༈མཁྱེན་པའི་དཔལ་གྱི་དཀྱིལ་འཁོར་རབ་རྒྱས་འཕྲིན་ལས་འོད་སྟོང་ཕྱོགས་བཅུར་འཕྲོ།།
བརྩེ་བའི་རྟ་བདུན་ཤུགས་ཀྱིས་དྲངས་བས་གླིང་བཞིའི་མུ་ཁྱུད་ཡུད་ལ་སྐོར།།
ནུས་སྟོབས་ཐུགས་རྗེའི་འོད་ཀྱི་ཟེགས་མས་འགྲོ་ཀུན་བདེ་དགའི་དཔལ་ལ་འགོད།།
སྐྱབས་མཆོག་བླ་མ་ཉིན་བྱེད་དབང་བོ་ཡིད་ཀྱི་མཁའ་རུ་མཛེས་གྱུར་ཅིག།

—མེ་ལོང་དམར་པོ།

༈ ཁོར་ཡུག་དང་བདེ་ཐང་།

ས་སྒང་གི་སྤྱི་གཙུག
གཙང་བོ་ཡི་ཕ་ས།
ཁ་བ་ཅན།
ཁྱོད་ནི་མི་ཡུལ་གྱི་ཞིང་ཁམས་རེད།
ཞིང་ཁམས་ཀྱི་དྭངས་རྩེ་རེད།
དྭངས་རྩེ་རེད།

དལ་འབྱོར་གྱི་ལུས་རྟེན།
རྙེད་དཀའ་བའི་ནོར་བུ།
མི་ལུས་ལགས།
ཁྱོད་ནི་བསོད་ནམས་ཀྱི་ཞིང་ས་རེད།
ཞིང་ས་ཡི་དྭངས་རྩེ་རེད།
དྭངས་རྩེ་རེད།

ཞིང་ཁམས་ཀྱི་སྲུང་སྐྱོབ།
ལུས་ཁམས་ཀྱི་འཕྲོད་བསྟེན།
བདེ་ཐང་ལགས།
ཁྱོད་ནི་བདེ་སྐྱིད་ཀྱི་འབྱུང་ཁུངས་རེད།
འབྱུང་ཁུངས་ཀྱི་རྩ་བ་རེད།
རྩ་བ་རེད།

མཁན་ཆེན་ཚུལ་ཁྲིམས་བློ་གྲོས་ནས།

༈ སེམས་ཅན་ནད་པ་ཇི་སྙེད་པ། །
所有病患者
མྱུར་དུ་ནད་ལས་ཐར་གྱུར་ཅིག །
愿速得康健
འགྲོ་བའི་ནད་རྣམས་མ་ལུས་པ། །
众生诸病疾
རྟག་ཏུ་འབྱུང་བ་མེད་པར་ཤོག །
愿恒永不生
སྨན་རྣམས་མཐུ་དང་ལྡན་པ་དང་། །
愿药具善效，
གསང་སྔགས་བཟླས་བརྗོད་འགྲུབ་པ་དང་། །
诵咒得成就，
མཁའ་འགྲོ་སྲིན་པོ་ལ་སོགས་པ། །
空行罗刹等，
སྙིང་རྗེའི་སེམས་དང་ལྡན་གྱུར་ཅིག །
愿具慈悲心!