཡོད་པའི་ཕྱིར། ཞེས་པའི་ཐལ་འགྱུར་ལ་དཔྱད་དགོས།
༼༦རྟགས་མི་མཐུན་ཕྱོགས་ལ་ཡོད་པའི་ཚད། འགོད་སྒྲུབ་ཚུལ་དང་མཐུན་པར་རྟགས་དེ་དང་དགག་བྱའི་ཆོས་དེའི་གཞི་མཐུན་ཡོད་པ་ལ་བྱེད། དམ་བཅའ་བའི་མིག་ཆོས་ཅན། རྟ་མ་ཡིན་ཏེ། མིག་ཡིན་པའི་ཕྱིར་ཞེས་བཀོད་པའི་རྟགས་མི་མཐུན་ཕྱོགས་ལ་ཁེགས་ཀྱང་མི་མཐུན་ཕྱོགས་ལ་མ་ཁེགས་ཞེས་ཞིབ་ཆ་རུང་ན་ཡང་། རྟགས་ཀྱི་ངོ་བོར་གྱུར་པའི་ཚུལ་གསུམ་དང་སྒྲུབ་ངག་གི་བསྟན་བྱར་གྱུར་པའི་ཚུལ་གསུམ་གཅིག་ཏུ་འདོད་པ་དག་ལ་ཞིབ་ཆ་མི་རུང་ངོ་།།
ཡང་ན་མི་མཐུན་ཕྱོགས་ལ་ཁེགས། འོན་ཀྱང་མི་མཐུན་ཕྱོགས་ལ་ཡོད། ཁེགས་ཚུལ་ནི་འདིར་ཡིན་སྒྲུབ་ལྟར་ཁེགས་ཞེས་ལབ་བཏབ་ན་གནད་དུ་ཁེལ་སྙམ་མོ།། བདག་མེད་ཡིན་ཏེ། ཡོད་མེད་གང་རུང་ཡིན་པའི་ཕྱིར་ཞེས་བཀོད་པའི་རྟགས་དེ་ཆོས་ཅན། དེ་སྐོར་གྱི་མི་མཐུན་ཕྱོགས་ལ་ཡོད་པར་ཐལ། དེ་སྐོར་གྱི་མི་མཐུན་ཕྱོགས་བདག་མེད་དུ་སྒྲུབ་པའི་ཕྱོགས་ཆོས་ཡིན་པའི་ཕྱིར་ཟེར་ནས་རྩོད།
༼༧ཆོས་དེ་གཞི་དེ་ལ་ཡོད་པའི་ཚད། ཆོས་དེ་ཡིན་པ་མི་སྲིད་པའི་ཤེས་བྱ་ཡིན་ན་གཞི་དེ་ཡིན་པའམ། ཆོས་དེ་ཡིན་པ་སྲིད་པའི་ཤེས་བྱ་ཡིན་ན། ཆོས་དེ་གཞི་དང་གཞི་མཐུན་ཡོད་པའམ། གཞི་དེ་དང་ཆོས་དེ་ལྡན་གཞི་ལྡན་ཆོས་དང་ཁྱད་གཞི་ཁྱད་ཆོས་གང་རུང་དུ་གྲུབ་པ་ཟེར་ན། ཀ་བ་དེ་བུམ་པ་ལ་ཡོད་པར་ཐལ། ཀ་བ་དེ་ཡིན་པ་སྲིད་པའི་ཤེས་བྱ་ཡིན། བུ་དང་ཀ་བ་ཁྱད་གཞི་ཁྱད་ཆོས་གང་རུང་ཡིན་པའི་ཕྱིར། ཁྱད་གཞི་ཡིན་པའི་ཕྱིར་ཞེས་ཚིག་འཁྲི་ཡོད། མགོ་མ་ཡིན་ཏེ། རྟ་ཡིན་པའི་ཕྱིར་ཞེས་པའི་རྟགས་དེ་མི་མཐུན་ཕྱོགས་ལ་མེད་པར