#འཚོ་བའི་འཕྲོས་གཏམ#

རང་ལ་དེས་བསོད་ནམས་དང་ལས་སྐལ་མེད་ན་ཨུ་ཚུགས་ཀྱིས་ཕན་ཅི་ཐོག

ཨུ་ཚུགས་ནི་བྱ་འོས་པའི་གཞི་ལས་མི་འོས་པའི་གཞིར་ཁོ་ཅི་ཡང་མ་ཡིན་ནོ། [摊手]

࿐ལྷ་མོ།

པིར།

༢༠༢༢/༡༡/༣

དོ་ནུབ།

སྟོན་མཇུག་གི་གཤོག་པ་ཆད་དེ།
ཁ་བའི་མེ་ཏོག་གི་གཟུགས་བརྙན་ངའི་བར་སྣང་ལ་ཤར་བྱུང་།
འབྲོག་ཐང་ན་འཕུར་བའི་རྣམ་ཤེས།

མཁའ་དབྱིངས་བརྒྱུད་དེ།
པ་སངས་ལྷ་མོའི་རུམ་ཁ་ལ་བབས་ཤིང་།

ཟླ་བ་སྒྲོལ་མའི་འདབས་ཁ་རུ་འཇུས་ནས།
མུ་མཐའ་མེད་པའི་རྩྭ་ཐང་དུ།
རྒྱང་རིང་ལ་སྙན་ངག་ཐེངས་གཅིག་གྱེར།

དོ་ནུབ།

སྐར་ཚོགས་ཀྱི་དབུས་ན།

ཟླ་འོད་ནི་ཧ་ཅང་གསལ་ཏེ།
ངས་རྒྱང་རིང་གི་ལྷ་མོའི་ཕྱོགས་ལ་སྙན་ངག་ཀྱང་འབྲི།
རྒྱང་རིང་ན་བཞུད་པའི་ལྷ་མོ།

སེམས་ངོགས་ན་རྒྱུ་བའི་ལྷ་མོ།
ངས་ཁྱོད་དྲན་བྱུང་།

ལྷ་མོ་ལགས།

ངའི་སྟོང་གསུམ་གྱི་མཁའ་ན་ཨེན་ཙམ་འབར་བའི་ཐ་སྙད་དང་།
ཀེང་རུས་ཀྱི་ཚིགས་ན་སྒྲོན་པའི་སྙན་ངག་ཅིག་མཆོད་པ་ལས།
ང་ཁྱོད་ཀྱི་མིག་ཆུ་བཞིན་ཐང་ལ་འགྱེལ་ན་མ་འདོད་པས།
རྒྱང་རིང་དང་ཁོ་བོའི་བར་ལ་རྣམ་རྟོག་གི་སྙིམ་པ་གང་གྲུབ་བྱུང་།

དོ་ནུབ།

རྒྱང་རིང་གི་འབྲོག་ཐང་ན།

སྒོ་ཁྱི་དང་ལྷན་དུ་ནོར་ལུག་གི་ལྷས་འདབས་སུ།
བརྩེ་དུང་གི་མངའ་ཁོངས་རྫི་གླུ་དང་འུར་ཆས་སྲུང་ལ།
ཁྱོད་ཀྱིས་གྲང་རླུང་དང་ཁ་བའི་མེ་ཏོག་གི་ཞབས་རྗེས་འཚོལ་བཞིན།
པགས་རྩག་གི་ངོ་གདུང་མུན་པ་ལ་གཏོད་དུས།
ཁྱོད་ནི།

འབྲོག་ཐང་དེའི་ཕོ་རྒོད་ཚོའི་རྨི་ལམ་དང་།
ན་གཞོན་མའི་ཕྲག་དོག་གི་རམ་འདེགས་རེད།

ལས་དབང་གིས་ང་ལ་ཀུ་རེ་ཞིག་གི་ལྟ་གོན་དང་།
ཁ་ཕྱོགས་ཤིག་ལ་ལམ་སྟོན་མཛད་ནས།
ནམ་ཞིག་གི་དེ་རིང་ལ་བསླེབ་ན།
ངའི་ངུ་མ་དགོད་ཀྱི་སེམས་ལ་འཛུམ་མདངས་ཀྱི་འོ་ཐིགས་གཅིག་སྩོལ་རོགས།

སྙིང་ཉེ་མ།

དོ་ནུབ།

རི་སྒང་དེའི་སྒལ་ཚིགས་ན།
ཁྱོད་ཀྱི་འཛུམ་མདངས་ལ་སྒྲོམ་མེ་ཡི་བྱིན་རླབས་འཕོག་ནས།
མུན་པའི་ཁྲོད་ཆེས་ཡིད་དུ་སྡུག་པའི་ཤ་ཁྲག་གི་རང་གཤིས་མངོན་པས།
འབྲོག་ཐང་དེའི་གཙང་བོ་དང་།

རྒྱང་རིང་གི་ལུག་ཁྱིའི་ནམ་མཁའ་རུ།
འཇམ་ལ་འཚེར་བའི་རྒྱུ་སྐར་དག་ཀྱང་སྤྲིན་པའི་བར་ནས་ངུ་དགོས་བྱུང་།

སྙན་ངག་དང་ཐ་སྙད་ཀྱིས་འཕྱོར་བའི་ལྷ་མོ།
ལྷགས་རླུང་གི་ངུར་སྒྲ་ཚེ་སྲོག་གི་བདེ་སྐྱིད་ལ་སྒོམ་ནས།
བྱམས་བརྩེ་དང་དྲོད་ཁོལ་གྱི་རུལ་བུ་ནང་སེམས་ལ་མིད་དེ།
སྙིང་རྗེ་ཡི་ཕུང་བོ་གཞན་ཞིག་ལ་ཆགས་བཞིན།
ཁྱོད་ནི།

