ལོ་ཟླ་ཟད་དུས་མེད།

ཚིག་སྣེ་ཚིག་གིས་ལྷན་པ་མ་རྒྱག་ཅིང་། །
གདངས་ལ་རོལ་མོའི་གྲོགས་སུ་མ་བརྟེན་པ། །
ཐད་ཀར་གདོང་ཐུག་བྱུང་བའི་ཚོར་བ་ཞིག །
བཤད་ན་མིག་ཆུ་ནང་གི་ཁེར་གླུ་ཞིག།

ན་ནིང་གཞིས་ནིང་འདས་སོང་ལོ་དང་ཟླར །
ང་དང་ཨ་མའི་འཛོམས་པ་ལྷོ་རུ་འཁྲུངས། །
དེ་དུས་སེམས་པའི་སྒང་ལ་སེམས་པ་བུད། །
ཁྱེད་ཀྱི་བྱམས་བརྩེ་འོད་ལ་གསལ་སྒྲིབ་མེད། །

ད་ལོ་ཨ་མའི་གོམ་ཁ་ཟླ་བར་བྲིས།
སྤྲིན་གྱི་གྲུ་གཟིངས་དཀྲུགས་ནས་རྒྱང་ལ་གཏད། །
ང་ནི་མི་མཐོང་མི་ཐུག་མི་གོ་ས། །
མུན་ནག་གླེགས་བག་གསེབ་ཀྱི་ཚེག་ཆུང་སྟེ། །

ཞལ་མཇལ་གསུང་གི་ནམ་ཟླ་དྲོ་བའི་དུས། །
ཞེ་རུ་མེ་ཏོག་བཀྲམ་པའི་མཆོད་པ་ཞིག།
མ་ནུས་འགྱོད་སྣང་ལྕི་བའི་ད་ཚོད་ལ། །
བསམས་ན་སེམས་པ་ཁྲེལ་བའི་ནད་ཅིག་ལགས། །

དབྱར་ཟླ་དྲུག་པའི་ནང་གི་མེ་ཏོག་ངར། །
ལང་ཚོའི་ན་ཚོད་ད་དུང་ཆུང་གི་འདོད། །
གློ་བུར་རླུང་པོ་ཞིག་གི་འགྲམ་ལྕག་དེས། །
དགུན་ལམ་རིང་མོ་གདོང་ལ་བྲིས་ནས་ཐལ། །

མགྲོན་པོ་རང་ཁྱིམ་ལོག་པའི་ས་སྲོད་ལ།།
ཉི་མས་ང་ལ་དྲན་གདུང་རུམ་གང་བཞག།
ངས་ཀྱང་ཉི་མ་བསྒུག་པའི་ཚེ་སྨད་ལ།།
སྐྱོ་བའི་མུན་པ་འདི་ཡང་སུ་ཡིས་སེལ།།

སྣང་བའི་ཉ་མོ་མཚོ་དང་བྲལ་བ་སྟེ།།།
སེམས་པའི་ཕྱི་ནང་ཐན་པ་སྣ་ཚོགས་བྱུང་།།
ལས་ནི་ལྡོག་མེད་བཙན་པོའི་ཤང་ལང་འདྲ།།
ང་ཡི་སྙིང་ལ་ཁེལ་ཚེར་ན་ཟུག་ལངས།།

ད་ནི་འདི་ནས་ལེ་དབར་ཆིག་སྟོང་མཚམས།།
ལོངས་མ་གོག་གི་འགྲོས་དེ་ཡ་རེ་ང་།།
ལམ་གྱི་ཁུག་པ་རེ་ལ་སྐྱོ་སྡུག་རེ།།
སྡུག་འདི་སུ་ལ་བཤད་གཞག་དྲིན་ཆེན་མ།།

ཆར་ཤུལ་ཉི་མ་ལྡེ་བའི་བྱིས་པ་ལ། །
འཇའ་ཚོན་རི་མོ་ལག་ཏུ་ལོན་ན་བསམ། །
ལམ་ཕྲན་ཁུག་པ་མང་བོ་རྡོག་པས་དེད། །
རྒྱང་རིང་རྒྱང་རིང་ཞིག་ནས་རྨི་ལམ་ཟད། ། https://t.cn/ELeZzaP

བོད་མིའི་སྲོལ་རྒྱུན་གྱི་རྒྱན་གོས།
མིག་ལ་མཛེས་ཤིང་ཡིད་དུ་འོང་བ།
ལོ་རྒྱུས་ཡུན་རིང་ཞིང་ཐུན་མིན་གྱི་ཁྱད་ཆོས་ལྡན་པ།
མེས་པོའི་སྒྱུ་རྩལ་གྱི་གཅེས་ནོར་དང་མདོ་དབུས་མཐོ་སྒང་ལ་གནས་པའི་མི་རིགས་ཀྱི་མཚོན་རྟགས་ཟབ་མོ།

བོར་དངོས་འཚོལ་བརྟ།
མིང་ལ་བོད་ཡིག།

ལོ་། : ༣༠
མདོ་དབུས་ཁམས་གསུམ་གྱི་ཨ་ཕ་། གོ་ཐོས་ལ་དགོན་པ་འགའ་ཞིག་དང་།

སློབ་གྲྭ་འགའ་ཞིག། ཡང་ན་བོད་མཁས་ཆེན་གྱི་མི་འགའ་རེའི་མིག་ལམ་དུ་
སྐབས་རེ་མཐོང་རྒྱུ་འདུག་ཟེར་། འོན་ཀྱང་རྩ་བའི་ཆ་ནས་གར་སོང་གཏན་
འཁེལ་མི་འདུག་པས་། སུས་རྙིད་ན་འབྲེལ་བ་གནང་རོགས་།
འབྲེལ་གཏུགས་བྱེད་ས་ : བོད་མི་ས་ཡ་དྲུག།
ཞལ་པར་ཨང་གྲངས་ : ཀ་ཁ་ག་ང་།
འཕྲིན་ཕྲན་ཨང་གྲངས་ : ཨི་ཨུ་ཨེ་ཨོ་།
དོ་བདག་ : ཐོན་མི་སམ་བྷོ་ཊ།