(*☻-☻*)
“འདབ་ཀྱིས་བཟོས་པའི་ཡབ་མེས་ཀྱི་དུར་ས
ཆུ་ལས་གྲུབ་པའི་ཁྱོད་ཀྱི་ནང་སེམས་འཁྱག་པ
འདི་དག་གིས་དུས་གཅིག་ཏུ་འཚང་ཁ་བརྒྱབ་སྟེ
ངའི་སྡུག་བསྔལ་གྱི་མེ་ལྕེ་དང
བདེ་སྐྱིད་ཀྱི་ཆབ་རོམ་བཞུ་བར་བྱེད།”

࿐ ལྷ་རིགས་འཁོན་གྱི་གདུང་རྒྱུད་ལས་མཆེད་པའི་དཔལ་ས་སྐྱའི་སྲིད་དབང་ནི་བོད་ལ་བསྟན་པ་ཕྱི་དར་གྱི་དུས་སུ་བོད་ཆོས་སྲིད་གཉིས་ཀྱི་ཆར་གོ་གནས་མཐོན་པོ་བསུབ་དུ་མེད་པ་བཟུང་མྱོང་ལ། གནས་འདིར་གནས་ལྔའི་པཎ་ཊི་ཏ་ཐོག་མ་བྱོན་པ་དང་ཆེན་པོ་ཡོན་གོང་མའི་སྲིད་དབང་ལ་ཁ་ལོ་བསྒྱུར་བཏུབ་པའི་གོང་མའི་དབུ་བླ་ཡང་གང་མང་འཁྲུངས་མྱོང་། བོད་ཁྲི་སྐོར་བཅུ་གསུམ་ལ་དབང་ཁ་གཅིག་ཆོད་ཀྱི་ཁྲི་དཔོན་དང་སྟོང་དཔོན་སོགས་དཔོན་གྱི་རིགས་ཆེ་འབྲིང་ཆུང་ཡང་ཟམ་མི་ཆད་པར་བསྐོས་མྱོང་། གང་ལྟར་གནས་འདི་ནི་བོད་ཀྱི་ལོ་རྒྱུས་ཀྱི་གྲུབ་ཆ་གལ་ཆེན་ཞིག་དང་ཡང་སྒོས་སུ་ཡང་དར་བསྟན་པའི་ལོ་རྒྱུས་ཁྲོད་མཛད་རྗེས་རླབས་ཆེན་བཞག་ཡོད་ནི་འོག་གི་རི་རབ་ལས་དཔངས་མཐོ་ཞིང་གཏོས་ཆེ་བའི་དཔལ་ས་སྐྱའི་ཆོས་བརྩེགས་བྲག་རི་མ་ཡིས་ཀྱང་མཚོན་ཐུབ།

མེ་ཏོག་འདབ་བརྒྱ་གྲོལ་བས།།
​ང་རང་དགའ་དགོས་བྱུང་སོང་།།
​འདབ་ལོ་རླུང་གི་ཁུར་དུས།།
​ང་རང་སྐྱོ་དགོས་བྱུང་སོང་།།
​
​ལས་དབང་དཀར་ནག་ཁྲ་གསུམ།།
​སྣང་བའི་རི་མོར་འཆར་འོང་།།
​སེམས་ཀྱི་དགའ་སྐྱོ་ཆགས་གསུམ།།
​ཞེ་ཡི་སྒྲུང་ཐུང་ཡིན་སོང་།།
​
​