#མཐོང་སྣང# དཀའ་གནས་དང་བདེ་གནས་གང་ཞིག་ཏུ་གནས་ཡོད་མེད་ནི་གལ་མི་ཆེ་ལ། གནས་བབ་གང་ཞིག་ཁྲོད་ན་ཡོད་རུང་ཇི་ལྟ་བུའི་གདམ་ག་ཞིག་དང་གང་ལྟ་བུའི་ལྟ་སྟངས་ཤིག་ཡོད་མེད་ནི་གཟོད་གལ་ཆེ་བ་དེའོ། །——བི་མ་ལ།

#ཕ་རེ་ཁུ་ལེ་སི་ཡི་གཏམ་བཤད།#
སྤྲེལ་ཉི་མ་རྒྱལ་མཚན་གྱིས་བསྒྱུར།
༼ཕ་རེ་ཁུ་ལེ་སི་༼སྤྱི་ལོ་སྔོན་གྱི་ལོ495--429ལོའི་བར༽ནི་ཨ་ཐེན་སིའི་རྫོགས་ལྡན་དུས་སྐབས་ཀྱི་སྲིད་སྐྱོང་དཔོན་པོ་ཡིན་ལ། ད་ལྟ་གནས་པའི་གནའ་བོའི་ཀེ་རི་སེའི་འཛུགས་སྐྲུན་མང་ཤོས་ཁོའི་གནས་སྐབས་སུ་བཞེངས་པ་ཡིན་ཞིང་། དེ་ལས་ཀྱང་མཛད་རྗེས་ཆེ་བ་ནི་སྐབས་དེར་ཧ་ཅང་དྲག་སྐྱོད་ཡིན་པའི་དམངས་གཙོའི་ནུས་པ་འདོན་མཁན་མང་པོ་སྐྱེད་བསྲུང་བྱས་ཤིང་ཁོའི་དུས་སྐབས་ལ་ཕ་རི་ཁུ་ལེ་སིའི་དུས་སྐབས་ཞེས་འབོད་ཅིང་། ཨ་ཐེན་སིའི་ཆེས་རྫོགས་ལྡན་གྱི་དུས་སྐབས་ཡིན་ཞིང་། ཁོང་གི་དུས་སྐབས་འདིར་སོ་ཀུ་ར་ཏེ་དང་པུ་ལ་ཐོ་སོགས་ལྟ་བུའི་བསམ་བློ་བ་མིང་གྲགས་ཅན་དག་བྱོན། ༽

----ལོ་ངོ་ཉིས་སྟོང་ལྔ་བརྒྱའི་སྔོན་ལ་ཨ་ཐེན་སིའི（雅典）རྫོགས་ལྡན་དུས་སྐབས་ཀྱི་མིང་དུ་གྲགས་པའི་ཆབ་སྲིད་པ་ཕ་རེ་ཁུ་ལེ་སི་（percles伯利克里）ཡི་རྒྱལ་ཁབ་ཀྱི་དོན་དུ་རང་སྲོག་ཕུལ་བའི་དཔོན་དམག་རྣམ་པའི་འདས་མཆོད་སྟེང་གི་གཏམ་བཤད་གྲགས་ཅན།

ང་ཚོའི་སྲིད་དབང་གི་སྒྲིག་སྲོལ་ནི་གཞན་གྱི་ལམ་ལུགས་དང་དགྲ་རུ་ལངས་པ་མིན་ལ། ང་ཚོས་གཞན་གྱི་ལད་མོའང་མི་བྱེད་ཅིང་། ང་ཚོ་ནི་གཞན་གྱི་མིག་དཔེ་བྱེད་དགོས།

ང་ཚོའི་སྲིད་ལུགས་ནི་དམངས་གཙོའི་སྲིད་དབང་སྒྲིག་སྲོལ་ཡིན་ཞེས་འབོད་ཆོག་ལ།

རྒྱུན་མཚན་ནི་ཆབ་སྲིད་ཀྱི་དབང་ཆ་མི་ཉུང་ཤས་ཀྱི་ལག་ཏུ་མེད་ཅིང་དེ་ལས་ལྡོག་སྟེ་མི་མང་པོའི་ལག་ཏུ་མཆིས།

