疫情放开后第一个花市。真系人山人海，根本就买唔到花，人多到无法想象[允悲][允悲][允悲]西湖花市我第一次逛果时我就话呢世我都唔想再逛，今次逛完，下世都唔想再嚟第二次[悲伤][悲伤][悲伤]人地系被人推着行，仲夸张过地铁。最后还是去光明广场排队食火锅，回家收到粤北同事寄嚟的特产——香芋马蹄。早知道我就直接叫佢寄回白云啦，听日摞翻去，我会癫噶，重到[允悲][允悲]#西湖花市#

陳奕迅新歌《盲婚啞嫁》MV真情流露 邀蔡思韵拍15分鐘劇場版

陳奕迅(Eason)繼《人啊人》之後，推出新歌《盲婚啞嫁》並邀請曾合作嘅女主角蔡思韵一齊拍新歌MV，新歌更有一個長達15分鐘嘅劇場版，由Eason、蔡思韵、谷祖琳及吳肇軒等演出一個穿越時空嘅感人微電影 。

《盲婚啞嫁》歌曲劇場版講述Eason係一位攝影師，太太離世後，點樣走出傷痛陰霾嘅故事。歌詞內容意思係指人生如戲，劇本前世今生已定，只能順著劇本走下去，人生就好似「盲婚啞嫁」一樣，開始時大家唔認識彼此，莫講夫妻、父母兄弟姐妹都係出生前一早已揀定人選，當中是喜是悲，控制喺自己呢位主角嘅心態。一切擁有過、失去過，兜兜轉轉間，有緣又會再重聚。

Eason 再次與蔡思韵合作，佢當然十分開心，發覺蔡思韵長大咗，做戲更自然及有味道，「因為之前合作過，所以冇陌生感覺，覺得幾好呀真係……今次人人都做得好好，得我一個演得唔夠好囉。」

MV 中見到Eason 又喊又笑，非常投入兼演出戲味，Eason指係剪接剪得好：「導演好啦，(你對住張空床，同攝影機喊晒，滴晒真眼淚喎 ) 係呀，真係滴晒真眼淚，拍攝場地其實好多人，可能個景set得好靚，好懷舊，幫到好大忙，係個景入面，咪自己走埋一角，諗吓如果一個咁開心，咁樂觀伴侶離開自己會點，諗諗吓，叫我埋位，眼淚就自然咁流咗落嚟。不過講演技，我真係仲有好多野要學，仲有好大進步空間。」

呢次MV更有一個15分鐘劇場版，似足微電影，稍後會喺網上發佈畀大家觀看，Eason表示微電影都係導演構思，反正拍一個故事，不如就拍多一個劇場版，所以拍咗兩日，但係做得好開心，亦有滿足感。

明报OL：顾嘉煇逝世｜顾志和指爸爸盼“狮子山下”愈来愈好 煇哥身后事低调处理

音乐大师顾嘉煇（煇哥）在加拿大离世，享年92岁。煇哥儿子顾志和接受TVB《娱乐新闻台》越洋访问，顾志和表示爸爸身体状况一直几健康：“係最近2﹑3星期有啲併发症，同埋好似好容易好攰，大部分时间瞓喺牀，佢一路身体都几强壮，食嘢好正常，几有幽默感。

（医生判断煇哥什麽事？）年纪开始大，再加埋入院有少少呼吸困难，有啲痰，加埋92岁身体，医生话好多嘢喺呢个年纪变得好快，我哋每日都有探佢，寻晚忽然恶化，今朝早收到电话，医生打电话嚟叫我哋嚟睇睇，佢情况有少少恶劣，呼吸时要用氧气，我哋去到之后冇几耐，捉住佢隻手好Warm，但好快就慢慢停止呼吸，发生得好突然。”

问到爸爸煇哥有没有未了心愿？顾志和说：“我相信佢最大愿望係‘狮子山下’愈嚟愈好，因为你知香港九几年之后好多事发生，经济各样同黄金时代有少少唔一样，但香港人好有Resilience（复原力），佢人生大部分时间都喺香港，梗係希望香港会愈嚟愈好。”

至于煇哥后事如何安排？顾志和说：“仪式喺温哥华举行，仍然筹备中。（考虑在香港办追思会？）暂时冇咁嘅考虑。（低调处理？）冇错。”

自从煇哥在2015年举行荣休演唱会后，便移居加拿大生活，表现相当低调，顾志和说：“佢完成最后演唱会后，返嚟加拿大，平淡﹑安乐又几开心嘅一种生活，佢锺意画画，喺网上摷嘢嚟睇，朝早听歌，中西歌佢都听。”

曾献唱煇哥经典金曲《啼笑因缘》的仙杜拉，对恩师离世感突然和震惊，她说：“好突然，唔係好相信，又失咗一个人才，失咗恩师，我同煇哥好熟，好唔捨得佢，好Sad。以前同煇哥成日合作，佢好好，好惜我，畀好多电视剧集主题曲同广告歌畀我唱。（最深刻哪道歌？）《啼笑因缘》，呢首歌好紧要，唔知道咁受欢迎，如果想完骚，一定要唱《啼笑因缘》先畀走。”