རྩྭ་ཐང་གི་རྫི་བོ་ཁོ་ན་ཞིག་མིན་པ་སུ་ཡིས་ཤེས།

ཚེ་སྲོག་གི་ཕུང་བོ་བར་མེད་དུ་འཕུར་ཞིང་།
སྙན་ངག་གི་རྟ་མཆོག་གང་འདོད་དུ་དཀྱུ་སའི་རྩྭ་ཐང་གི་ལྷ་མོ།
དོ་ནུབ།

ལ་གཞས་ཀྱི་དགོངས་པ་བར་སྣང་ལ་བཏགས་ཏེ།
རྨི་ལམ་གྱི་ལྷ་ཆེན་པོ་སུས་མདུན་དུ་བཏང་ཡོད།
ངའི་སྨྱུག་རྩེ་ནས་སྙིང་གཏམ་གྱི་ཟུངས་ཁྲག་བབས་བྱུང་།
འདི་ནི།

རྒྱང་རིང་གི་འབྲོག་ཐང་ལྷ་མོས་ང་ལ་བསྩལ་བའི་དངོས་གྲུབ་ཞིག་ཡིན་འདོད།

ལྷ་མོ་ལགས།

དོ་ནུབ་སྙན་ངག་པས་ཁྱོད་རང་དྲན་བཞིན།
གྲོང་ཁྱེར་གྱི་ཕ་མཐའ་ཉུལ།

ཁྱོད་ཀྱི་གཟུགས་བརྙན་ལ་འདྲ་བའི་ལྷ་མོ་གཞན་ཞིག་གིས།
ང་ལ་གཞས་བཏང་།

ང་ལ་བྲོ་འཁྲབ་ན་ཡང་།
ངས་གཞི་ནས་ང་རང་གི་འབྲོག་ཐང་ལྷ་མོ་མིན་པ་ཚོར་བྱུང་།
ངའི་འབྲོག་ཐང་གི་ལྷ་མོ།

ངས་རྩྭ་ཐང་གི་ལྷ་མོ་དྲན་བྱུང་།

ལྷ་མོ་ལགས།

ངའི་ཡོད་ཚད་ཀྱི་བར་སྣང་ལ་ཐིམ་པའི་རྡོག་མ་གཅིག

ཐ་སྙད་རྡོག་མ་གཅིག
ངས་མཛེས་སྡུག་གི་ཡང་རྩེ་ལྷིང་འཇགས་སུ་འདོད་ན་ཡང་།
ཁྱོད་ཀྱི་པགས་རྩག་སྐྱ་བོ་དེས།
སྙན་ངག་དང་ཁོ་བོའི་ནང་སེམས་ལ་ལྕགས་སྒྲོག་བརྒྱབ་བྱུང་།
དོ་ནུབ།

ང་སྟོན་མཇུག་དང་ལྷགས་རླུང་གི་མགོ་ཐོག་ཏུ་ཞོན་ནས།
རྒྱང་རིང་འབྲོག་ཐང་གི་ལྷ་མོ་ཁྱོད་ལ།
ངག་ལྡབ་ལྡིབ་ཀྱིས་སྙན་ངག་གྱེར།
ལག་ཁྱ་ཁྱོག་གིས་སེམས་དྭངས་མའི་སྙན་ངག་འབྲི།

ལྷ་མོ་ལགས།

ངའི་སྙན་ངག་གི་ཐ་སྙད་ལགས།
འབྲོག་ཐང་ན་ལྷ་མོ་མེད་ལ།

རྒྱང་རིང་ན་དགའ་མའང་མེད་པས།
ལྷ་མོ།

དོ་ནུབ། ངས་ཁྱོད་ལ་སྙན་ངག་བྲིས།

ཡང་ཡང་བྲིས།
ངས་ཁྱོད་ལ་སྙན་ངག་ཙམ་བྲིས་པ་ཡིན།
ལྷ་མོ་ལགས།

མི་ཞིག་གི་མི་ཚེ་འདིར་ཁྱོད་ལ་མཛའ་བའི་མི་ཞིག་དང་འཕྲད་པ་སླ་ནའང་། ཐོག་མའི་མི་དང་མཚུངས་པ་ཞིག་ལ་འཕྲད་རྒྱུ་ནི་ཤིན་ཏུ་དཀའ། དུས་ཚོད་བཞུད་ཀྱིན་ཡོད་པ་བཞིན་དུ་མི་སེམས་ཡང་འགྱུར་བཞིན་ཡོད་པས། ལོ་ཟླའི་རླབས་ཕྲེང་བཙན་པོས་མི་རེ་རེའི་ངོ་གདོང་ལ་བྱབས་ཁྲུས་བྱེད་ཀྱིན་ཡོད་ཅིང་། སྐབས་ལན་རེར་འགྱུར་ལྡོག་ཤོར་བའང་ལོ་ཟླས་བྱིན་པ་ཞིག་ལས་མི་སེམས་ཀྱིས་ཆེད་དུ་བཟོས་པ་ཞིག་མ་ཡིན་པས། བཟང་ངན་གང་ཡིན་ཡང་རང་སེམས་ཀྱི་གཏིང་དུ་སྦས་ནས་ཐོག་མའི་ཚུགས་ཀ་དེར་ལྷན་པོ་མི་རྒྱག་རང་དབང་ག་ལ་ཡོད།
人这一辈子，遇到对你好的人，比较容易，但遇到待你如初的人，却很难。时光在走，人心在变，每个人都被岁月的大浪风沙所洗礼。有时候，会变，并非人心本意，只是岁月的赐予，有好有坏，沉淀在心中，不得不覆盖了最初的模样。