#微博[超话]# ༄༅། །ལོ་བརྒྱ་ཐུབ་པའི་ཟས་ཡོད་ཀྱང་།།
ཤི་བའི་ནངས་པར་ལྟོགས་པར་འགྲོ།།
ལོ་བརྒྱ་ཐུབ་པའི་གོས་ཡོད་ཀྱང་།།
ཤི་བའི་ནངས་པར་གཅེར་བུར་འགྲོ།།

ད་ནི་འབྱུང་ལུས་འདི་ཡང་ལོ་ཟླས་རྒས་སོང་།།
སེམས་པ་རྣམ་གཡེང་འོག་ན་ཤི་ལ་ཁད་སོང་།།
ཟིན་དུས་མེད་པའི་བྱ་བ་ཡོངས་སུ་བསྐྱུར་ནས།།
དོན་དང་ལྡན་པའི་ལས་ལ་བརྩོན་ན་སྙམ་སོང་།།

࿑ འཕྲུལ་ཆས་འབའ་ཞིག་གིས་དབང་བསྒྱུར་བྱེད་བཞིན་པའི་བརྡ་འཕྲིན་དུས་རབས་འདིའི་སྐབས་སུ་མིའི་རིགས་ཀུན་པོའི་ནང་སེམས་ནི་ཁེར་ཧྲེང་དང་། ཟ་ངི་ཟིང་ངི་། འ་རེ་འུར་རེ། བརྣབ་སེམས་ཕྲག་དོག སྒེར་གཅོད་ཀྱི་ཧམ་པ། དམངས་གཙོ་རང་དབང་དང་བྲལ་བའི་བྱ་སྤྱོད། འགྲན་སེམས། སྐྱོ་སྣང་གིས་མནར་ཡོད། ང་ལའང་མི་སྡུག་པ་དེ་ལྟ་བུའི་ཁེངས་ཡོད་པས་ཉིན་འདི་དག་གི་ཞར་ཞོར་ལ་སེམས་པ་བག་ལྷོད་ཀྱི་ཁུད་དུ་བཞག་ནས་ཡོངས་དགེ་མི་འགྱུར་རིན་པོ་ཆེ་ལགས་ཀྱིས་རྟོག་དཔྱོད་ཀྱི་གོ་རྟོགས་ཐན་ཐུན་ཞིག་རྒྱས་འགྲེལ་བགྱིས་པའི་ཟོལ་ཙམ་བསྟན་པ་མ་ཡིན་པར་ཁོང་གི་སྒོམ་ཉམས་ལེན་གྱི་ཉམས་མྱོང་གཞིར་བཞག་ནས་སྒོམ་གྱི་མྱོང་ཁྲིད་བགྱིས་པའི་དགའ་བའི་འཚོ་བ་ཞེས་པའི་དེབ་མཆོག་འདི་ཉིད་སླད་དུ་བཀླག་པར་ཚུགས་ནས་ད་ལྟ་རྐང་ནས་བཀླགས་པར་གྲུབ། སྤྱིར་བཏང་ཉེ་བའི་ལོ་འདི་དག་གི་རིང་ལ་སྒོམ་རོབ་ཙམ་རོབ་ཙམ་རེ་བརྒྱབ་པ་ཡིན་ལ། བླ་མ་གཞན་གྱིས་ཀྱང་རོབ་ཙམ་རོབ་ཙམ་རེའང་ཁྲིད་མྱངས། འོན་ཀྱང་། སྒོམ་ཁྲིད་པ་པོ་དང་། ཉམས་ལེན་པ་རང་བཅས་སུ་ལ་ལན་སོང་བར་མི་ཤེས་རུང་སེམས་སུ་ལྷུང་ཤག་ཤག་ཞིག་རེད་མ་སོང་། ལྷག་ཏུ་སྒོམ་ཉམས་ལེན་གྱི་ཐིག་པོ་དང་། དེའི་ཕྱོགས་ནས་ཤེས་བྱ་ལེགས་པོ་ཅིའང་མེད་པའི་ང་ལ་ད་ཐེངས་རིན་པོ་ཆེ་ཁོང་གི་དེབ་མཆོག་འདི་ཡིས་ཕན་ཐོགས་ཀྱི་ནུས་ཤུགས་ཆེ་བོ་ཞིག་སྟེར་སོང་། ཕན་ནུས་དེ་ཡིས་འཚོ་བའི་ནང་ལ་བདེ་སྣང་དང་། མཁོ་སོད་པའི་ཚོར་བ་ཞིག་སྟེར་སོང་། མ་གཞི་སྒོམ་གྱི་ཕན་ནུས་ནི་གནས་སྐབས་ཀྱི་བདེ་སྣང་སྟེར་བ་ཙམ་མ་ཡིན་པར་སོ་སོའི་བསམ་བློའི་ལྟ་སྟངས་དང་། དེ་དང་འབྲེལ་ཡོད་ཀྱི་ཀླད་པའི་དབང་རྩ་མ་ལག་དང་བཅས་པའི་བཀོད་པ་དེ་རྩ་བ་ནས་འགྱུར་ལྡོག་གཏོང་ཐུབ་པ་ཚན་རིག་བརྟག་དཔྱད་པ་ཚོས་བདེན་དཔང་ར་སྤྲོད་བྱས་འདུག་ཨང་། གང་ལྟར། གཞུག་ནས་ཉིན་རེ་རེའི་ནང་། ཡང་ན་ནི་གཟའ་འཁོར་རེ་རེའི་ཁུད་དུ་མཐའ་གཅིག་ཏུ་སྒོམ་ཐུན་གཅིག་ལ་རོལ་ནས་རང་སེམས་ཀྱི་འཕྲོ་འདུ་ཀུན་པོ་སྒོམ་ཁོ་ནས་ཟིན་པར་བྱ་རྒྱུ་ཡིན། འདི་ནི་ད་ལོའི་འགན་ཁུར་གཞན་ཞིག་ཀྱང་ཡིན། མཐར། གྲོགས་པོ་དག་གིས་ཀྱང་རང་སེམས་ལ་འདུལ་སྦྱོང་རོབ་ཙམ་རེ་བགྱི་འོས་པའི་ལུགས་སུ་གནས་པ་ཤེས་རྟོགས་བྱུང་རྒྱུ་གལ་འགངས་ཆེའོ། །

