༼ཡོད་ཚད་བདེ་ལེགས། ༽
ཁྱེད་ཀྱི་མིག་ཟུང་གི་མཐའ་རུ།
གཙང་བོ་དང་རི་རབ་ཡོད།
ང་ཡི་ཡ་ཆུང་གི་ངོས་སུ།
གངས་རི་དང་རྩྭ་ཐང་ཡོད།
རི་ཆུ་རྒས་ཀྱང་།
འཇིག་རྟེན་རྒས་ཀྱང་།
ཚེ་ཡི་རྨུ་ཐག་གིས་སྐྱོར་བའི་རྨི་ལམ་མངར་མོ།
ང་ཚོའི་རྣམ་ཤེས་ལ་འཐིམས་པའི་གཟུང་གཞུགས་ཡིན།

རྡེའུ་འབུམ་དང་རླུང་རྟ་མ་མཐོང་བའི་ལོ་ཟླ།
རི་སྤྱང་དང་ནོར་གནག་མ་འཚོས་པའི་ལང་ཚོ།
འཆར་ཡན་ཁྲོད་བཞེངས་པའི་ཕ་ཁྱིམ་གྱི་ནམ་མཁའ་ལ་ཕུལ་ཡོད།
རིགས་རྒྱུད་ཀྱི་རྩད་པ་མ་བཅད་ན།
དམ་ཚིག་ལ་གས་ཁ་མ་ཤོར་ན།
འུ་ཚོ་ནི་མཁར་རྫོང་གཅིག་གི་ནང་དུ།
ཡིད་ཆེས་དང་མཛའ་སེམས་ཀྱིས་སྦྲེལ་བའི་ཕུ་ནུ་མིང་སྲིང་ཡིན
- ཚེ་རིང་kyi

࿐ཕུ་བོ་ཚེ་རིང་དོན་གྲུབ་བམ་ཚེ་གྲུབ་ཀྱི་བརྩམས་ཆོས་གསར་བ༼རྒྱལ་ཁབ་ཕྱི་ནང་གི་རྩོམ་རིག་བརྩམས་ཆོས་གྲགས་ཅན་ལྟ་ཀློག་འཇུག་བདེ་ལམ་བཟང་།༽འདི་ཉིད་དབོ་ཟླ་བའི་དཀར་ཕྱོགས་དགའ་བ་གཉིས་པ་ལ་ལག་ཏུ་འབྱོར་བས་དགའ་བ་འབུམ་གྱིས་ཕྱུག

བསོད་ནམས་མི་ཆུང་རྣམ་ཐར་མཇལ་སྐལ་ལྡན། །
ཆང་དང་ཨ་རག་བཞེས་ཀྱང་ངོ་མཚར་མཐོང་། །
སྐྱེ་བ་འདི་ནས་ཚེ་རབས་ཐབས་ཅད་དུ། །
ཞབས་དྲུང་སྐྱེ་ནས་ཆོས་ཉན་གསོལ་བར་བཏབ། །
དེང་སྨྱུག །