མཁའ་ཡི་རྒོད་པོ་རྡུལ་གྱིས་ཀློང་དུ་བརླག།
ལྷོ་ཡི་མཚམས་སྤྲིན་དོག་མོ་ས་ལ་སྟིམ།།
འདི་ཡི་མིང་ལ་མཁའ་ལམ་འཕུར་བསྐྱོད་ཅེས།།
སྐྱེ་དགུ་ཡོད་དོ་སྟབས་བདེའི་དཔལ་ལ་ཆས།།

མདོ་སྔགས་བསྟན་འཛིན

ཕན་ཚུན་དགའ་ཞིང་བརྩེ་བའི་ཕོ་མོ་གཉིས་སོ་སོའི་དད་མོས་ཀྱིས་རྐྱེན་པས་མཉམ་དུ་བརྩེ་གདུང་གི་འབྲས་བུ་སྨིན་མ་ཐུབ་ན་ཇི་ལྟར་བྱ། གཅིག་པུས་”རྡོ་རྗེ་ཤུགས་ལྡན་”ལ་དད་མོས་བྱས་པའི་རྐྱེན་གྱིས་ཕར་ཕྱོགས་ངོས་ཀྱི་ཁྱིམ་མི་དང་གཉེན་ཉེས་མོས་མཐུན་མ་བྱས་ན་ཐབས་ཤེས་གང་ཡོད་དམ། ཡང་ན་ལས་དབང་གི་འདམ་དུ་ཚུད་པའི་ཕོ་མོ་ཟུང་ཁ་འབྲལ་དུ་གཏོང་རྒྱུ་ཡིན་ནམ། https://t.cn/ELYLrKb

སྟོན་པས་རྒྱལ་བྱེད་ཚལ་དུ་མགོན་མེད་ཟས་སྦྱིན་ལ་གདམས་པ།

ཇི་སྲིད་སྡིག་པ་སྨིན་གྱི་བར།།
སྡིག་ཅན་ཡིན་ཡང་བཟང་པོར་མཐོང་།།
གང་ཚེ་སྡིག་པ་སྨིན་གྱུར་པ།།
དེའི་ཚེ་སྡིག་པ་ཅན་རྣམས་མཐོང་།།

ཇི་སྲིད་བཟང་པོ་སྨིན་གྱི་བར།།
བཟང་པོ་ཡིན་ཡང་སྡིག་པར་མཐོང་།།
གང་ཚེ་བཟང་པོ་སྨིན་གྱུར་པ།།
དེ་ནས་བཟང་པོ་རྣམས་མཐོང་འགྱུར།།

བདག་ལ་དེ་ཡིས་ཅི་གནོད་ཅེས།།
སྡིག་པ་ལ་ནི་བརྙས་མི་བྱ།།
ཆུ་ཡི་ཐིག་པ་བབས་པ་ཡིས།།
ཆུ་བུམ་ཉིད་ཀྱང་གང་བར་འགྱུར།།
ཅུང་ཟད་ཅུང་ཟད་བསགས་པ་ཡིས།།
བླུན་པོ་སྡིག་པས་གང་བར་འགྱུར།།

བདག་ལ་དེ་ཡིས་ཅི་ཕན་ཞེས།།
བསོད་ནམས་ལ་ནི་བརྙས་མི་བྱ།།
ཆུ་ཡི་ཐིག་པ་འབབ་པ་ཡིས།།
ཆུ་བུམ་ཉིད་ཀྱང་གང་བར་འགྱུར།།
ཅུང་ཟད་ཅུང་ཟད་བསགས་པ་ཡིས།།
མཁས་པས་བསོད་ནམས་རྫོགས་པར་འགྱུར།།