࿑གུང་ཐང་བསྟན་པའི་སྒྲོན་མེའི་ཞལ་གདམས།

ལས་ཀྱི་བསྡུས་པའི་ཕ་ཡུལ་ཉེ་དུ་ཀུན།།
བཞག་སྟེ་རྒྱང་རིང་ཡུལ་དུ་སོང་ན་ཡང་།།
རྒྱུས་མེད་ཡུལ་ནས་དོན་མེད་མཛའ་བཤེས་སོགས།།
བསྡུས་ཏེ་རྣམ་གཡེང་བྱེད་པ་སྨྱོན་པ་ཡིན།།
འོངས་དོན་ཐོས་བསམ་ལས་ལ་སྒྲིམས་ཤིག་ཨང་།།


ཀུན་སྤྱོད་གཙང་བས་གཞན་གྱི་ཡིད་དུ་འཐད།།
སྨྲ་བ་ཉུང་བས་ཕོག་ཐུག་གཡེང་བ་མེད།།
དད་བརྩོན་དྲན་ཤེས་བརྟན་པོས་ཉིན་རེ་བཞིན།།
ཡོན་ཏན་ཡར་ཚེས་ཟླ་ལྟར་འཕེལ་འགྱུར་བས།།
སྒོ་གསུམ་བག་དང་ལྡན་པར་གྱིས་ཤིག་ཨང་།།


དོན་གྱི་རྒན་པོ་ཚིག་གི་འཁར་བ་ལ།།
བརྟེན་ཕྱིར་གཞུང་ཚིག་བློ་འཛིན་མི་བྱེད་པར།།
དཔེ་ཀློག་ཙམ་དང་ངག་སྒྲོས་ཐན་ཐུན་གྱིས།།
ཉིན་རེ་འགྲོ་ཐབས་དེས་ཀྱང་མི་ཕན་པས།།
དཔེ་འཛིན་སྐྱོར་སྦྱངས་ཡུན་དུ་གྱིས་ཤིག་ཨང་།།


གཞུང་ཚིག་མང་དུ་བཟུང་སྟེ་བསྐྱར་ན་ཡང་།།
དོན་ལ་མི་སེམས་རིམ་གྲོའི་ཆོས་ཀློག་དང་།།
ནེ་ཙོའི་འདོན་པ་ལྟ་བུ་བརྒྱ་ཚར་གྱིས།།
བརྗོད་བྱའི་གནད་ལ་སྒྲོ་འདོགས་མི་ཆོད་པས།།
དོན་ལ་བརྟག་དཔྱད་ཟབ་མོ་གྱིས་ཤིག་ཨང་།།


ཉིན་རེར་ཟས་ཀྱང་མི་དྲན་བརྩོན་འགྲུས་རྩོམ།།
ཞུགས་མ་ཐག་ནས་མཁས་པའི་གོ་འཕང་འདོད།།
ཞག་གསུམ་ལོན་ཚེ་རྗེས་མེད་གཡེང་བས་ཁྱེར།།
དེ་འདྲ་དེ་ལ་ཅི་ཡང་མི་ཡོང་བས།།
བརྩོན་པ་ཆུ་བོའི་རྒྱུན་བཞིན་བསྟེན་ཞིག་ཨང་།།


སྐྱོན་ཡོན་བླང་དོར་རང་གིས་མི་འབྱེད་པར།།
གྲགས་སྐམ་འུད་ཀྱི་རྗེས་སུ་འབྲང་ན་ཡང་།།
ཉེས་སྐྱོན་སུ་ཡིས་ལག་པས་མི་སེལ་ལ།།
ཡོན་ཏན་སུས་ཀྱང་ཁ་རུ་མི་ལྡུག་པས།།
བླུན་པོ་ཆུ་སྣ་གར་ཁྲིད་མ་བྱེད་ཨང་།།


