རྨི་ལམ་དུ་ཐོགས་པའི་ཉི་མ་ལྷ་ས
ང་རང་ཁྱེད་ཀྱི་པང་དུ་ཡང་དང་བསྐྱར་དུ་ལོག་འདོད
རྒྱུ་མཚན ཁྱེད་ཀྱི་པང་དུ་ལོག་ཐེངས་རེར
སྨྲ་བསམ་བརྗོད་དུ་མེད་པའི་རིག་གནས་ཀྱི་གྲུ་ག་རེ་རེ་དང་
ལྷག་ཏུ ཕོ་བྲང་པོ་ཏ་ལའི་གཟི་རྔམ་མཐོང་དུས
ཡིད་ཀྱི་མཚོ་མོ་རྒྱ་མཚོའི་རྦ་རླབས་བཞིན་དུ་མཁའ་རུ་འཕྱོ
ཕ་ཡུལ་གྱི་འགན་འཁྲི་ལྕི་མོའམ་རང་གི་ཕོར་བ་ལ་འཐབ་པའི་མི་ལོ་རྐྱང་བ་གཉིས
ཐེ་ཚོམ་དང་ཡིད་གཉིས་ཀྱི་རྒྱ་རུ་ལྷུང་ནས་ཟད་སོང
མཚན་གཞུང་འདིར
ང་རང་ལྷིང་འཇགས་ཀྱི་གནས་མལ་དྲོན་པོ་ནས
དགུང་སྐར་ཚོགས་དང་ལྷན་དུ
ཕྱིར་དྲན་ཐེངས་ཅིག་བྱ https://t.cn/R08xaRT

༡༽ ཉི་མ་འདི་དག་རིང་ལ་ནད་དུག་གིས་ཉལ་སར་ཐད་ཀར་འཕངས་བཞག་ཐལ། ༢༽ཁ་ཐར་རྒྱལ་ཁབ་ཀྱི་འཛམ་གླིང་བུམ་པའི་རྐང་གྲུག་འགྲན་བསྡུར་ཅི་འདྲ་མཇུག་རྫོགས་པ་ཡག་པ་ཞིག་ལྟ་མ་ཐུབ་ཐལ། ༣༽བོད་ཀྱི་མཁས་དབང་དབྱངས་དགའ་ཚེ་ལས་འདས་པར་མྱ་ངན་ཞུ། ཨོཾ་མ་ཎི་པདྨེ་ཧཱུྃ༔ ཨོཾ་མ་ཎི་པདྨེ་ཧཱུྃ༔ ཨོཾ་མ་ཎི་པདྨེ་ཧཱུྃ༔

ས་རུབ་རྗེས།

གསེར་ཕྲེང་། [圆月]

ལག་མཐིལ་ནས་འོད་ཟེར་ཐིགས་པ་གཅིག་ས་རུ་ཟགས་རྗེས
རིན་ཐང་བྲལ་བའི་ལུས་རྟེན་གྱི་ཁོག་པར་ཞུགས
དབུལ་ཕོངས་ཀྱི་སྡུག་བསྔལ་མཐའ་དག
ནགས་ཚལ་གྱི་ཀློང་ནས་ག་ལེར་སྐྱེས་བྱུང་བས
ང་དང་བྱེའུ་ཆུང་གི་གཤོག་པ་གཟེབ་ཏུ་ཚུད

ཁང་སྟོང་དུ་མིག་ཟུང་བཙུམས་ཏེ
ཁེར་རྐྱང་གི་དབྱངས་རྟ་ཞིག་ཉན་པ་ན
རང་ཉིད་བོར་ཟིན་པའི་གྲིབ་མ་ཚོས
ས་སྲོད་ཀྱི་ནམ་མཁར་བལྟས་ཏེ
རྨི་ལམ་ཐུང་ངུ་ཞིག་རྨིས་ཆོག་པར་ཞུ་ཟེར་ཞོར་མིག་ཆུ་གཏོར།

12 . 22