ཤིས་ཨན་གྱི་ཁ་ཆེའི་སྲང་ལམ་འདི་ལ་ཧུའུ་རིགས་ཀྱིས་བདག་གཉེར་བྱས་པའི་ཟ་ཁང་དང་མགྲོན་ཁང་མང་པོ་ཡོད་ཅིང་།སྲང་ལམ་འདི་ནས་ཡུལ་སྐོར་པ་དག་ཁོ་ཚོའི་གཡོ་འོག་ཏུ་ཚུད་ཅིང་མགོ་སྐོར་ཐེབས་པའི་གནས་ཚུལ་མང་པོ་བྱུང་མྱོང་ཡོད་འདུག་ཀྱང་།ས་གནས་སྲིད་གཞུང་གིས་དག་ཐེར་དང་ལེགས་བཅོས་ཚགས་སུ་ཚུད་པ་ཞིག་ཡེ་མ་བྱས་པར་བརྟེན།
ཁྲམ་པ་མགོ་བདེ་ཚོས་སྔར་བཞིན་ངན་སྲོལ་རྒྱུན་སྐྱོང་བྱས་ནས་ཡུལ་སྐོར་པ་དག་གསོན་ལྤགས་སྦུག་བཤུ་བྱེད་གང་ཐུབ་བྱེད་ཀྱིན་ཡོད་པར་བཤད་ལ།
བོད་པ་མང་ཆེ་བའང་ཤིས་ཨན་ལ་སླེབས་འཕྲལ།ཐོག་མར་ཁ་ཆེའི་སྲང་ལམ་འདི་ལ་འགྲོ་ནས་ཟ་འཐུང་བྱེད་སྲོལ་ཡོད་འདུག་ན།གྱོང་དང་མགོ་སྐོར་ཅི་རིགས་རག་ཡོད་པ་ནི་བསམ་བློ་ཅུང་ཙམ་བཏང་ན་ཧ་གོ་ཡོང་ས་མ་རེད་དམ།
ད་རེས་ཀྱི་གནས་ཚུལ་འདི་དྲྭ་ཐོག་ནས་རྒྱལ་ཡོངས་ལ་རྒྱ་ཁབ་ཏུ་སྒྲོག་གིན་འདུག་སྟབས།ཕལ་ཆེར་ཁོ་ཚོའི་མི་དང་དཔལ་འབྱོར་གཉིས་ཀར་བརྡབ་གསིག་མི་ཆུང་བ་ཞིག་ཕོག་ཡོང་བའང་སྲིད།