ཉམ་ཆུང་བ་ནི་དགྲ་ལས་གཡོལ།
སྟོབས་ལྡན་མིས་ནི་དགྲ་ལ་འཐབ།
མཁས་པས་དགྲ་བོ་གྲོགས་སུ་བཀུག
弱者选择逃避，
强者选择挑战，
智者化敌为友。

ཉམ་ཆུང་བ་ཡིས་འཁང་ར་བྱེད།
སྟོབས་ལྡན་མི་ཡིས་བཟོད་པ་སྒོམ།
མཁས་པས་རྒྱུན་དུ་ཁོང་ཡངས་མཛད།
弱者选择埋怨，
强者选择修忍，
智者选择包容。

ཉམ་ཆུང་བ་ནི་ཉོན་མོངས་ཡུལ་ལས་བྲོས།
སྟོབས་ལྡན་གྱིས་ནི་རང་སེམས་ཉོན་མོངས་འདུལ།
མཁས་པས་ཐབས་ཀྱིས་ཉོན་མོངས་ལམ་དུ་བསྒྱུར།
弱者选择逃避对境，
强者选择对治烦恼，
智者选择转为道用。

_______ཐེག་མཆོག་བསྟན་འཛིན་གྱིས་བརྩམས།
_______✍️太桥旦曾 著、译

བཅུ་གསུམ། བོད་ཀྱི་རོང་ཆེན་བཞིའི་ཡ་གྱལ་ཉག་ཨ་ཛི་རོང་གི་ཟླ་བཅུ་གཉིས་པའི་ཚེས་བཅུ་གསུམ་ལ་ལོ་གསར་རོལ་བས་དེ་ལྟར་བཅུ་གསུམ་ཞེས་མིང་ཐོགས་པ་ཡིན། ལོ་རྒྱུས་བླ་མའི་རྣམ་ཐར་དང་དཔའ་བོའི་མཛད་རྗེས་སོགས་འབྲེལ་བ་མི་འདྲ་བ་མང་པོ་ཞིག་གསུང་གི་འདུག

གང་ལྟར་ཆེས་ཡུན་རིང་ཞིག་ནས་དར་ཏེ་ད་ལྟའི་བར་རྣམ་པ་ཙམ་ཡང་མ་འགྱུར་བ་གནས་ཡོད།
ཕ་ཡུལ་ཉག་ཨ་ཛི་རོང་གི་ཡུལ་མི་སྤུན་ཟླ་རྣམ་པ། བཅུ་གསུམ་ལ་བཀྲ་ཤིས་བདེ་ལེགས་ཞུ། https://t.cn/EXac8km

ལགས་པ་བྲང་ཁར་བཞག་ནས་འདང་ཞི་མོ་ཞིག་བརྒྱབ་ན། རྐྱེན་ཁ་ཤས་སམ་བྱ་དངོས་པོ་འགའི་དབང་གི་ཁྱེད་ཉིད་རྒྱང་རིང་རྒྱང་རིང་ཞིག་ལ་ཆས་ཏེ་བར་ཐག་ཇེ་རིང་དུ་བཞུད་སོང་། ང་ནི་ཤུལ་ལུས་ཀྱི་དྭ་ཕྲུག་ཅིག་ལས་མ་འདས། མིག་ཟུང་གཙུམས་ཏེ་འདས་ཟིན་པའི་ཕོ་ལོ་ཉི་ཤུ་ཡི་བྱ་གཞག་ལ་རེ་ཞིག་བསམ་བློ་འཁོར་ན། འུ་གཉིས་དྭངས་གཙང་གི་ཆུ་གཞུང་ལ་འཛོམས་དུས་ཀྱི་མཚར་སྡུག་གི་རྨི་ལམ་ཐུང་ཐུང་དང་མཚུངས།

