ལོ་གསུམ་གྱི་སྔོན་ནས་རྒྱ་ཡུལ་དུ་ཏོག་དབྱིབས་ནད་རེད་ཟེར་དུས་བོད་ཀྱི་དགོན་ཆེན་བླ་ཆེན་ཚོང་ཆེན་སྨན་པ་དེ་ཚོས་སྨན་དང་སྒོར་མོ་རོགས་སྐྱོར་རྫ་རྡོ་ཉིལ་ཉིལ་རེད་ད་ལོ་བོད་ཁུལ་ཡོངས་ལ་ཆམ་ངན་དེས་ཁྱབ་དུས་སྨན་ཐུན་རེའི་སྦྱིན་པ་གཏོང་བ་གོ་ཐོས་མི་འདུག དེ་ལས་ལྡོག་ཏེ་སྨན་རིན་འཕར་ནས་མང་ཚོགས་མང་པོའི་ཉོ་ཡང་མི་ཐུབ་གི་དོན་དམ་པ་དེ་དག་གི་རོགས་སྐྱོར་དེ་དག་ཅིའི་ཆེད་དུ་ཡིན་ཧ་གོ་ས་མ་སོང་ཨེ་མིན།
འདི་དང་འདི་འདྲའི་ལོ་རྒྱུས་གང་ཡིན་རུང་། ང་ཚོས་དྲང་པོ་དྲང་བཞག་ཅིག་ཨེ་ཤེས་བལྟ་རྒྱུ་གལ་ཆེན་པོ་རེད། ལོ་རྒྱུས་ལ་ནི་ཆགས་ཞེན་གྱིས་སྦགས་ནས་བལྟས་ན་སྙིང་པོ་ཏིལ་ཙམ་མེད་པས། རྒྱལ་པོ་དར་མས་སངས་རྒྱས་ཀྱི་བསྟན་པ་བསྣུབས་འདུག་གམ་མི་འདུག གལ་ཏེ་ཁོས་བསྟན་པ་བསྣུབས་མེད་ཀྱང་འདུལ་བསྟན་བསྣུབས་ཡོད་ན། དེ་བསྣུབ་དགོས་དོན་གང་རེད། རྒྱལ་པོ་ལན་ནམ། རབ་བྱུང་པའི་སྡེ་རང་ཉིད་ལན་སོགས་ཇི་མ་ཇི་བཞིན་ཤེས་ཐབས་ལ་འབད་རྒྱུ་གལ་ཆེན་པོ་རེད།
ཉེ་ཚར། ནུབ་ཕྱོགས་སྟོབས་ལྡན་ཨ་རིའི་རྒྱལ་ཁབ་ཀྱི་ཧྭ་ཝེར་གཙུག་ལག་སློབ་གྲྭ་ཆེན་མོའི་ངེས་པ་དོན་གྱི་འབུམ་རམས་པ། བོད་ཀྱི་གསུང་རབ་རིག་གནས་སྤྱི་ལ་གཟིགས་རྒྱ་ཆེ་ཞིང་། མྱི་གཤིས་ལུ་གུ་ལྟར་དཀར་བའི་མཛའ་བཤེས་དམ་པ་དཔལ་ལྡན་དབྱངས་དགའ་ལགས་ཞི་བར་གཤེགས་ཁར། གུས་པར་ཚངས་མགུར་གཅིག་བསྐུར་ནས་ཆེས་མཐའ་མའི་བདེ་མོ་འཇོག་དུས་སུ། ང་རང་སྐྱོ་བ་ཚད་མེད་ཀྱིས་བློང་བློང་པར་གོམ་པའང་སྤོ་མ་ཤེས་པར་ལུས། རིམ་བཞིན་འཇིག་རྟེན་མི་རྟག་པའི་ཆོས་ཉིད་ལ་བསམ་ནས་བདེ་གཤེགས་གང་དང་ལྷན་དུ་སློབ་སྦྱོང་དང་བགྲོ་གླེང་། རྩེད་མཚར་ཞུས་པ་དག་ལ་ཕྱིར་དྲན་བྱས། དེ་ལྟའི་རྗེས་དྲན་རྩོམ་ཡིག་ཅིག་ལའང་འཆར་གཞི་བཀོད་ཡོད། དེ་རིང་འཇིག་རྟེན་འཁོར་བའི་ངལ་གསོའི་ཐུན་མཚམས་ཙམ་ལ། འབྲས་སྤུངས་གནས་བཅུ་ལྷ་ཁང་གི་དཔེ་རྙིང་པ་བཀླག་དུས། ཕྱི་ལ་ཅན་གྱི་ཨང་རྟགས༼༣༥༽ན་ཕྱག་དཔེ་རྙིང་པ༼སྐྱོ་བའི་གཏམ༽བྱ་བ་ཚིག་སྦྱོར་སྤེལ་ལེགས་ཤིག་བཞུགས་པ་མཐོང་སོང་། འདི་ཡང་གུས་པའི་མཛའ་བཤེས་གྲོགས་མཆོག་དམ་པ་དབྱངས་དགའ་ལགས་ཀྱིས་ཐར་བའི་ས་ལམ་ཟིན་པའི་ཆེད་དུ་ཀུན་ལ་སྤྱན་བསྟར་ཞུས་ཡོད། ཀུན་གྱིས་དེ་དེ་བཞིན་དུ་སྨོན་ལམ་ཡང་འདེབས་རོགས་ཞུ་ཞུ། — བན་ཤུལ་པས་རྒྱ་ནག་ཁྲེན་ཏུ་ནས།
✋热门推荐