རང་རང་གཞུང་གི་བརྗོད་བྱ་དགོས་དོན་སོགས།།
མ་མཐོང་ཤགས་འགྱེད་ཚིག་འཁྲི་སྐམ་པོ་དང་།།
རིག་པས་དཔྱད་པ་མི་བཟོད་གོ་ཐོབ་ཀྱི།།
བམ་བཤད་འདིས་ཀྱང་བརྡར་ཤ་མི་ཆོད་པས།།
གོ་རིམ་ཟུང་དུ་འབྲེལ་བར་སྦྱོངས་ཤིག་ཨང་།།


དཀའ་བས་བསགས་པའི་མང་ཐོས་ནོར་བུ་ཡང་།།
བརྗེད་ངས་རྐུན་པོས་དལ་གྱིས་འཇོམས་བྱས་ཏེ།།
རིན་ཆེན་གླིང་ནས་སྟོང་པར་ལྡོག་སྲིད་པས།།
རྒྱུན་དུ་གོམས་འདྲིས་དྲན་ཤེས་བརྟན་པོ་ཡིས།།
གང་ཤེས་བརྗེད་པ་མེད་པར་གསོག་ཅིང་ཨང་།།

རྗེ་བཙུན་སྒྲོལ་མའི་དུས་ཆེན། 至尊度母殊胜日
࿑དེ་རིང་ནི་ཚེས་ཉེར་ལྔ་སྟེ་རྗེ་བཙུན་སྒྲོལ་མའི་དུས་ཆེན་ཡིན་པས།ཀུན་གྱིས་སྦྱོར་བ་སེམས་བསྐྱེད་དམ་པ་དང་།དངོས་གཞི་དམིགས་མེད་དམ་པ།མཇུག་བསྔོ་བ་དམ་པ་སྟེ་དམ་པ་གསུམ་གྱིས་རྩིས་ཟིན་པའི་སྒོ་ནས་རྣམ་དཀར་དགེ་བའི་ལས་ལ་འབར་པར་འཚལ།今天是藏历十二月二十五日（2月15日）十方空行母等至尊圣度母的殊胜加持日，无论行善与恶都会变动一千一百万倍。值此殊胜日请广行善业、吃素、放生、供灯、持咒、诵经等，功德回向一切众生。
རྗེ་བཙུན་འཕགས་མ་སྒྲོལ་མ་ཁྱེད་མཁྱེན་ནོ།།
杰怎帕玛卓玛切钦诺
至尊度母您垂念
འཇིགས་དང་སྡུག་བསྔལ་ཀུན་ལས་བསྐྱབ་ཏུ་གསོལ།།
结当德啊根类嘉德所
祈求救脱诸苦难
ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ།
嗡 达热 德达热 德热 娑哈

