<བཀའ་བརྒྱུད་གསེར་ཕྲེང་>དེབ་འདི་ལ་རེ་བ་ཆེན་པོ་ཞིག་བཅང་ནས་ལོ་འཁོར་གཅིག་ལྷག་གི་རིང་ལ་མདོ་དབུས་ཁམས་གསུམ་དུ་ཕལ་ཆེར་མ་བཙལ་བསམ་པ་ཞིག་མེད།
དེ་རིང་གཟོད་ལག་སོན་བྱུང་བས་དགའ་སྤྲོའི་ངང་མྱུར་དུ་རོབ་ལྟ་ཞིག་བྱས་མོད། ཕྲན་ལ་དགོས་རྒྱུ་ནི་དེབ་རྒན་མ་སྟོད་སྨད་གཉིས་ལས་ཤོག་ལྡེབས་ཁ་ཤས་ལས་མེད་པ་འདྲ། [得意]

༈ གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ།།
ས་ཆེན་འདི་ལ་གོམས་པ་བདུན་བོར་ནས།།
ང་ནི་འཇིག་རྟེན་འདི་ན་མཆོག་ཅེས་གསུངས།།
དེ་ཚེ་མཁས་པ་ཁྱོད་ལ་ཕྱག་འཚལ་ལོ།།

བཅོམ་ལྡན་འདིར་ནི་བྱོན་པ་ལེགས།།
བདག་ཅག་བསོད་ནམས་སྐལ་བར་ལྡན།།
ཇི་སྲིད་མཆོད་པ་བདག་འབུལ་ན།།
དེ་སྲིད་བཅོམ་ལྡན་བཞུགས་སུ་གསོལ།།

ཕ་ཡུལ། ཕ་ཡུལ།

ཁོག་པ་སྟོང་པར་ཆགས་ཏེ་ན་ཚ་བཏང་བ་འདི།
གྲོད་པ་ལྟོགས་པ་མིན་ཀྱང་དེ་ལས་ལྟོགས་སྣང་ཆེ།
ཁོག་པ་སྟོང་པར་གྱུར་བ་ནི།
རྒྱང་རིང་གི་ཕ་ས་ཕ་ཡུལ་དྲན་པའོ།།
ཕ་མ་གཉིས་རྒས་འགྲོ་བ་དྲན་པའོ།།
སྦྲ་ནག་དང་རྩྭ་ཐང་དྲན་པའོ།།
གཙང་པོ་དང་གངས་རི་དྲན་པའོ།།

སྐྱ་མི་ཁ་ཅིག་ངེད་ཚང་ལ་གནས་ཚང་གཡར་དུས།
ང་རང་ཕོ་ལོ་དྲུག་ཏག་ཏག་ཟིན་ཙམ་ཡོད།
ཁོ་ཚོས་ཁོ་ཚོ་རྒྱང་རིང་ནས་ཡོང་བ་ཡིན་ཟེར་བ་ན།
ངས་རྒྱང་རིང་ན་ཅི་ཞིག་ཡོད་སྙམ་སྟེ།
རི་བོ་དང་གཙང་བོ་རྒལ་དགོས་བསམས།

ཕོ་ལོ་ཉི་ཤུའི་ཉག་ག་རྒལ་མཚམས་ཀྱི་དེ་རིང་།
ང་རྒྱང་རིང་རྒྱང་རིང་ཞིག་ལ་བསླེབས་ཀྱང་།
ང་ཡི་ཕ་ས་ཕ་ཡུལ་རྒྱང་རིང་ན་ལུས་སོང་།
དེ་ནི་ཁོག་པའི་ནང་གི་དབང་པོ་ཞིག་འཕྲོག་པ་ལྟར།
ང་རང་སྡོད་བཟོད་མི་བདེ།

ཨ་མ་ལགས་ཀྱི་གནའ་གཏམ་གྱི་ཁྲོད་དུ།
བྱིས་པ་ཞིག་གཞན་གྱིས་བརྐུས་ནས།
གཞན་ཡུལ་ལ་ལོ་མང་བསྡད་དགོས་བྱུང་ནའང་།
བྱང་སྐར་སྨེ་བདུན་ལམ་ཐིག་ཏུ་འཛིན་ནས་ཡོང་བ་ན།
ཕ་ཡུལ་ལ་བདེ་བླག་ངང་སླེབས་པ་རེད་ཟེར།
ངས་སྐབས་སྐབས་སུ་ཕ་ཡུལ་གྱི་ལམ་བུ་བརླག་བར་དོགས་ནས།
གཉིད་ཡང་ཡུར་མི་ཐུབ།

ཆར་པ་ཤག་ཤག་འབབ་པའི་དབྱར་ཁ་ཞིག་ལ།
ང་རང་གཞན་ཡུལ་གྱི་ལམ་ཕྲན་དུ་འགྲོ་དགོས་བྱུང་།
ལོ་དེར་ང་རང་ལོ་བརྒྱད་དགུ་ཙམ་ཡིན།
དེ་ནས་ངས་ང་ཡི་ཕ་ཡུལ་བརླགས་སོང་བ་འདྲ།

ཕ་ཡུལ། ཕ་ཡུལ།
མཆི་མའི་ནང་དུ་ཡོད་ཀྱང་མིག་མདུན་དུ་མེད།
ཕ་ཡུལ། ཕ་ཡུལ།
རྨི་ལམ་དུ་ཡོད་ཀྱང་མངོན་སུམ་དུ་མེད།

ཕ་ཡུལ་དྲན་པ་ནི།
བཞི་མདོའི་ལམ་ཆེན་དུ་ལུས་པའི་ཁྱི་འཁྱམ་ཞིག་གི་སྐྱེ་བའོ། །

2023/5/25ཉིན།