ཁྲིམས་ལུགས་ཀྱིས་མི་ཚང་མ་འདྲ་མཉམ་གྱི་ལྟ་སྟངས་འཛིན་ཞིང་། དྲང་བདེན་གྱིས་མི་དམངས་བར་གྱི་འགལ་བ་སྙོམ་སྒྲིག་བྱེད་སྐབས་དམངས་གཙོའི་སྲིད་དབང་སྒྲིག་སྲོལ་གྱི་དགེ་མཚན་ལའང་ཁས་ལེན་ཐོབ་པ་ཡིན།
སྤྱི་དམངས་ཤིག་ལ་བཟང་ཆ་གང་རུང་ཞིག་འཇོན་ཚེ་ཁོ་སྐྱེད་བསྲིང་བྱས་ནས་ལས་ཀ་སྤྲོད་དགོས་ཤིང་།

དེ་ནི་ཁོའི་བཟང་ཆ་ལ་བྱ་དགའ་གནང་བ་ཡིན་ཞིང་། འདི་ནི་དམིགས་བསལ་གྱི་དབང་ཆ་དང་ཁ་ཁ་སོ་སོ་ཡིན།
དབུལ་ཕོངས་ནི་བཀག་རྡོ་མིན་པར་མི་སུ་ཡིན་ཡང་རྒྱལ་ཁབ་ལ་གོ་ཆོད་ཅིང་། ཁོའི་གནས་སྟངས་ཅི་འདྲ་མི་ལེགས་ཀྱང་སྤྱི་ཚོགས་འཚོ་བའི་ཁྲོད་ང་ཚོས་གཞན་གྱི་བྱ་བ་སྣང་ཆུང་བྱེད་མི་རུང་ལ། མི་དང་མིའི་བར་གྱི་འབྲེལ་བའི་ཁྲོད་ང་ཚོ་ཕན་ཚུན་ལ་ཡིད་ཆེས་ཡོད་དགོས།

ཐ་ན་གཞན་གྱི་དགའ་ཕྱོགས་ལའང་ཡི་རང་བྱེད་འོས།
ང་ཚོ་ཚང་མ་མཛེས་སྡུག་ལྡན་པའི་བྱ་དངོས་ལ་དགའ་བ་ལྷན་སྐྱེས་ཀྱི་རང་གཤིས་སུ་གྲུབ་ཀྱང་དེ་ལ་རོལ་བའི་ཕྱིར་སྐྱེས་ཕོ་རབ་ཀྱི་ལ་རྒྱ་འདོར་མི་ཉན།
རྒྱུ་ནོར་གྱིས་ཕན་ཚུན་ལ་ངོམ་རྒྱག་དང་འུད་ཤོབ་མི་བྱེད་པར་དོན་སྙིང་ཡོད་པའི་བྱ་བཞག་གི་སྟེང་དུ་བཀོལ་ན་ལེགས།
ང་ཚོའི་ཡུལ་འདི་རུ་རང་ཉིད་དབུལ་བོ་ཡིན་པ་ངོ་གནོང་མི་དགོས་ལ།

ངོ་གནོང་དགོས་པ་ནི་རང་ཉིད་དབུལ་ཕོངས་ལས་ཐར་འདོད་མེད་པ་དེ་ཡིན།
ཨ་ཐེན་སིའི་སྤྱི་དམངས་ཀྱིས་རང་གི་ཁྱིམ་ཚང་ཆུང་ཆུང་གི་ཕྱིར་རྒྱལ་ཁབ་སྣང་མེད་དུ་མི་འཇོག་ལ།

