N95ཅན་གྱི་ཁ་ཐུམ།  ལི་ཐང་བ།  
࿐འོར་འཇམ་ནས།

སྟོན་ཁའི་ལྷགས་རླུང་འུར་འུར་ལྡང་བའི་མཚན་མོ་ཞིག་ལ། ནད་ཀྱིས་རྐྱེན་པས་ལི་ཐང་ནི་འཁྱགས་ལྷང་ངེར་ཁེར་རྐྱང་དུ་ལུས་འདུག་སྙམ།  རང་ཉིད་ཀྱི་ལུས་སེམས་ཀྱང་འཁྱགས་སུ་བཅུག་སོང་། ས་གསུམ་ལ་ཁྱབ་པའི་ནད་ཡམས་ཤིག་གིས་ལག་པ་བསྲེང་དུས། N95ཅན་གྱི་ཁ་ཐུམ་མང་པོ་ཞིག་བརྩེག་ནས་གྱོན་ན་འདོད།  ནད་དེ་ཕོག་མཁན་མང་པོ་རེད།  སྐབས་དེར་ཁེར་རྐྱང་ལ་བསྡད་ནས་ཁུ་སིམ་མེར་ལི་ཐང་གི་གཏམ་རྒྱུད་སྒོམ།  གློ་བུར་དུ་ངའི་མིག་ཆུ་ཐིགས་པ་འགའ་བྲང་གཞུང་དུ་ཐོར། ཧ་ཅང་གཉོམ་དུང་དུང་གི་སེམས་པས། ཆེས་སྙིང་དུ་སྡུག་པའི་རང་ཉིད་ཁོ་ན་ཞིག་འཁྱོངས་ཕྱིར་ཡུན་ཙམ་བཏང་སྙོམས་སུ་བཞུགས།[打call]
2022/12/8ཉིན།

འཇིག་རྟེན་འདི་ཧ་ཅང་ཆེ་ནའང་།
ཁྱེད་དང་འུ་གཉིས་ནི་ཤིན་ཏུ་ཆུང་།
རྒྱུ་མཚན།
མི་ཁ་ཕྲན་བུ་ཞིག་གིས་ཁྱེད་རང་བཅོམ་འགྲོ་ལ།
ཕྲག་དོག་མེ་སྟག་ཙམ་གྱིས་ཀྱང་ང་རང་འཚིག་འགྲོ།

࿐སཱ་ར་ནེ

ས་ཆེན་པོའི་པང་དུ
དཔའ་མི་ཞུམ་པའི་གླག་རྒོད་
ད་དུང་དཔའ་གཏུམ་མེ།

ས་ཆེན་པོའི་པང་དུ
རྒུད་མི་ཟིན་པའི་གངས་རི
ད་དུང་བརྗིད་ཆགས་ཀེ

ས་ཆེན་པོའི་པང་དུ
རྣམ་དཔྱོད་ཀྱི་གཤོག་རྩལ་མངོན་པའི
རྐང་ཚོགས་ཀྱི་ཁྲོད
ཁྱེད་ནི་རྒྱབ་རྟེན་གྱི་ནོར་བུ་ཉག་གཅིག

ས་ཆེན་པོའི་པང་དུ
ཁྱེད་ནི་ན་གཞོན་ཚོའི་ལམ་སྟོན་མཛད་པའི་
མ་མ་ཉག་གཅིག

རྡུལ་གྱི་ཁྱབ་པའི་འཇིག་རྟེན་འདིར
ཁྱེད་ཁོ་ན་དག་པ་ཡེ་ཤེས་དེའོ།

࿐ལུ་གུ་མེ་ཏོག