གློག་བརྙན་ནང་གི་མི་སྣ་གཙོ་བོ་ལོ་གསུམ་ལོན་པའི་རྗོ་རྗེ་ཨས་ཤི་ཟིན་པའི་ཁྱི་ལྡོམ་ཕྲུག་གུ་ཞིག་གི་ཨ་མ་བཙལ་རོགས་བྱས་པས། སྟབས་མ་ལེགས་པར་རང་ཉིད་ཀྱང་ཁྱིམ་མ་རྙེད་པར་མགོ་འཁོར། དེ་དུས་ཕ་མ་བཟའ་ཐོར་སོང་ནས་ཁྱིམ་གཞི་ལ་དྲོད་ཁོལ་ཉམས་པའི་ན་གཞོན་ཞིག་དང་འཕྲད། རྗོར་རྗེ་ཨའི་གཤིས་གཙང་དང་བློ་དཀར། ཡིད་ཆེས་དང་བརྩེ་བ་སོགས་ཀྱིས་ཁོ་རང་ཉིད་ཤིན་ཏུ་ཡིད་འགུལ་ཐེབས་ནས་ལྷན་སྐྱེས་སུ་མངའ་བའི་བློ་དཀར་གཞུང་དྲང་གི་ན་གཞོན་དེའི་དད་མོས་ཀྱང་སྔར་ལས་འགྱུར་བརྟན་མེད་པར་སྙིང་སྟོབས་ཆེན་པོས་དངོས་དོན་ལ་གདོང་ལེན་ཐུབ་པའི་སྤོབས་པ་རྒྱས།
དེ་དང་ལྷན་དུ་རྗོ་རྗེ་ཨ་ཁྱིམ་ཚང་ཐོར་ལ་ཁད་པའི་བཟའ་ཚང་དེ་ཡང་སླར་ཡང་དྲོད་ཁོལ་འཁྱིལ་ལོ།

དུས་དེ་ཙ་ན།

སྙིང་ཉེ་བའི་དབྱངས་ལགས། དེ་སྔར་ངས་རི་ལུང་མང་པོ་ཞིག་ལང་གོག་གིས་བརྒལ་ཏེ་དབྱར་རྩྭ་བཙལ་མྱོང་བའི་བརྒྱུད་རིམ་དག་ཁྱེད་ལ་བཤད་རྗེས། ཁྱེད་ལ་འདང་རྒྱག་ཅི་ཡང་མེད་པར། སང་ཉིན་ངའང་ཁྱེད་དང་མཉམ་དུ་དབྱར་རྩྭ་སྐོ་རུ་འགྲོ་རྒྱུ་ཞེས་ཐག་གིས་བཅད་བྱུང་། དབྱངས་ལགས། ཁྱེད་ཀྱིས་ཤེས་སམ། རི་ལུང་མང་པོ་ལང་མ་གོག་གིས་བརྒྱུད་རྒྱུ་དེ་ནི་ལས་སླ་བོ་ཞིག་ཡེ་ནས་མིན་ལ། ལྷག་དུ་ཁྱེད་ཀྱི་ལང་ཚོའི་ཕྲ་རྒྱན་དུ་སྒོམ་དགོས་པའི་དཀར་ལ་དམར་མདངས་ཀྱིས་ཀུན་ནས་བྱུག་པའི་ཞལ་ངོ་ལའང་མཁའ་དབུག་དང་ཉི་ཟེར་གྱི་ནག་ཐུག་བཟོ་སྲིད་པས། ངས་ཁྱེད་ལ་མི་འཐད་པའི་རྣམ་འགྱུར་ཞིག་ལས་ཅི་ཡང་མ་བསྟན་པ་དེ་ཡིན། དུས་དེ་ཙ་ན་ཁྱེད་རང་མེད་པའི་དུས་ཚོད་མང་པོ་ཞིག་ཁེར་རྐྱང་གིས་བརྒལ་དོན་ལ་བསམ་གཞིག་ཤིག་བྱས་རྗེས། བརྒྱུད་རིམ་ལ་ལ་ཞིག་གིས་ངས་ཁྱེད་ལ་བདེན་དཔང་ཆེ་ཞིག་བྱས་འདུག་སྙམ་བྱུང་། དེ་ནི་ང་ཁྱེད་ལ་དགའ་ཞིང་ཁྱེད་ལ་སེར་སྣ་སྐྱེས་ཤེས་བཞིན་པ་དེ་རེད།

ཁྱིམ་ཚང་དང་དགོན་སྡེ་མི་རིགས་སོགས་ཚོགས་སྤྱི་ཆེ་ཆུང་གང་ཡིན་ཡང་།
དེའི་མ་འོངས་པའམ་འབྱུང་འགྱུར་ལེགས་དང་ལོག་པའི་ལམ་ཁ་གང་དུ་འགྲོ་མིན་ནི།
ཚོགས་སྤྱི་དེ་དག་གི་ཆ་ཤས་སུ་གྲུབ་པའི་བྱིས་པ་ཚོའི་བསམ་སྤྱོད་དང་ཤེས་ཡོན་གྱི་ཆུ་ཚད་ལ་རགས་ལས་པའི་བདེན་དོན་ལ་རྣམ་དཔྱོད་དང་ལྡན་པ་སུས་ཀྱང་བསྙོན་ཐབས་བྲལ་ཨང་།
དེ་ལྟ་ན་མ་འོངས་པར་འོད་སྟོང་ལྡན་པའི་མི་ཚེ་དང་། བདེ་ཞིང་སྐྱིད་པའི་འཚོ་བ།
འཆམ་མཐུན་གྱི་སྤྱི་ཚོགས་ཤིག་འདོད་ཕྱིན་བྱིས་པ་ཚོ་ལེགས་ལམ་དུ་འཇོག་རྒྱུ་ལས་གལ་ཆེ་བའི་ལས་སུ་བྱ་བ་ཞིག་མེད་ངེས་ཏེ། སྟོན་ཐོག་གཡུར་དུ་ཟ་བ་ཞིག་འདོད་ཕྱིན་དཔྱིད་དུས་ཀྱི་ས་བོན་ལ་དུས་དང་འཚམས་པའི་སྐྱེ་འཕེལ་གྱི་ཞིང་ས་གཤིན་པོ་ཞིག་བསྐྲུན་རྒྱུ་ལས་མ་འདས་པ་བཞིན། ཕུན་ཚོགས་མ་ཚང་མེད་རྒྱུ་ལས་ཕུན་སུམ་ཚོགས་པའི་འབྲས་བུ་སྨིན་པ་ཆོས་ཉིད་ཡིན་པས་སོ།།

6.1 བྱིས་པའི་དུས་ཆེན་ཉིན།