་ཐལ། གོང་གི་མི་མཐུན་ཕྱོགས་ལ་ཡོད་པའི་ཚད་དེ་མི་ལྡན་པའི་ཕྱིར། འདོད་མི་ནུས་ཏེ། དེ་འདྲའི་རྟགས་དེ་དང་མི་མཐུན་ཕྱོགས་གང་ཡིན་པ་དེ་ལྡན་གཞི་ལྡན་ཆོས་སོགས་ཆོས་དེ་གཞི་དེ་ལ་ཡོད་པའི་ཚད་དེ་ལྡན་པའི་ཕྱིར་ཟེར་བ་འདི་རྣོ་བར་སྙམ། དེས་ན། ཁྱོད་དེ་ལ་ཡོད་ཚུལ་ནི། ཁྱོད་དེ་ལ་ཚད་མས་དམིགས་ཚུལ་དེ་ག་རང་ཡིན། བྱེ་བྲག་མི་འདྲ་བ་ཧ་ཅང་མང་བས་སྤྱི་ལྡོག་གཞན་འཇོག་རྒྱུ་མེད་དོ།།
༼༨རྟགས་དེ་ཤེས་འདོད་ལ་འགོད་ཚུལ་དང་མཐུན་པར་ཡོད་པའི་ཚད་ནི། འགོད་ཚུལ་ལྟར་རྟགས་དེ་དང་རྩོད་གཞི་དེའི་གཞི་མཐུན་ཡོད་པའམ། རྩོད་གཞི་དེ་རྟགས་དེ་ཡིན་པ་ལ་བྱེད། ཟུར་སྔ་མས་ལྗོན་ཤིང་སེམས་ལྡན་དུ་སྒྲུབ་པ་ལ་ལོ་མ་འཁུམས་པ་རྟགས་སུ་བཀོད་པ་དེ་སྡུད། ཟུར་ཕྱི་མས་ཀ་བུམ་གཉིས་མི་རྟག་པར་སྒྲུབ་པ་ལ་བྱས་པ་རྟགས་སུ་བཀོད་པ་དེ་སྡུད།
༼༩ཁྱོད་ཆོས་དེ་ལ་མི་ལྡན་རྣམ་གཅོད་དུ་གྲུབ་པའི་ཚད། ཁྱོད་དང་ཆོས་དེ་ཐ་དད། ཆོས་དེ་ཁྱོད་ཡིན་པའམ། ཆོས་དེ་ཡིན་ན་ཁྱོད་ཡོད་ཡིན་གང་རུང་གིས་ཁྱབ་པ་དེ་ལ་བྱེད། དང་པོས། སྒྲ་དེ་སྒྲ་མི་ལྡན་རྣམ་གཅོད་དུ་མ་གྲུབ་པར་བསྟན།
གཉིས་པས། རྟག་པ་ཤེས་བྱ་ལ་མི་ལྡན་རྣམ་གཅོད་དུ་གྲུབ་པར་བསྟན། གསུམ་པས། སོ་སོ་བའི་ཆོས་དེ་ཐ་དད་ལ་མི་ལྡན་རྣམ་གཅོད་དུ་གྲུབ་པར་བསྟན། བཞི་པས། དུ་བ་དུ་ལྡན་ལ་ལ་མི་ལྡན་རྣམ་གཅོད་དུ་གྲུབ་པར་བསྟན།
༼༡༠རྟགས་དེ་ཤེས་འདོད་ལ་འགོད་ཚུལ་དང་མཐུན་པར་ཡོད་པ་ཉིད་ཡིན་པའི་ཚད་ནི། རྟགས་དེ་ཤེས་འདོད་ལ་འགོད་ཚུལ་དང་མཐུན་པར་མི་ལྡན་རྣམ་གཅོད་དུ་གྲུབ་པ་ལ་བྱེད་དོ།། https://t.cn/R2Wx150