དཔལ་ལྡན་བླ་མ་དམ་པ་ལ་ཕྱག་མཚལ།།
ཕྱི་ནང་གསང་བའི་བར་ཆད་ཞི་བ་དང་།།
བསམ་པ་ལྷུན་གྱིས་འགྲུབ་པར་བྱིན་གྱིས་རློབས།།
འདོད་པའི་དོན་རྣམས་མྱུར་དུ་འགྲུབ་པར་མཛོད།།
བླ་མ་བཀའ་དྲིན་ཅན་ཁྱེད་མཁྱེན།

࿇ གལ་ཏེ་ཁྱོད་ཀྱིས་བླ་མ་དྲན་པའི་རྐྱེན་ལས་མིག་ཆུ་ཞིག་ཤོར་ན། དེ་ནི་དགེ་བ་ཐམས་ཅད་ཀྱི་ནང་ནས་ཆེས་ཆེ་བའི་དགེ་བ་དེའོ།། — འཕགས་པ་ཀླུ་སྒྲུབ་ཀྱིས།
༶ 如果你因为想念上师而掉了一滴眼泪 那这滴眼泪将是所有善业中最大的善业。—-龙树菩萨
#尖单瓦[超话]#

གློ་བུར་དུ་མཐོ་སྒང་གི་གཙོད་ཁྱུ། རྐྱང་ཁྱུ། འབྲོག་ཁྱུ་སོགས་རང་བྱུང་གི་རི་དྭགས་མང་པོ་འདྲོགས་པའི་ཤུལ་དུ། སྒོ་ཁྱི་ལ་བོའི་ཟུག་སྐད་ཀྱང་འཇགས་ཤིང་ཡུན་གྱིས་མིས་བཟོས་པའི་གྲོང་ཁྱེར་ཆུང་ཆུང་ཞིག་འཚར་ལོངས་བྱུང་། ས་གནས་ཀྱི་མི་དག་གིས་རང་གི་ཡུལ་སྐད་ལྟར་དེ་ལ་གཙོས་གྲོང་ཁྱེར་ཟེར་ནས་འབོད་ཀྱིན་ཡོད། གཙོས་ཞེས་པ་ནི་ཡུལ་སྐད་དེ། རི་དྭགས་གཙོད་ཀྱི་མིང་བརྡ་ཡིན། གྲོང་ཁྱེར་འདི་ནི་མདོ་དབུས་མཐོ་སྒང་གི་བོད་རིགས་འདུས་སྡོད་བྱེད་སའི་གནས་ཤིག་ཏེ། ཀན་ལྷོ་བོད་རིགས་རང་སྐྱོང་ཁུལ་གྱི་དཀྱིལ་སྙིང་གྲོང་ཁྱེར་ཡིན། འདི་ལ་ཀན་ལྷོ་ཁུལ་དང་གཙོས་གྲོང་ཁྱེར། ད་དུང་ངའི་དགེ་རྒན་བཀའ་དྲིན་ཅན་སྐུ་ཞི་བར་གཤེགས་པ་རྔོག་རྒྱུད་འཇམ་དབྱངས་འཕྲིན་ལས་ཚང་གིས་ཁོང་གི་དཔྱད་རྩོམ་ཞིག་གི་ནང་དུ་འདི་ལ་(མདོ་ལྷོ་ཁུལ་) ཞེས་འབོད་དགོས་པའི་བསམ་ཚུལ་བསྟན་ཡོད། ང་བསམ་ཚུལ་དེ་ལ་ཤིན་ཏུ་འཐད་པ་བྱུང་ཞིང་རང་གིས་ནུས་ཚོད་ཀྱིས་དེ་ལྟར་བཀོལ་མྱོང་ཡོད། དེ་རིང་གྲོང་ཁྱེར་འདིའི་འདུ་འཛི་དང་ཚོན་མདོག་བཀྲ་བའི་ནམ་མཁའ་གཉིས་གཞི་གཅིག་ཏུ་བསྲེས་ནས་ངའི་པར་མིག་གི་བློ་རིག་ལས་ཁྱེད་ཅག་གི་སྤྱན་ལམ་དུ་གཟིགས་འབུལ་ཐེངས་གཅིག་ཞུ། གནའ་དེང་གི་ལོ་རྒྱུས་ལ་ཕྱིར་མིག་གཏོང་བའི་རྒྱུ་རུ་འགྱུར་བར་སྨོན། ༢༠༢༣/༢/༢༥ ཉིན་མུ་ར་གསུང་རབ་ཀྱིས་གཙོས་གྲོང་ཁྱེར་ནས་སྤེལ།