ཐ་ན་ང་ཚོའི་ཁྲོད་ཀྱི་ཚོང་ལས་གཉེར་མཁན་དག་ལའང་ཆབ་སྲིད་ཀྱི་ལྟ་བ་མཐོན་པོ་ལྡན།
གལ་ཏེ་མི་ཞིག་སྤྱི་བའི་དོན་དག་ལ་སྤྲོ་བ་མེད་ནའང་ང་ཚོས་ཁོ་མི་ངན་དུ་བརྩི་མི་རུང་།
ང་ཚོའི་ཁྲོད་ན་སྲིད་ཇུས་གཏན་འབེབས་བྱེད་མཁན་ཉུང་ངུ་ཞིག་ལས་མེད་ནའང་ང་ཚོ་ཚང་མ་ཐབས་མཁས་པའི་སྲིད་ཇུས་བརྡར་ཤ་གཅོད་མཁན་ཡིན་ཞེས་བཤད་ཆོག
ང་ཚོས་བལྟས་ཡོང་ན་བྱེད་ཐབས་ཀྱི་བཀག་རྒྱ་ཆེ་ཤོས་ནི་གྲོས་བསྡུར་མིན་པར་བྱེད་ཐབས་སྔོན་གྱི་གྲོས་བསྡུར་ཁྲོད་ཤེས་བྱས་དབུལ་བ་དེ་ཡིན། བྱེས་ཐབས་སྔོན་ལ་ང་ཚོར་བསམ་གཞིག་གི་ནུས་པ་ཁྱད་པར་བ་ཞིག་ཡོད་དགོས་པ་མ་ཟད་ད་དུང་བྱེད་ཐབས་ཀྱི་ནུས་པ་ཁྱད་པར་བ་ཞིག་ཀྱང་ཡོད་དགོས་སོ།།

མདོར་ན་ངས་བཤད་འདོད་པ་ནི་ཨ་ཐེན་སི་ནི་ཀེ་རི་སེའི་སློབ་གྲྭ་ཡིན་་་་་་
ངའི་བསམ་པར་རང་ཉིད་ཀྱིས་ཁྲིམས་དང་འཚམ་པའི་ཐ་སྙད་ཀྱིས་མྱ་ངན་ཞུ་ཚིག་ཕུལ་བ་ཡིན་ལ།

སྔོན་གཤེགས་དཔའ་བོའི་མཛད་རྗེས་ལའང་ཚད་ངེས་ཅན་ཞིག་གི་ཐོག་ནས་བསྟོད་སྔགས་བྱས་ཡོད་ཅིང་། སྔོན་གཤེགས་དཔའ་བོ་དག་གཟི་བརྗིད་ལྡན་པའི་ཁྲོད་ནས་དུར་འཇུག་བྱས་ཟིན།

ད་ལྟ་བསྒྲུབ་དགོས་པ་ཉག་གཅིག་ནི་སྔོན་གཤེགས་དཔའ་བོའི་འཕྲོར་ལུས་པའི་དྭ་ཕྲུག་རྣམས་ནར་སོན་པའི་བར་རྒྱལ་ཁབ་ཀྱིས་སྐྱོང་རྒྱུ་དེ་ཡིན་ལ། འདི་ནི་བྱ་དགའ་ངོ་མ་དེ་ཡིན། འདི་འདྲའི་འཐབ་འཁྲུག་བརྒྱུད་རྗེས་མེ་ཏོག་གི་ཨ་ལོང་ཐོབ་པ་ནང་བཞིན་ཀེ་རི་སེ་ཡིས་བྱ་དགའ་འདི་ཁོ་མོའི་ཤི་གསོན་གྱི་བྱིས་པ་ཚོ་ལ་གནང་ངོ་།། #名言##历史##古雅典#

མི་ལོ་བཅོ་ལྔ་སྐད་ཅིག་ཙམ་གྱིས་རྫོགས། །
ཤུལ་ལུས་དེབ་ཐེར་ཚོང་པའི་རྫས་སུ་གྱུར། །
གར་སོང་འདིར་སོང་མེད་པའི་ལོ་ཟླའི་ཁྲོད། །
བློ་གྲོས་དཔལ་ལྡན་བོད་ལ་གྲགས་སྙན་ཆེ། ། ༤:༢༩ ཉིན།