མིག་གི་རྒྱལ་མོས་མཐོང་བའི་འཇིག་རྟེན་དུ།།
ཡིད་དགའ་མྱོས་པའི་ལྟད་མོ་མང་ན་ཡང་།།
ཚབ་ཏུ་མེད་པའི་ཆང་གི་བྱིན་རླབས་ཅན།།
ཀུན་བཏགས་ཤོག་བུའི་དཔལ་གྱིས་ཚིམས་གྱུར་ཅིག།[鲜花]སྙུག་ལྷས།

སྙན་ངག་ཀློག་སྐབས་ཀྱི་སེམས་པའི་ལྟད་མོ།

ངས་ཤོག་བུ་སྲབ་བུ་ཞིག་ལས།
ཡི་གེའི་འདུ་འགོད་མཐོང་།
འོན་ཏེ་ངས་བར་གླེགས་ཤིག་ལ།
ཐག་རིང་ན་མེ་འོད་མཆེད་ཅིང་ཐག་ཉེ་ན་ཆུ་མོ་འཕྱུར་བ་མཐོང་།
ད་དུང་ཆུ་ཡི་བརླན་གཤེར་ལ་རོལ་བའི་མི་མཐོང་།
མེ་ཡི་འགག་འཕྲེང་ན་ཤི་བའི་རོའང་མཐོང་ཡོང་།
སྙན་ངག་ཀློག་དུས་ཀྱི་སེམས་ཨ།
སྙན་ངག་འབྲི་དུས་ཀྱི་སེམས་ཨ།
ཁྱེད་གཉིས་གླིང་ཀ་གཅིག་གི་མཛེས་ལྗོངས་ན་ཡོད་མེད་མི་ཤེས་མོད།
ཁྱེད་གཉིས་དོན་ངོ་མར་ནམ་མཁའ་གཅིག་གི་དགུ་ཚིགས་བརྒྱུད་ནས།
བྲག་དམར་གཅིག་གི་ཐེམས་པར་འབབ་ཐུབ་གྱིན་ཡོད་དམ།

ཞུ་གཤེགས་དགེ་བཤེས་བློ་བཟང་བསྟན་དར་གྱི་སྙན་ངག་འགའ་ཞིག་སྤྱན་འབུལ་ཞུས་པ།
ཁོང་ཉིད་སྐུ་གཤེགས་ནས་ལོ་འཁོར་བཞི་ལོན་པའི་རྗེས་དྲན་དུ།
ཐོབ་ཐང་། དགེ་བཤེས། རྩོམ་པ་པོ། སྙན་ངག་པ། ལོ་རྒྱས་སྨྲ་བ།
ཆེད་ལས། སི་ཁྲོན་ཞིང་ཆེན་དར་རྩེ་མདོའི་བོད་ཡིག་སློབ་གྲྭའི་གདན་ཞུའི་དགེ་རྒན།
ཕ་ཡུལ། སེར་ཤུལ། སློབ་སྦྱོང་གནང་ཡུལ། སེར་ཤུལ་དགོན།