࿑ ཉིན་གཉིས་ཀྱི་སྔོན་དུ་ཚན་རྟོག་གློག་བརྙན་ཨ་ཝ་ཏཱར་(Avatar)ལེའུ་དང་པོ་རྩིས་འཕྲུལ་ལས་བོད་སྐད་ཀྱི་ལམ་ནས་བལྟས་རྗེས་ངོ་མཚར་བསྐྱེད་པའི་བརྗོད་དོན་མང་པོས་སྐབས་ཀུན་ཏུ་དགའ་བ་ཁོ་ན་འཕེལ་བར་བྱས་པའི་རྐྱེན་གྱིས་དོ་རྒོངས་ཁྲིན་ཏུ་ནས་གྲོགས་པོ་གཉིས་དང་ལྷན་དུ་བརྙན་ཞེན་པ་མང་པོས་ལོ་ངོ་བཅུ་གསུམ་ལ་ངང་སྒུག་བྱས་ཤིང་། ཉེ་ཆར་གསར་དུ་ཐོན་པའི་ཨ་ཝ་ཏཱར་ཆུ་ལམ་ཞེས་པའི་ལེའུ་གཉིས་པ་གློག་བརྙན་ཁང་ནས་བལྟས་པ་ཡིན། གློག་བརྙན་འདིིའི་རིང་ཚད་ཤིན་ཏུ་རིང་བས་སྐབས་ཤིག་ལ་ཟུར་གྱི་ལྟད་མོ་པ་མང་ཤོས་གཅིག་རྗེས་གཉིས་མཐུད་བྱས་ཏེ་བཤང་གཅི་འདོར་དུ་རྒྱུག ངའང་ཁོ་ཚོ་ནང་བཞིན་གསང་ཆབ་ཤོར་གྲབ་བྱས་རུང་ཨམ་གཙིགས་བསྡམས་ནས་སྲོན་པ་ཡིན། ཧ་ཧ། མི་ཚེ་འདིར་གློག་བརྙན་བལྟས་པ་དག་ལས་འདི་ནི་ཆེས་ཆར་ཚད་རིང་བའི་གྲས་ཤིག་ཡིན། མ་གཞི་གློག་བརྙན་འདིའི་རབ་གཉིས་ཀས་གློག་བརྙན་གྱི་ཐུན་མོང་མ་ཡིན་པའི་མྱོང་བ་གཞན་ཞིག་ཚོར་དུ་བཅུག་སོང་། བལྟས་ཡོང་ན་འོ་སྐོལ་མིའི་རིགས་ཀྱི་ཐོན་ཁུངས་གོ་ལ་གཞན་ཞིག་གི་སྟེང་དུ་བརྐྱངས་འདུག་སྙམ། འདི་ཡིས་ད་གཟོད་འོ་སྐོལ་ལ་བསམ་གཞིག་གི་བར་སྟོང་ཞིག་སྟེར་བ་མིན་འགྲོ། གཞན་མིའི་རིགས་ཀྱིས་སྒེར་སེམས་རང་ལུགས་ཀྱི་སྒོ་ནས་རང་བྱུང་ཁམས་དང་། རང་བྱུང་གི་ཁམས་ན་འཚོ་བའི་སྲོག་ཆགས་ལ་དོན་མེད་དུ་དམག་ཤུགས་སྤོ་བའི་བྱུང་བ་བརྗོད་འདུག འདི་ཡིས་འོ་སྐོལ་མིའི་རིགས་གདུག་རྩུབ་རང་བཞིན་གྱིས་སྙོངས་ཡོད་པར་བསྟན་པ་མིན་འགྲོ་ཨང་། ཁོ་ཚོའང་འོ་སྐོལ་ནང་བཞིན་དད་པ་དང་། བྱིན་རླབས་ཀྱི་ཚན་ཁ་འབར་བའི་རང་བྱུང་གི་བཀོད་པ་རེ་རེའི་ཁུད་དུ་གཞིས་ཆགས་ཤིང་། འཚོ་གཞེས་བགྱིད་བཞིན་པའི་བྱུང་བརྗོད་གང་དེ་ཡིས་འོ་སྐོལ་སྣང་བའི་འཇིག་རྟེན་དུ་ཁྲིད་དེ་ལྟ་བས་མི་ངོམ་པའི་རིག་འཕྲུལ་གྱི་སྒྱུ་རྩལ་གྱིས་སྙོངས་ཏེ་ནམ་ཞར་སོ་སོས་རེ་ཞིང་འཆིང་བའི་འཆར་ཡན་གྱི་ཞིང་ཁམས་ཤིག་ཏུ་ལམ་སྣ་དྲངས་པས་ཁོ་བོའི་འདྲེན་བྱེད་མིག་གི་ལོངས་སྤྱོད་ལ་མཁོ་སོད་པའི་ཚོར་བ་སྟེར། མདོར་དེད་ན་འཆར་ཡན་འབའ་ཞིག་གིས་ཡོངས་སུ་ཕྱུག་འདུག་པས་དང་བ་དབང་མེད་དུ་འདྲེན། ཁོ་བོས་གློག་བརྙན་སྐོར་ནས་ཤེས་བྱ་ཆེ་བོ་མི་ཤེས་རུང་གང་ལྟར་མགོ་ཡ་ཐོད་ནང་ལ་སེམས་དང་། སེམས་ལ་དཔྱོད་ཤེས་ཡོད་པའི་གྲས་ཤིག་ཡིན་ན་ཚན་རྟོག་གློག་བརྙན་འདི་ལ་མ་བལྟས་ཐབས་མེད་ཞིག་རེད་སྙམ་མོ། །