ང་ནི་ཉི་མ་རེ་རེར་གཟབ་ནན་དང་། དགའ་སྤྲོ། ཞི་བདེ།

བྱམས་བརྩེའི་ངང་ནས་འཚོ་ཐུབ་དགོས།

རྒྱུ་མཚན་དུས་ཚོད་ནི་ཤིན་ཏུ་མགྱོགས་པོར་འདའ་བཞིན་ཡོད།

ཞོགས་པ་རེ་རེར། ངས་སངས་རྒྱས་ལ་སྤོས་བསྒྲོན་ཏེ།

འདི་ལྟར་དམ་བཅའ་བཞིན་ཡོད་དེ།

ཉི་མ་འདིའི་སྐར་ཆ་རེ་རེར་རང་ཉིད་དགའ་སྤྲོའི་ངང་གནས་ཐུབ་པར་ཤོག་ཅེས་སྨོན་ལམ་རྒྱབ་བཞིན་ཡོད།

བརྩེ་ལྡན་གྱི་དངོས་དབྱངས་ལགས། #ཁག་དང་པོ#
         དེ་རིང་གཞི་ནས་༼ཁྱོད་ཀྱང་ལམ་ཐག་རིང་བོ་ཞིག་ལ་སོང་ཡོད་དམ༽་ཞེས་པའི་དེབ་འདི་བཀླགས་གྲུབ་པ་ཡིན།  དེབ་འདིའི་ནང་དོན་འདྲ་ཡིན་ན་ཤིན་ཏུ་ཕུན་སུམ་ཚོགས་པ་ཡིན་ཏེ།  ང་ཚོའི་འཁོར་བ་དང་འབྲལ་ཐབས་མེད་པའི་གཉེན་ཉེ་དང་གྲོགས་པོ། བརྩེ་དུང་དང་ཕུགས་བསམ། ཕ་ཡུལ་དང་རྒྱང་རིང་སོགས། ཧ་ཅང་ཕལ་བ་ཡིན་ཡང་ལྷད་མེད་བརྩེ་འདང་གི་སྤུད་ཅིང་གཅེས་ཉར་བརྗེད་དུ་མི་སྲིད་པའི་སྙིང་ཉེ་བ་དག་བྲིས་པ་བརྒྱུད་ནས། དགའ་སྐྱོ་བདེ་སྡུག་དང་ཐོབ་ཤོར་བླང་དོར་འདྲེས་མའི་མི་ཚེའི་རི་མོ་ཞིག་ངང་གིས་མངོན་ཡོང་།
          ཕྱིར་ལོག་མི་ཐུབ་པའི་ས་དེ་ལ་ཕ་ཡུལ་འབོད་ཅེས་པ་ལྟར། ཕ་ཡུལ་ནི་བྱིས་དུས་ཀྱི་ལོ་ཟླ་བསྐྱལ་སའི་སྤང་ཐང་དེ་དང་ལྷ་སྒྲུང་གླུ་གཞས་ལ་སྣང་དག་མེད་པའི་གྲོགས་མོ་དེ་ཡིན་ལ། ཨ་མྱེས་དབྱངས་སུ་གྱེར་བའི་གེ་སར་སྒྲུང་གླུ་དང་ཨ་མས་གཡོས་སྦྱོར་བྱས་པའི་ལག་ཟས་སྟབས་བདེ་དེ་དག་ཡིན། དུས་དེང་སང་དེ་དག་ལ་ཕྱིར་བལྟས་སམ་རྒྱང་ལྟ་བྱས་པ་ཙམ་ལས་ཕྱིར་ལོག་ཟེར་བ་ཞིག་གཏན་ནས་མེད། ནར་སོན་དང་རྒྱང་བཞུད་ཀྱི་ལམ་ལ་ཆས་པ་ནས་བཟུང་། བག་ཡངས་སྤྲོ་སྐྱིད་ཀྱི་བྱིས་དུས་ནི་སྣང་རྒྱུ་མི་འདུག་ལ། ང་ཚོ་ལ་ཡང་ཆུང་མདོག་ཁག་པོའི་ལམ་ལེན་ནས་ཨུ་ཚུགས་འཁྱོལ་བའི་དབང་ཆ་མེད་སོང་བ་རེད། དུས་འགྱུར་ཉི་མའི་སྔ་ཕྱི་ཡིན་པས་ཐམས་ཅད་འགྱུར་བཞིན་པ་ལས་རང་འཇགས་སུ་གནས་པ་ཅི་ཡང་མེད་ཀྱང་། ཕ་ཡུལ་དང་གཉེན་ཉེ་ནི་ང་ཚོའི་སེམས་ཀྱི་ཟབ་སར་རྒྱབ་རི་བཞིན་ཀྲོང་ངེར་འགྱིངས་པར་ཐུག་རེག་མེད་པའི་དབང་དུ་བཏང་རུང་། ཚེར་མ་ཟུག་དུས་ཀྱི་རྡོག་པ་ལྟར། འུ་ཅག་ལམ་རིང་པོའི་ཀྱག་ཀྱོག་བརྒྱ་དང་འཕྲད་དུས། མེད་དུ་མི་རུང་བའི་སེམས་ཀྱི་རྟེན་ས་དང་སྒུལ་ཤུགས་ཀྱི་འབྱུང་ཁུངས་ཡིན་པ་ནི་སྨྲོས་མ་དགོས་པ་རེད། མིའི་མི་ཚེ་ནི་ཉམ་ང་བ་ཞིག  ང་ཚོས་ཚེ་གང་བོའི་འདུར་རྒྱུག་གི་བར་ནས་རང་ཉིད་བོར་སོང་བ་ཚོར་མི་ཐུབ་ལ། བཞུད་ལམ་རིང་བ་དང་བསྟུན་ནས། ང་ཚོ་དང་ཐག་ཉེ་བ་མང་པོ་ཞིག་རྒྱང་ནས་རྒྱང་དུ་གྱེས་སོང་བ་ཡང་རྗེས་ཤེས་རྗེས་རྟོགས་ཙམ་ལས་མ་འདས་སོ། །

