དུས་དེ་ཙ་ན།

སྙིང་ཉེ་བའི་དབྱངས་ལགས། དེ་སྔར་ངས་རི་ལུང་མང་པོ་ཞིག་ལང་གོག་གིས་བརྒལ་ཏེ་དབྱར་རྩྭ་བཙལ་མྱོང་བའི་བརྒྱུད་རིམ་དག་ཁྱེད་ལ་བཤད་རྗེས། ཁྱེད་ལ་འདང་རྒྱག་ཅི་ཡང་མེད་པར། སང་ཉིན་ངའང་ཁྱེད་དང་མཉམ་དུ་དབྱར་རྩྭ་སྐོ་རུ་འགྲོ་རྒྱུ་ཞེས་ཐག་གིས་བཅད་བྱུང་། དབྱངས་ལགས། ཁྱེད་ཀྱིས་ཤེས་སམ། རི་ལུང་མང་པོ་ལང་མ་གོག་གིས་བརྒྱུད་རྒྱུ་དེ་ནི་ལས་སླ་བོ་ཞིག་ཡེ་ནས་མིན་ལ། ལྷག་དུ་ཁྱེད་ཀྱི་ལང་ཚོའི་ཕྲ་རྒྱན་དུ་སྒོམ་དགོས་པའི་དཀར་ལ་དམར་མདངས་ཀྱིས་ཀུན་ནས་བྱུག་པའི་ཞལ་ངོ་ལའང་མཁའ་དབུག་དང་ཉི་ཟེར་གྱི་ནག་ཐུག་བཟོ་སྲིད་པས། ངས་ཁྱེད་ལ་མི་འཐད་པའི་རྣམ་འགྱུར་ཞིག་ལས་ཅི་ཡང་མ་བསྟན་པ་དེ་ཡིན། དུས་དེ་ཙ་ན་ཁྱེད་རང་མེད་པའི་དུས་ཚོད་མང་པོ་ཞིག་ཁེར་རྐྱང་གིས་བརྒལ་དོན་ལ་བསམ་གཞིག་ཤིག་བྱས་རྗེས། བརྒྱུད་རིམ་ལ་ལ་ཞིག་གིས་ངས་ཁྱེད་ལ་བདེན་དཔང་ཆེ་ཞིག་བྱས་འདུག་སྙམ་བྱུང་། དེ་ནི་ང་ཁྱེད་ལ་དགའ་ཞིང་ཁྱེད་ལ་སེར་སྣ་སྐྱེས་ཤེས་བཞིན་པ་དེ་རེད།

 ࿐དྲུག་གཅིག །བྱིས་པ་རྣམས་ནི་མི་རིགས་ཤིག་གི་མ་འོང་པའི་རེ་བ་བཅོལ་གནས་ཡིན་པས་ཁྱེད་ཅག་ལུས་སེམས་བདེ་ཐང་ངང་འཚར་ལོངས་ཡོང་བར་ཤོག །

6.1

儿童是一个民族的未来之希望，祝愿儿童们心身健康成长。

ནག་ཅིང་མོག་པའི་སེམས་ཁམས་དེ་དག
དྭངས་གསལ་གྱི་ཤེལ་སྒང་ཞིག་ཏུ་འགྱུར་ཕྱིར།
གནས་སྐབས་སུན་སྣང་གིས་སྐྱོམ་ན་ཡང་།
ཕྱིར་འབུད་བྱེད་མི་ཐུབ་པའི་ལམ་དུ་བུད་སོང་།