ལོ་ཡི་དུས་འཁོར་བཞི་དང་། ཉི་མཚན་ཀུན་སྒེའུ་ཁུང་གི་འགྲམ་ངོགས་ནས་རྒྱང་ལ་ལྷིང་འཇགས་ཀྱི་ངང་ནས་ལྟ་བཞིན། ཁྱོད་ཀྱི་གོམ་སྒྲ་དང་གཟུགས་བརྙན་འདྲ་རྣམ་སོགས་ལ་ལྟ་བཞིན་ངས་ཁྱོད་སྒུག་ཡོད་།

བདེན་པ་སྨྲས་ན། དྲན་པའི་རེ་སྒུག་དང་དུང་བའི་ན་ཟུག་སོགས་གཟོད་ཐབས་དབེན། བདེན་པ་སྨྲས་ན། ཁྱོད་སོང་ཤུལ་ལ་དྲན་གདུང་དང་སྐྱོ་གཏམ་ལས་ཅི་ཞིག་ལྷག་ཡོད། སྐྱོ་སེམས་ཀྱི་ཁེངས་བའི་དུས་སུ། སྐྱོ་གཏམ་ཡོད་ཚད་འཕྲིན་ཡིག་བྱེད་དེ་ཁྱེད་ཕྱོགས་སུ་བསྐུར་ཆོག་ཀྱང་། ངས་སླར་ཡར་མིག་ཟུང་གཙུམས་ཏེ་འདང་ཞི་མོ་ཞིག་བརྒྱབ་ན། ཐག་རིང་དུ་བཞུད་པའི་ཁྱེད་ཉིད་ནི་ཁྲ་ཆུང་མིག་གི་ལྟ་ས་དང་ཡ་ཆུང་དྭངས་གཙང་གི་སེམས་སུ། མཚོ་མོའི་རྦ་རླབས་ལྟ་བུའི་སྡུག་བསྔལ་མང་པོ་ཞིག་གསང་སྟབས་ཀྱི་མཆིལ་ཡོད་སྲིད།

རྒྱུ་མཚན་དེའི་ཕྱིར་དུ། ངས་ཁྱོད་ལ་ཁ་ཞེ་གཉིས་མེད་ཀྱི་ངང་ནས་དགོངས་དག་ཞུ་འོས།

རྒྱུ་མཚན་དེའི་ཕྱིར་དུ། ངས་ཞོགས་པའི་ཉི་འོད་དང་མཚུངས་བའི་འཕྲིན་ཡིག་ཅིག་གསང་སྟབས་ཀྱིས་བསྐུར་འོས།

ཡར་ལྟས་ན་ནམ་མཁའི་སྤྲིན་པ་ནག་ནོག་ནོག

མ་ལྟས་ས་གཞི་མེ་ཏོག་སྐྱ་ལྷང་ལྷང་། ཨེ། སྙིང་ཉེ་ངའི་སྙིང་གི་གུར་ཁང་ན་སྒྲོན་དཀར་བཞིན་འཛུམ་དམུལ་ལེར་བཞུགས་ཡོད་པའི་ངའི་ཐེག་ལེ་ཀྱེ། ཁྱོད་དང་བྲལ་བའི་ལོ་ཟླ་ནང་། ངས་རྒྱང་དུ་བཞུད་པའི་ཁྱོད་ལ་ང་ལ་ཅི་ཡང་མེད་ཞེས་བརྗོད་མི་སྲིད། ཁྱེད་ཉིད་མེད་པའི་ལོ་ཟླའི་ནང་དུ་ང་ལ་སྐྱོ་གཏམ་དང་ཡོད་། ང་ལ་དྲན་གདུང་ཡོད།

ང་ལ་མིག་ཆུ་ཡོད། ང་ལ་་་་་་
࿐གུས་པ་ཆོས་ཕྲུག་གཅེས་ལོ་ནས་སྟོང་ཉིད་མཚོན་བྱེད་དུ་ཕུལ། https://t.cn/EXac8km