ཆེས་ཡིད་དུ་འོང་བའི་བརྩེ་དུང་ནི་ལོ་བཅོ་བརྒྱད་ཡན་མན་གྱི་བརྩེ་བ་དེ་ཡིན་པ་འདྲ། སྐབས་དེར། དངོས་ཡོད་འཚོ་བའི་ཁུར་པོ་དག་མེད་ལ། བར་ཐག་རིང་ཐུང་དང་ཡིད་ཆེས་ཡོད་མེད་ལ་དོགས་མི་དགོས་པར། ཕར་དགའ་ཚུར་མཐུན་རེ་ཆགས་སོང་ན་ཏན་ཏན་བརྩེ་བ་འོ་ཆུ་འདྲེས་འདྲེས་ཤིག་ལ་དབང་ཐུབ་པ་འདྲ།  རྒྱུན་ལྡན་བརྩེ་དུང་སྐོར་གྱི་ལབ་གླེང་བྱེད་དུས། གྲོགས་པོ་མང་པོས་བརྩེ་དུང་གི་ཉམས་མྱོང་ཟེར་བ་དེ་ཅི་ཙམ་མང་ན་ཡག་རབས་དང་། མི་མང་པོ་དང་འགྲོགས་མཐུན་བྱེད་པ་བརྒྱུད་ནས་རང་ལ་གང་འཚམ་པ་དང་མི་དེ་ལ་འཁུར་སེམས་ཡོད་མེད། རྣམ་དག་ཡིན་མིན་ལ་སོགས་དབྱེར་དགོས་ཚུལ་ལབ་སོང་། རེད་དེ། ང་ནི་མི་མང་པོ་དང་འབྲེལ་འདྲིས་བྱེད་པར་གོམས་ཐུབ་ཀྱིན་མི་འདུག རང་གཞན་གཉིས་པོའི་དུས་ཚོད་ཆུད་ཟོས་སུ་བཏང་ནས་མཇུག་འབྲས་མེད་པའི་དོན་དག་འཁྱོང་དགོས་ན་ཁག་པོ་རེད། དེང་དུས་ཀྱི་བརྩེ་དུང་ནི་འཕྲལ་དུ་ཡལ་བར་གོམས་ཡོད་པས། འགྲོགས་མཐུན་བྱུང་བའི་རིན་དོད་ནི་ཕན་ཚུན་ལ་གནོད་འཚེ་བཏང་ནས་ནང་སེམས་ཆག་གྲུམ་ཤོར་བའི་མཐར། ཆེས་རྒྱུས་ཆེ་བའི་མི་གཉིས་ཆ་རྒྱུས་མེད་པའི་མི་གཉིས་ལྟར་གྱེས་ན་ཡིད་ཕམ་པ་དེ་ལས་མེད་པ་རེད། དེ་བས་གྲོགས་པོའི་ཚུལ་གྱིས་འགྲོགས་ན་དེས་ཆོག  