༄༅།། ཡི་གེ་གང་མང་ཞིག་བྲིས་ནས་བསུབས་ལ་བསུབས་ནས་བྲིས་བྲིས་མཐར་ངས་ཁྱེད་ལ་བརྗོད་འདོད་ཀྱི་སྐད་ཆ་དག་མགྲིན་པར་འགགས་ནས་སྨྲ་བརྗོད་ཀྱི་དབང་བོ་ཉམས་སོང་བ་ཇི་བཞིན་ཅི་ཡང་བཤད་མི་ཐུབ་ལ། ཅི་ཡང་འབྲི་མ་ཕོད་པའི་སྙིང་ཆུང་སྡར་མ་བཞིན་ཡང་ཡང་ཕྱི་ནུར་བྱས། དུས་ད་ལྟ་ཡང་ངས་རླབས་ཆེན་གྱི་མི་བུ་ཁྱེད་ཉིད་ངེད་ཅག་དང་གཏན་དུ་གྱེས་སོང་བ་ལ་ཡིད་ཆེས་བྱེད་དཀའ། ངས་ད་དུང་ཁྱེད་ཀྱི་བརྩམས་ཆོས་ཡོད་ཚད་ལ་ཞལ་མཇལ་གནང་ཚར་མེད། ཁྱེད་ཀྱི་གློག་བརྙན་དག་ལའང་བལྟས་ཚར་མེད། ཁྱེད་ཉིད་འདི་ལྟར་བཞུད་སོང་རྗེས་གཏམ་རྒྱུད་ཀྱི་འཕྲོ་མ་དེ་སུ་ལ་བཤད། བོད་ཀྱི་གཅེས་ཕྲུག་ཟེར་བའི་སྙིང་ཉེ་བའི་མིང་བྱང་དེ་སུ་ལ་འབོད།

རྒྱང་དུ་བཞུད་པའི་སྐར་ཆེན་ལགས། སྐུ་ན་ལྔ་བཅུ་ནི་དུས་ཀྱི་བགྲོད་པ་ལགས་ཀྱི་ཁྱེད་ཉིད་ག་ལ་ཡིན།
#️️️
惋惜一个伟大灵魂的逝去。

༄༅༎ ནམ་ཞིག་སུ་ཞིག་གང་ཞིག་ནས་ཐོན་ཏེ། གཞན་ཞིག་གི་ཁ་མཆུའི་སྙིགས་རོ་ཁྱེར་ཏེ་ཁྱེད་ཀྱི་གྲིབ་མ་ཡོལ་ཚེ། མྱི་དེའི་རིགས་ལ་རྣམ་འགྱུར་གྱིས་གོ་བརྡ་སློག་པ་ལས་ཚིག་གི་མི་ཐུལ། རྒྱུ་མཚན། གཞན་ཞིག་ལ་རེ་བ་དང་གཞན་ཞིག་གི་སྟངས་འཛིན་ལས་ཐར་མེད་པས།

བོད་བརྒྱུད་ནང་བསྟན་གྱི་གྲུབ་མཐའ་ཁག་ངོ་སྤྲོད་མདོར་བསྡུས།

༄༅།། གྲུབ་མཐའ་ཞེས་པའི་ཐ་སྙད་རང་བཟོ་མ་ཡིན་ཏེ། ལང་ཀར་གཤེགས་པ་ལས།
ང་ཡི་ཆོས་ཚུལ་རྣམ་གཉིས་ཏེ། བསྟན་པ་དང་ནི་གྲུབ་མཐའ་འོ། བྱིས་པ་རྣམས་ལ་བསྟན་པ་བཤད། རྣལ་འབྱོར་པ་ལ་གྲུབ་མཐའ་འོ་”ཞེས་གསུང་། རིགས་དྲུག་ཐར་ལམ་དུ་འགོད་པའི་ལམ་སྤྱིར་བསྟན་པ་ལ་བསྟན་པ་དང་། ལམ་དེར་བགྲོད་པའི་ཐབས་གཞི་ལམ་འབྲས་གསུམ་གཏན་ལ་དབབ་པ་དེར་གྲུབ་མཐའ་ཞེས་བརྗོད།གྲུབ་མཐའ་ཞེས་པའི་ཡིག་གཉིས་ཀྱི་དོན་ནི། རང་གི་བློ་ངོར་ཡང་དག་པ་གྲུབ་པས་ན་གྲུབ་དང་། དེ་ལས་ཕར་འགྲོ་བ་མེད་པས་ན་མཐའ་འོ། རང་གི་སྟོན་པས་གསུངས་པའི་གཞུང་གང་རུང་ལ་བརྟེན་ནས་རིགས་པས་དཔྱད་པ་ཡང་ཡང་བྱས་པའི་མཐར། རང་གི་བློ་ངོར་ཐག་བཅད་པའི་མཐར་ཐུག་གི་ཁས་ལེན་དེ་གྲུབ་མཐའི་མཚན་ཉིད། རྣམ་རྟོག་གིས་སྒྲོ་བཏགས་པའི་ཆ་བཞག་བཟློག་ནས་རང་གི་བློ་ངོར་རིགས་པའི་དོན་གྱི་གནས་ཚུལ་ཡང་དག་པར་གྲུབ་པ་ཉིད་གྲུབ་མཐའི་ངོ་བོ། གྲུབ་མཐའ་དེ་གཞན་ལ་སྨྲ་བར་བྱས་པས་ན་གྲུབ་མཐའ་སྨྲ་བ་ཞེས་བརྗོད།