࿐གོ་ལ་ཟླུམ་པོའི་སྐྱེ་འགྲོ་ཡོད་དོ་ཅོག་དང་སྒོས་ཁ་བ་ཅན་པའི་བསྟན་སྲིད་ཆེད་དུ་ལུས་ལོངས་སྤྱོད་དུས་གསུམ་དགེ་ཚོགས་དང་བཅས་པ་ལེགས་པར་འཕུལ་གནང་མཁན་གྱི་རླབས་ཆེན་སྐྱེས་མཆོག །ཡང་དར་བསྟན་པའི་མེ་རོ་མཁའ་ལ་སྐྱོམས་པའི་ཤིང་རྟ། ༧ཀུན་གཟིགས་སྣང་བ་མཐའ་ཡས་རྗེ་བཙུན་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་དཔལ་བཟང་པོ་མཆོག་གཟུགས་སྐུའི་བཀོད་པ་ཆོས་དབྱིངས་སུ་ཐིམ་ཚུལ་བསྟན་ནས་བགྲང་བྱ་སོ་བཞི་འཁོར་བའི་རྗེས་དྲན་བསུ།[合十][合十][合十][合十][玫瑰][玫瑰][玫瑰][玫瑰]ང་ཡི་རྩ་བའིི་བླ་མ་ཁྱེད་མཁྱེན་[玫瑰][玫瑰][玫瑰]

༼རྒྱང་འབོད།

རི་ཆུ་སྟོང་ཕྲག་མང་པོའི་ཕ་རོལ་ནས།།
བརྩེ་བའི་འོད་ཟེར་འཕྲོ་བའི་ཟླ་བའི་ཞལ།།
རྗེན་པར་ཤར་བའི་མིག་ཟུང་ཆུ་ཐིགས་དེ།།
དབང་མེད་རྣམ་ཤེས་འདི་ཡི་ངོས་སུ་འཐོར།།

མ་བཅོས་བརྩེ་མདངས་ཕྱུག་པའི་བླ་མའི་འཛུམ།།
ཕྱི་གསལ་ནང་གསལ་འཛུམ་གྱིས་ཁེངས་པ་འདི།།
དྲན་པའི་རྣོ་སྐུད་དམར་པོའི་ཕྲེང་ཐག་ཡིན།།
ལུས་ཀྱི་བ་སྤུ་བརྒྱུད་དེ་སེམས་པ་འཁྱག།

སྙིང་གི་གཤོག་པ་དམར་པོ་རྡེབ་པའི་ཚེ།།
དྲན་པའི་སྙིང་གི་འབོད་སྐད་ཡང་ཡང་གཏོང་།།
ཚོར་བ་རླུང་གིས་ཟོས་པའི་བྱེ་ཐང་དུ།།
མིག་ཆུས་གཏམ་རྒྱུད་མང་པོས་སེམས་ལ་བབབ།།

ཁྱོད་དང་བྲལ་བའི་ལོ་ཟླའི་སྦྲེལ་མཚམས་སུ།།
ཤ་དང་རུས་པའི་ཟུག་པའི་བརྩེ་བ་ཉིད།།
སེམས་ཀྱི་བྲིས་པའི་རྟོག་འགྱུ་ཟབ་མོ་ཡང་།།
ཡིད་ཀྱི་དྲན་པ་རྒྱ་མཚོར་གཏིང་དུ་བབབ།།

ཟླ་འོད་ཁོ་ནས་འཐུང་བའི་གཙང་པོའི་འགྲམ།།
ཆུ་ལ་དྲན་པའི་སྣང་བ་དམར་པོ་བརྐོས།།
ཁྱོད་དང་བྲལ་བའི་ཚོར་ཤེས་རེ་རེ་ལ།།
ངུ་མ་དགོད་ཀྱི་གཏམ་རྒྱུད་རེ་རེར་བྲིས།

ཚོར་བ་རླུང་གིས་ཟོས་པའི་བྱེ་ཐང་དུ།།
ཟླ་འོད་འཁྱག་པ་འཁུར་བའི་རི་གྲོང་དུ།།
མིག་ཆུས་གཏམ་རྒྱུད་མང་པོས་སེམས་ལ་བབབ།།
དྲན་པའི་འཆར་སྒོ་འདི་ཡིས་སྣང་བ་བྲིས།།
࿐ལྷ་སའི་བྱམས་པ།

࿐ཀུན་གཟིགས་པཎ་ཆེན་ཐམས་ཅད་མཁྱེན་པ་རྗེ་བཙུན་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་མཆོག་གཟུགས་སྐུའི་བཀོད་པ་ཆོས་དབྱིངས་སུ་ཐིམ་ཚུལ་བསྟན་ནས་བགྲང་བྱ་༣༤འཁོར་བར་རྗེས་དྲན་ཞུ།