མ་མཐར་ཡང་ང་གཉིས་པོའི་སེམས་སུ་ངུད་གཉིས་ནི་ཡིད་དུ་འོང་ལ་མཛེས་ཤིང་སྡུག་པ་ཡིན་ངེས། བློ་ཕམ་འགྱོད་སེམས་རེ་ཡོད་རུང་ངས་ཁྱོད་ལ་ཁ་ངན་ཚིག་རྩུབ་རེ་བཤད་མ་དགོས་པ་དེས་ཆོག མ་ཟད་ངས་ཁྱོད་ཀྱི་སེམས་སུ་སྒོམ་པའི་དྭངས་གཙང་གི་བརྩེ་དུང་ལ་ནག་ནོག་བྱུག་མི་འདོད་ཅིང་། འཇིག་རྟེན་འདི་རུ་རྣམ་དག་ཟོལ་མེད་ཀྱི་བརྩེ་བ་ངོ་མ་ཞིག་མཆིས་པའི་ཡིད་རྟོན་དེ་བརླག་མི་འདོད། གལ་སྲིད་ང་ཚོ་ལ་དབང་བའི་བརྩེ་དུང་གི་གཏམ་རྒྱུད་རིང་མོ་ཞིག་ཡོད་ན། གཏམ་རྒྱུད་ཁྲོད་ཀྱི་ང་ཚོ་ནི་ལུས་དང་གྲིབ་མ་བཞིན་དུ་འགྲོགས་འདྲིས་མཐུན་པའི་བརྩེ་བའི་ཚེ་ནོམ་ཡིན་ལ། ངའི་ཡིན་རུང་ང་ལ་མ་དབང་ཐལ། ངའི་མིན་རུང་ད་རུང་མི་བརྗེད་ཀི་ཞེས་པའི་གླུ་ཚིག་དེ་ལྟར། བློ་ཕམ་འགྱོད་སེམས་ཀྱིས་གྲུབ་པའི་ལས་དབང་གཉོམ་པོ་ཞིག་ཀྱང་ཅི་ལ་མིན། གལ་ཏེ་གཏམ་རྒྱུད་དེ་འདྲ་ཞིག་མེད་པའི་དབང་དུ་བཏང་རུང་། ངས་འཁོར་བ་མི་རྟག་གི་ཆོས་ཉིད་རྟོགས་རུང་། བདེན་པའི་བརྩེ་དུང་ལ་རྣམ་རྟོག་འཛིན་ཐབས་མི་འདུག་ཅེས་པ་འདི་ལ་ནམ་ཡང་ཡིད་རྟོན་གནང་རོགས།
#མཁའ་འགྲོའི་དབྱངས།##༤# https://t.cn/A6SsFiYv

རྒྱལ་སྲས་ཞི་བ་ལྷས།
བདག་ནི་མལ་ན་འདུག་བཞིན་དུ། །
གཉེན་བཤེས་ཀུན་གྱིས་མཐའ་བསྐོར་ཀྱང།
སྲོག་འཆད་པ་ཡི་ཚོར་བ་དག །
བདག་ཉིད་གཅིག་པུས་མྱོང་བར་འགྱུར། །
གཤིན་རྗེའི་ཕོ་ཉས་ཟིན་པ་ལ། །
གཉེན་གྱིས་ཅི་ཕན་བཤེས་ཅི་ཕན། །