ངས་རང་གི་བརྩེ་བ་ཟླ་བའི་སྟེང་དུ་འཇོག་འདོད། ཟླ་བའི་རང་གི་འོད་ཟེར་སའི་གོ་ལ་ཧྲིལ་བོ་ལ་འཁྱུད་པ་བཞིན། ངའི་བརྩེ་བ་འང་མི་རེ་རེ་ཕུལ་ངེས་ཡིན།

༧རྒྱལ་དབང་ཀརྨ་པ་མཆོག་ནས།
我想把我的慈悲心放在月亮上

而月亮的光芒会照耀整个地球

我的慈悲之心也会给予每一个众生
​

___第十七世大宝法王噶玛巴

བརྩོན་པ་བརྒྱ་དང་འབད་པ་སྟོང་ཞེས་པའི་ཚིག་དེ་ཕལ་ཆེར་ངའི་མི་ཚེ་དང་བྲལ་ཐབས་མེད་པ་འདྲ། གཞན་མ་ཏོག་རྗེས་ལུས་ཐེབས་རྒྱུ་གཏན་འཁེལ་རེད།
没有优势，那就只能付出加倍的努力[微笑]

དམ་པ་ཞིག

དམ་པ་ཕལ་ཆེར་ཞི་བའི་དབྱིངས་སུ་གཤེགས།།
བསྟན་པའི་ལག་རྗེས་ཟོག་པོའི་འཕྲུལ་གྱིས་བསྣུབས།།
སྲིད་པའི་སྣང་བ་ལུང་རྟོགས་ཆོས་ཀྱི་སྙིང་།།
བཅོས་མའི་གཟུགས་བརྙན་བཀོད་ལ་སུ་མི་སྐྱོ།།

ལྔ་བདོ་སྙིགས་མའི་དུས་ཀྱི་མ་གཤམ་འདིར།།
མི་སྡུག་བདུད་ཀྱི་ས་བོན་བྲིན་ན་ཡང་།།
འགྲོ་བའི་བསོད་ནམས་ཞིང་ས་རེ་རེ་ན།།
ངེས་དོན་རྒྱལ་སྲིད་འཛིན་པའི་དམ་པའང་མཐོང་།།

ལ་ལས་ལུང་རིགས་མན་ངག་འཁོར་ལོ་ཡིས།།
མང་ཐོས་སྐལ་བཟང་སྐྱོང་བའི་རྒྱུན་དེ་མཛེས།།
ཉམས་རྟོགས་རི་བོ་བརྗིད་པའི་སྡེ་ཞིག་ན།།
འདྲེན་མཆོག་བླ་མའི་ཐུགས་ཀྱི་ཏིང་འཛིན་རྨད།།

ཕྱི་ན་རྔམས་པའི་ལྷ་ཁང་གསེར་ཏོག་དང་།།
ནང་དུ་འགྱིངས་པའི་རྟེན་གསུམ་བརྒྱ་ཕྲག་ལས།།
སེམས་ཀྱི་དེ་ཉིད་མཐོང་བ་གཙོར་དགོངས་ནས།།
སྐུ་ཚེ་སྒྲུབ་ལ་སྦྱོར་བའི་མཛད་པ་མཐོ།།

ཐོས་པའི་མཐོང་རྒྱ་རྡུལ་ཙམ་མ་བསགས་ཀྱང་།།
ཉམས་དང་རྟོགས་པའི་རིག་སྟོབས་རྒྱས་པ་ཡིས།།
ལྷ་འདྲེ་འགོང་པོས་རང་རྒྱུད་བརླག་པའི་དུས།།
ཐོས་བསམ་ཚུལ་བཞིན་མཛད་པ་ཁྱེད་ཉིད་ཙམ།།

སྤྲུལ་སྐུའི་དགོངས་པ་ཐོབ་ཀྱི་དོན་དུ་འཛད།།
རབ་བྱུང་བཅས་པ་གཉེན་གྱི་ངོ་སྲུང་ཆེད།།
དམ་ཚིག་འདུན་པ་རི་ལ་བསྐྱུད་པའི་དུས།།
དྲན་པའི་ཅང་ཤེས་བཅིབས་པ་ཁྱེད་ཉིད་ཙམ།།

བླ་ཆེན་བར་ནས་སྲིད་ཀྱི་ཆོ་ལོ་རྩོད།།
དགོན་པའི་གྲྭ་ཚང་འདུ་འཛིའི་གཡུལ་དུ་བཀོད།།
འདུས་པའི་སྡེ་རྣམས་བྲན་དུ་མཐོང་བའི་དུས།།
དབེན་གསུམ་ཉམས་ལེན་བརྟེན་པར་ཁྱེད་ཉིད་ཙམ།།

ཟབ་མོའི་གདམ་ངག་ཟང་ཟིང་ནོར་ལ་འཚོང་།།
མཛད་པའི་མཐའ་མ་འཕྱོར་མོའི་ངོ་སྲུང་རྩོམ།།
མི་སྲིན་ནགས་ཀྱི་སེང་གེ་འགྱེང་པའི་དུས།།
ཐུབ་བསྟན་ཡང་དག་སྤེལ་བ་ཁྱེད་ཉིད་ཙམ།།

སྤྲུལ་སྐྱེས་དག་གིས་རྒྱ་གསུང་གཙུག་ཏུ་བཀུར།།
འདུལ་བའི་གཞུང་ལ་སྲིད་ཀྱིས་ལྷན་པ་བཏབ།།
མི་ནག་སྲང་གིས་ཆོས་ཚུལ་གཞལ་བའི་དུས།།
བསྟན་པའི་ཁུར་ཆེན་བཞེས་པ་ཁྱེད་ཉིད་ཙམ།།

དད་ལྡན་སྐྱེ་བོས་ཆོས་དང་འཇིག་རྟེན་འཁྲུལ།།
ཟོག་པོ་དག་གིས་ཆོས་བརྒྱད་ཆོས་སུ་བརྫུས།།
དང་བའི་འཇིག་རྟེན་གཡོ་སྒྱུས་དཀྲུག་པའི་དུས།།
དམ་པའི་རང་མདངས་གསལ་བ་ཁྱེད་ལ་འདུད།། https://t.cn/EMHWBCD