ཕ་དམ་པའི་ཞལ་ནས། བོད་ཀྱིས་ཆོས་བཤད་པ་ལ་ཤི་སྙམ་པ་གཅིག་ཀྱང་མི་སྣང་ལ། ལུས་པ་ནི་གཅིག་ཀྱང་མ་མཐོང་། ལར་སེར་གོས་གྱོན་ནས་ནོར་བསགས་པ་ལ་དགའ་ཚད་བྱེད་པ་འདིས་འཆི་བདག་གཤིན་རྗེ་ལ་ཟས་ནོར་འཇལ་བ་ཨེ་ཡིན་སྙམ། ནོར་བཟང་བཟང་ཐམས་ཅད་ཚགས་བྱེད་ལུགས་ལ་དམྱལ་བ་ལ་ལྐོག་འདུན་འཇལ་བ་ཨེ་ཡིན་སྙམ། བོད་ཀྱི་ཆོས་པ་འདི་ཚོ་མཐོང་ན་དགོད་རེ་བྲོ་ཧ་ཧ། ཐོས་པ་སུ་ཆེ་ང་རྒྱལ་ཆེ། །སྒོམ་པ་སུ་བཟང་ཟས་ནོར་གསོག །དབེན་པ་སུ་བསྟེན་འདུ་འཛི་མང་། །རང་ཡུལ་གང་སྤངས་ངོ་ཚ་མེད། །དེ་ཚོ་ཆོས་ལ་དྲེད་པ་ཡིན། །དེ་ཚོ་སྡིག་ལ་དགའ་བ་ཡིན། །ཕ་རོལ་བོ་ཤི་བ་མཐོང་ཡང་རང་འཆི་བ་མི་ཤེས་པས་ལེ་ལན་དང་བོ་དེ་ལ་ཐུག་ཅེས་གསུངས། https://t.cn/R2WxDi7

ལོ་སར་གྱི་ཚེས་ཆེན་བཅོ་ལྔའི་ཉིན་གཏེར་ལུང་དགོན་དུ་མཆོད་མཇལ་ལ་ཕྱིན། ཁོང་བསེ་མཆོག་སྤྲུལ་རིན་པོ་ཆེའི་ནང་ཆེན་གྱི་སྐུ་དབོན་ལགས་དང་གཏེར་ལུང་དགོན་གཞུང་ནས་སྦྱིན་པའི་བདག་པོ་གཙོ་གྲས་དང་ཁོང་རིན་པོ་ཆེའི་ཞབས་ཞུ་ཕྲན་ཙམ་བསྒྲུབ་པའི་ལས་འབྲས་སྨིན་རྒྱས་སུ་གྲུབ་པའི་འབྲས་རྟགས་སུ། ཡབ་རྗེ་བླ་མ་བསེ་རྡོ་རྗེ་འཆང་དྲུག་པ་ཆེན་མོ་མཆོག་གི་སྐུའི་གདུང་ཙྪའི་འདྲ་སྐུ་བྱིན་ཅན་དང་སྐུ་གཟུགས་སྣ་ཚོགས་ཀྱི་རྟེན་སྐལ་ཆ་ཚང་བ་དང་ལྷ་དར་སོགས་བསྩལ་བྱུང་བ་འདི་ཨེ་མ་ཧོ་རྨད་བྱུང་སྐལ་བ་བཟང་ཨང་།

六世赛仓活佛舍利像

ལས་ཀྱིས་བསྡུས་པའི་གཅེས་པའི་ཕ་མ་དང་།།
ཉེ་དུ་འགའ་ཤས་ལྷན་ཅིག་གནས་འདིར་འཛོམས།།
དད་པའི་ལྷ་ཕྱག་དང་བཅས་སྤྲོ་དགའི་ངང་།
གཏམ་གླེང་མང་པོས་ཡིད་སེམས་སྤྲོ་བས་བརྟས།།

ཁྱད་འཕགས་ཡུལ་འདིར་མཆོད་མཇལ་བགྱིད་ཞོར་དུ།།
སྐྱེ་བར་མཇལ་བའི་སྨོན་ལམ་གཙང་མ་བཏབ།།
བརྩེ་བའི་ཕ་མ་ཟུང་དང་གཉེན་ཉེ་དག།
འདི་ཕྱིར་བདེ་ཞིང་སྐྱིད་པའི་རྟེན་འབྲེལ་ཡོད།། https://t.cn/A6im6nu8