རྒྱུད་ལས། གང་གི་བསྐལ་པ་བྱེ་བ་རུ། །ལྷ་སྐུ་འབུམ་ཕྲག་བསྒོམས་པ་ལས། །བླ་མ་སྐད་ཅིག་དྲན་པ་མཆོག །ཅེས་གསུངས། དོན་དམ་ལྷན་ཅིག་སྐྱེས་པའི་ཡེ་ཤེས་ནི། །ཚོགས་བསགས་སྒྲིབ་པ་དག་པའི་ལག་རྗེས་དང་། །རྟོགས་ལྡན་བླ་མའི་བྱིན་རླབས་ཁོ་ན་ལས། །ཐབས་གཞན་བསྟེན་པ་རྨོངས་པར་ཤེས་པར་བྱ།།ཞེས་དང་།ས་ར་ཧས། བླ་མའི་སྨྲས་པ་གང་གི་སྙིང་ཞུགས་པ། །ལག་པའི་མཐིལ་ན་གནས་པའི་གཏེར་མཐོང་འདྲ། །ཞེས་གསུངས།
མདོ་ལས། དོན་དམ་པ་ནི་དད་པས་རྟོགས་པར་བྱ་བ་ཡིན་ནོ། །ཞེས་གསུངས། ཇོ་བོ་ལྷ་གཅིག་གི་ཞལ་ནས།གྲོགས་དག་བྱང་ཆུབ་མ་ཐོབ་བར་དུ་བླ་མ་དགོས་པས་བཤེས་གཉེན་དམ་པ་བསྟེན། གནས་ལུགས་མ་རྟོགས་བར་དུ་ཐོས་པ་དགོས་པས་བླ་མའི་གདམས་ངག་ཉོན། བདེ་བ་ཐམས་ཅད་བླ་མའི་བྱིན་རླབས་ལགས་པས་དྲིན་དུ་གཟོ་བར་མཛོད།།ཅེས་དང་།དགེ་བཤེས་ཁ་རག་སྒོམ་ཆུང་གི་ཞལ་ནས། བླ་མ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་ཀྱི་བྱེད་པ་པོར་ངོ་ཤེས་དགོས་ཞེས་དང་། སྡེ་སྣོད་གསུམ་ཤེས་ཀྱང་བླ་མ་ལ་མོས་གུས་མེད་ན་ཕན་མེད། །ཅེས་གསུངས།
རྫོགས་པའི་སངས་རྒྱས་ཟེར་ན་བླ་མའི་ཐུགས། །
དམ་ཆོས་སྡེ་སྣོད་ཟེར་ན་བླ་མའི་གསུང་། །
འཕགས་པའི་དགེ་འདུན་ཟེར་ན་བླ་མའི་སྐུ། །
ཀུན་འདུས་བླ་མ་རྗེ་ལ་གསོལ་བ་འདེབས། །བླ་མ་ཚུལ་ཁྲིམས་བློ་གྲོས་དྲྭ་ལས་བཤུས།
དམ་ཆོས་སྡེ་སྣོད་ཟེར་ན་བླ་མའི་གསུང་། །
འཕགས་པའི་དགེ་འདུན་ཟེར་ན་བླ་མའི་སྐུ། །
ཀུན་འདུས་བླ་མ་རྗེ་ལ་གསོལ་བ་འདེབས། །བླ་མ་ཚུལ་ཁྲིམས་བློ་གྲོས་དྲྭ་ལས་བཤུས།
✋热门推荐